Bulbul Publication

05/06/2025

पहिलो प्रकाशनको ७ वर्षपछि मीरा बुलबुल कम्युनिकेसनको बाटो हुँदै बुलबुल पब्लिकेशनमा आइपुगेकी छे । रेखा थापा अभिनित नाटक #मीरा को चर्चासँगै बजारमा उपन्यास मीराको खोजी हुँदै गर्दा बुलबुल पब्लिकेशनले मीराको दोस्रो संस्करण बजारमा ल्याउँदैछ । भोलिदेखि #मीरा उपन्यास Theatre र बुलबुल पब्लिकेशनमा तत्काल उपलब्ध हुनेछ । पर्सिदेखि बिस्तारै हामी पुस्तक पसलहरूमा वितरण शुरू गर्नेछौं ।

12/04/2025

पहेँलपुर उपन्यास । श्रव्य संस्करण भाग-२

PAHELPUR [AUDIO BOOK PART-2]Vocal By - Achyut Ghimire BulbulWriter - GS PoudelIntro...

25/09/2024

आज बुधबार । अबको ४५ मिनेटमा आजको बुलबुल प्रसारण शुरु हुनेछ । आजको कार्यक्रममा दुई वटा मुक्तक पनि पढेको छु । कस कसको होला त ? सुन्दै गर्दा जाँगर चल्यो भने यी दुई प्रश्नको जवाफ लेखिदिनुहोला ।
१) मेरो आवाज अरु दिनको मिठो सुनिन्थ्यो कि आजको मिठो ?
२) तपाईं कुन ठाउँबाट बुलबुल सुनिरहनुभएको छ ?

21/09/2024

केटाकेटीमा पढेको धेरै याद थिएन मलाई । यो पटक अडियो बुक बनाउने सिलसिलामा प्रकाश कोविदका पाठक यति धेरै ठोकिनुभएको छ मसँग कि म अचम्म परेको छु । यस विषयमा जति धेरै जोडिनुभयो मसँग, सत् प्रतिशत सकारात्मक उहाँप्रति । कुनै युगले उत्तेजना मात्रै फैलाउने लेखनी भनेर दुत्कारेको साहित्यचेतकै कारणले हजारौं लाखौं मानिस नेपाली साहित्यमा अभिप्रेरित भएर लागेका छन् । सलाम छ प्रकाश कोविदलाई । तपाईं बाँचिरहनुभएको भए सायद आफ्नो जीवनकालको बेला भन्दा धेरै प्रशंसकलाई सामाजिक सञ्जालबाटै भेट्न सक्नुहुन्थ्यो !
कोविदको #नोयो उपन्यास पढेपछि मभित्र छुट्टै तरंग उत्पन्न भएको छ । ३ घण्टा समय निकालेर सुन्नुहोला । सायद तपाईं भित्र पनि कोविद तरंग पैदा हुनेछ ।

14/09/2024

बालेनलाई त सुनाइदिनुस् नै कसैले । उनीबाहेक देशका अरु कोही नेता तपाईंलाई मन परेका छन् भने उनलाई यो सुन्न नछुटाउनू भनिदिनुहोला । अँ, आफूलाई खराब लागेका चाहिँ कसैले सुन्न लागेको थाहा पाए पनि नदिनू है । खराबले यसबाट चतुर्याइँ सिक्यो भने झन् खतरा भएर निस्किन सक्छ । असली राजनीतिको पाठ सिक्नु छ भने तपाईं उपन्यास #आचार्य_विष्णुगुप्त_चाणक्य सुन्नुहोस् वा पढ्नुहोस् । अति उत्तम पुस्तक छ ।
मेरो झन्डै एक हप्ताको ठूलो मिहिनेत परेको छ यसमा । र, आज यो सपना पूरा पनि भएको छ । किशोर उमेरमा मैले पढेको यो उपन्यास मेरा सबै श्रोतालाई सुनाउने ठूलो रहर थियो ।
केही ठाउँका नाम र शब्दहरु शुरु शुरुमा कठीन लाग्छन् तर पछि तिनै शब्दले मन छुन थाल्छन् । भिडियो फाइलको अन्त्यमा ती कठीन शब्द र ठाउँका नामको अर्थ पनि बताइएको छ ।
आज राती १० बजेदेखि प्रेमियर हुन शुरु हुनेछ ।
च्यानलको नाम

04/09/2024

आज प्रसारण हुने #बुलबुल अपलोड भइसक्यो ।
युट्युबमा गएर सर्च गर्नुहोस्
च्यानलको नाम : Nepali Chhapro
आज प्रेमियर हुने बुलबुलको अंक-२ (BULBUL 002)
समय : नेपालमा बेलुकीको ठिक 9:15 बजे (हरेक बुधबार)

31/08/2024

सायद म ८ कक्षामा पढ्थेँ होला – पहिलो पटक "विचार विज्ञान: पढ्दा । पहिलो दुई पन्ना च्यातिएको पुस्तकबाट पढेको थिएँ । विचार सम्बन्धी वाक्यहरुले मेरो किशोर मस्तिष्कमा खूब प्रभाव पारेको थियो । अलि पछि फ्ेरि पढेँ यो पुस्तक । खप्तड बाबाबारे अनेकौं किस्सा वा किंवदन्ती पनि सुनेको छु । आफू बुझ्ने भइसक्दा पनि ज्युँदै रहनुभएका परमहंस १००८ स्वामी महापुरुषको प्रत्यक्ष दर्शन गर्ने मौका मिलाउन नसक्नु जीवनको ठूलो खेद हो भन्ने लागिरहन्छ । हिजो मात्रै हैन, आज पनि र भोलिका लागि पनि यो पुस्तक कालजयी छ । यसमा न हिरो छ, न हिरोइन, न कथा छ, न मैं हुँ भन्ने भावको कुनै कथन । तर पुस्तकमा संसार छ, जीवन छ, आफू हुनुको बोध छ । अहिलेको किशोर पुस्तकलाई त कति कुरा पत्यार नलाग्ला वा कति सामान्य कुरा जस्तो पनि लाग्ला । तर विचार विज्ञानका हरेक वाक्य र शब्दहरु मेरा लागि शाश्वत् लाग्दछन् ।
श्रव्य सामग्री बनाउने क्रममा २४ वर्षमा सैयौं हजारौं पुस्तकहरु पढेँ हुँला । तर ४ दिन लगाएर पढिएको यो "विचार विज्ञान" (श्रव्य पुस्तक) लाई मैले आफ्नो जीवनको सानो पुण्यको रुपमा लिएको छु । अन्य साथीहरुले पनि श्रव्य पुस्तक बनाउनुभएको रहेछ यसमा, तर पनि मलाई किन किन आफू पढेर विचार विज्ञानलाई श्रव्य रुप दिन मन लाग्यो र यो कार्य गरेको छु । फुर्सदमा वा आफ्नो मनोबल कमजोर भएका बेला यो पुस्तक सुन्नुभयो भने तपाईंलाई ऊर्जा दिनेछ भन्नेमा म विश्वस्त छु । अझ एक एक थान पुस्तक किनेर घरमै सुत्ने कोठामा राख्नुस् है भनेर सुझाव पनि दिन्छु म यो कृतिबारे ।
(अहिले राती नेपाली समय अनुसार सवा नौ बजेपछि प्रेमियर हुनेछ )

25/08/2024

झन्डै एक वर्षपछि फेरि शुरु हुन लागेको रेडियो कार्यक्रम #बुलबुल प्रसारण गर्न राजधानी बाहिरका केही एफएम संचालकहरुले पनि सहकार्यका साथ प्रसारण गर्ने इच्छा गर्नुभएकाले हामीले आउँदो बुधबारदेखि शुरु हुने #बुलबुल युट्युब च्यानल सँगै एकैसाथ केही एफएम रेडियोहरुबाट पनि प्रसारण गर्ने भएका छौं ।
#बुलबुल प्रसारण हुने च्यानल subscribe र share गरेर साथ दिनुहुन सम्पूर्ण मित्रहरुमा हार्दिक अनुरोध गर्दछु ।

24/08/2024

तीन घुम्ती, नरेन्द्र दाइ, सुम्निमा, मोदिआइन, बाबुु, आमा र छोरा...विश्वेश्वरप्रसाद कोइरालाका यी ५ वटा उपन्यास मैले कुनै एचबीसी एफएम र कुनै उज्यालो रेडियोमा समेत वाचन गरिसकेको छु । तर उहाँकै उपन्यास #हिटलर_र_यहुदी मैैैले कसैगरी आफ्नो मस्तिष्कमा घुसाउनै सकेको थिइनँ - यी २४ वर्षभरि । तर यो पालि मैले कसरी कसरी आफूमा त्यो क्षमता बनाउने कोसिस गरेँ । ३ दिनदेखि मेरो मन हिटलरको ग्याँस च्याम्बरमा फनफनी घुमिरहेको छ । उपन्यास पढेर आज बिहानै सकाएँ तर दिनभरि कथाको नायकको मनस्थिति मभित्र प्रविष्ट छ !
बुलबुल कम्युनिकेसन च्यानलमार्फत बीपीको उपन्यास #हिटलर_र_यहुदी (श्रव्य पुस्तक) लिएर आएको छु । तपाईं फुर्सदमा युट्युबबाट सुन्न सक्नुहुन्छ ।
प्रेमियर हुँदैछ नेपाली समय अनुसार अहिले बेलुकी 9:15 बजे ।

08/08/2024

अस्ति तपाईंहरुसँग राय लिएँ । तपाईंकै राय, सुझाव अनुसार आज मैले प्रकाश कोविदको उपन्यास #अर्को_जन्म लिएर आएको छु । सामाजिक उपन्यासमा एउटा बेजोड शक्ति हुन्छ । बडो मुश्किलसँग ठाउँ ठाउँमा रोकिएर रेकर्ड गरेँ यसलाई । भावुक बनाइदियो कथाले । कतिपय ठाउँमा त वाचन गर्नै मुश्किल पर्यो ।
कोविदले चित्रण गर्नुभएको समाज, समय र त्यहाँका पात्रका सुधोपनले मलाई यो पल्ट खूब आकर्षित गरेको छ ।
तपाईंलाई पनि मन पर्नेछ भन्ने विश्वासका साथ आज प्रस्तुत गर्दैछु बुलबुल कम्युनिकेसनको च्यानल-१ बाट ।
पर्सि शनिवार प्रकाश कोविदको अर्को उपन्यास च्यानल-२ बाट प्रसारण हुनेछ । उपन्यासको नाम चाहिँ आजसम्म गोप्य नै राख्छु । शनिवार पक्कै घोषणा गर्नेछु ।

्यास "अर्को जन्म" को श्रव्य संस्करण [ARKO JANMA]Vocal By - Achyut Ghimire BulbulIntro Vo...

02/08/2024

वि सं २०८० सालभित्र प्रकाशित गजल संग्रह मध्ये कुनै एकले पाउने पुरस्कार । भाद्र मसान्तसम्म आफ्नो पुस्तक पुरस्कार समितिलाई बुझाइसक्नुहोला ।