25/09/2025
मुग्लीन नारयणगढ सडक खण्डको तुइन खोला नजिकै झरेको पहिरो पन्छाउनको लागि नारायणगढ तर्फबाट एक्साभेटर- १, लोडर-१ र मुग्लिन तर्फबाट लोडर-2, एक्साभेटर-1 उपकरणहरु प्रयोग गरि निरन्तर रुपमा कार्य भैरहेको छ। पहिरो पन्छाउने क्रममा नारायणगढ साइडतर्फ ठुलाठुला ढुंगाहरुका कारण केही कठिनाइ भएतापनि हामिसँग भएका उपकरणहरुले पूर्ण क्षमताका साथ काम गरिरहेका छन् । पहिरो सफा गर्ने कार्य हालसम्म करिब ६०% सम्पन्न भएको व्यहोरा अवगत गराउन चाहन्छौं । पहिरोको थुप्रोमा ढुंगाहरुको मात्रा बढी भएको र स-साना तिखा ढुंगाहरुका कारण टायर पंचर हुने, ढुंगाले लागेर अपरेटर घाइते हुने जस्ता समस्याहरुले गर्दा सोचे अनुसारको प्रगती हुन नसकिएकोले हेभि इक्प्यूमेन्ट डिभिजन हेटौंडा र डुम्रे बाट दुइजना अपरेटरहरु पनि थप गरिएको छ । कुनै पनि बाधा आइ नपरे निरन्तर रुपमा कार्य गर्न सकिएको खण्डमा संभवत: रातीसम्ममा पूर्ण रुपमा पहिरो हटाई आवागमन संचालनमा ल्याउने आँकलन गरिएको छ ।
