30/10/2023
रबि लामिछानेलाई एउटा सुझाब : अहिले राष्ट्रिय स्वतन्त्र पार्टीले आयोजना गरेको विभिन्न कार्यक्रममा पार्टीका नेताहरुले पुराना पार्टीले बिगार गरिरहेका कुरालाई बडो जोड तोडका साथ उठाइरहेका छन् । कहाँ कसले कति बिगारे थप ब्याख्या जरुरी छैन । एउटा वर्गका जनता जानकार छन् । यदि साँच्चै ०८४ को चुनावमा राम्रो नतिजा ल्याउने हो भने स्वतन्त्र पार्टीका नेताहरुले कांग्रेस, एमाले र माओवादीको उछित्तो काढन जरुरी छैन । कुनै बेला सिंहदरबारमा सिमित भ्रष्टाचार अहिले वडामा पुगेको छ । प्रत्येक वडामा पुगेर के शीर्षकमा कति बजेट खर्च भयो र काम कस्तो भएको छ । अध्ययन गरे पुग्छ । स्थानिय तहमा विकास निर्माणको नाममा सरकारी दाम यसरी बाँडेर खान्छन् । २० प्रतिशतको काम हुन्छ भने ८० प्रतिशत कार्यकर्ताको गोजीमा पुग्छ । यति कुरा जनताले बुझ्ने गरी भने पुग्छ ।
अर्को कुरा ०८४ को चुनाबमा कम्युनिष्ट पार्टीका खुद्रा दोकान बन्द भएर नेकपा जस्तै होलसेल पसल खुल्ने सम्भावना छ । त्यतिले पनि पुगेन भने कांग्रेस, एमाले, माओवादी गठबन्धन गरेर चुनाबमा जान पनि सक्छन् ।
यति गर्दा पनि स्वतन्त्र पार्टीले बहुमत ल्यायो रे । त्यसले खास अर्थ राख्दैन । हाम्रो अदालत, अख्तियार, अन्य प्रशासनिक निकाय यति निकम्मा भैसकेको छ ति संस्थाबाट गतिलो काम केही पनि हुन्न । चाकरहरुलाई अख्तियारलगायतका संस्थामा नराख्नका लागि कानुन संसोधन जरुरी छ त्यसका लागि बहुमतले पुग्दैन । यदि साँच्चै मुलुकका लागि केही गर्ने हो भने प्रशासनमा निर्मम अप्रेशन जरुरी छ । त्यसका लागि प्रधानमन्त्री संगै कम्तिमा एक हजार (विभिन्न विषयका विज्ञ)लाई पुरा अधिकार दिएर करारमा नियुक्त गर्नु पर्छ र अन्तिममा भ्रष्टाचारमा संलग्नहरुलाई जेलमा राखेर भात खुवाउने हैन बाटो खन्ने, पुल बनाउने, पार्टी पौवा, चौतारो सिंगार्नेलगायत पूर्वाधार निर्माणको काममा लगाउनुपर्छ ।
