https://www.facebook.com/327305448655004/

Dipa Simkhada, Kathmandu (2026)

06/09/2026

सानैदेखि मनमा बसेको यो गीत आज फेरि गाउन पाउँदा, पुराना दिनहरू र त्यो बेलाको एउटा छुट्टै संसार सम्झिए। समय बित्दै गयो, हामी ठूला हुँदै गयौ, धेरै कुरा फेरिए तर मनमा बसेका धुनहरू भने अझै उस्तै मीठा हुँदा रहेछन्।
Note : I’m not a singer, but I just couldn’t resist this song.
यो गीत तपाईहरूले पनि सुन्नुभएको छ? 🤍

05/09/2026

My type of vibe. 🤍
म त कृष्णको नाम लिनकै लागि र कृष्णलाई माया गर्नको लागि जन्मेको हुँ जस्तो लाग्छ। मेरो मन सधैं
कृष्णतिरै लागिरहोस्, जिब्रोमा सधैं कृष्णकै नाम आओस्, अनि जीवनको अन्तिम साससम्मै पनि “कृष्ण” भन्न पाइयोस् , कृष्ण भन्दै प्राण त्याग्न सकु । हजुर पनि केही क्षण सबै कुरा बिर्सेर कृष्णको दर्शन गर्नुहोस्, उहाँको नाम लिनुहोस्… सायद मनले खोजिरहेको शान्ति त्यहीँ कतै भेटिन्छ। My forever love , all for Krishna Only Krishna. This is my kind of night out. ✨ No club can top this. 🦚
Hare Krishna

04/09/2026

कृष्ण, म हजुरलाई पाउन होईन म त हजुरको हुन चाहन्छु।
पाउने चाहनामा म बाँच्छ, हजुरको हुने चाहनामा ‘म’ हराउँछ।
र मलाई हजुरमा यही ‘म’ हराउनु छ । जीवन चलाउन कर्म गरूँला, संसारका जिम्मेवारी निभाउँला, तर बाँकी हरेक पल हजुरको नाम जप्न पाऊँ। यो जन्ममै हजुरसम्म पुग्न पाऊँ यदि यो जन्ममा सम्भव भएन भने पनि अर्को जन्ममा त्यही घरमा जन्माउनु, जहाँ जन्मिँदै देखि कृष्णको नाम सुनु , कृष्णकै प्रेममा हुर्कु । श्रीकृष्ण जन्माष्टमीको हार्दिक शुभकामना। 🙏
हरे कुष्ण 🙏

30/08/2026

अहिले धेरै व्यापारीहरू, जो हिजोसम्म TikTok बनायर वा LIVE मा बसेर आफ्ना सामान बेचिरहनुहुन्थ्यो, उहाँहरू पनि काममा फर्किन डराइरहनुभएको छ। अहिले सामान बेच्यो भनेर फेरि गाली गर्छन् कि? भन्ने डर छ किनकि अहिले TikTok आफ्ना सामानहरू देखाइरहनु भएकोहरुको कमेन्टमा “देश यस्तो अवस्थामा छ, अझै सामान बेच्ने?” भनेर गाली आयको देखिन्छ। कलाकारहरूको अवस्था पनि त्यस्तै छ। विदेशबाट कार्यक्रमका लागि बोलाइएका कलाकारहरू आयोजकसँग पहिल्यै कमिटमेन्ट गरेर गयका हुन्छन्। टिकट बिक्री भइसकेको हुन्छ, लाखौँको खर्च भइसकेको हुन्छ। नेपालमै पनि कतिपय कार्यक्रम, गायक, डान्सरहरू आफ्नो काम गर्न डराइरहनुभएको छ नाच्यो, गायो भनेर गाली खानुपर्ला कि? भनेर। घटना भएको त्यही दिन वा भोलिपल्टै सामान्य कार्यक्रम गर्ने, नाचगान गर्ने, रमाइलोका सामग्रीहरू पोस्ट गर्ने कुरा अलि संवेदनशील नदेखिन सक्छ भन्ने कुरामा म पनि सहमत छु तर दुःख सधैँ त्यही क्षणमा रोकिँदैन, जीवन पनि रोकिँदैन। केही दिनपछि बाँचेकाहरूले फेरि आफ्नो घर, परिवार र देशका लागि उठ्नैपर्छ।
गायकको कर्म गाउनु हो, डान्सरको कर्म नाच्नु हो, कलाकारको कर्म कला हो, व्यापारीको कर्म व्यापार हो। कसैको LIVE मा सामान बेच्नु पनि उसको कर्म हो। कर्म नगरी घर चल्दैन, अर्थतन्त्र चल्दैन, अनि देश पनि चल्दैन।कसैले आफ्नो काम सुरु गर्दा, भिडियो पोस्ट गर्दा, LIVE बस्दा वा कार्यक्रम गर्दा कमेन्टमा गएर , यस्तो अवस्थामा पनि? भनेर गाली नगरौ। उहाँहरूलाई पनि आफ्नो जीवन चलाउनुपर्ने छ, परिवार पाल्नुपर्ने छ, स्टाफको जिम्मेवारी छ, कमिटमेन्टहरू छन्। दुःखी हुनु र काम नगर्नु एउटै कुरा होइन। मन दुःखी भएर पनि मान्छे कर्म गर्न सक्छ।
हामीले पीडितलाई सहयोग गर्नुपर्छ। जसरी सक्छौँ, जहाँ सक्छौँ, जति बेला सक्छौँ सहयोग गरौँ। तर आफ्नो कर्ममा फर्किन खोजिरहेको मान्छेलाई गाली गरेर अर्को पीडा नदिऔँ। नेपाल आमाले पनि आफ्ना सन्तानलाई दुःख पर्‍यो, अब सबैजना रोएर बस भन्नुहुन्न । अन्तत: मान्छे काममा फर्कियो भन्दैमा उसको मनबाट पीडा हराएको हुँदैन। कसैले आँसु देखाएर पीडा व्यक्त गर्छ, कसैले आफ्नो कर्म गरेर। पीडामा पनि कर्म गर्नेलाई हौसला दिऔँ, गाली होइन। Let them work. Let them rebuild.किनकि हामी सबैले काम नगरी यो फेरि देश कसरि उठ्छ? 🇳🇵🙏
✍️Dipa Simkhada

29/08/2026

राहत बाँड्न सिक्यौ , सहयोग गर्न सिक्यौ , यो समयमा सायद अरु केहि कुराहरु पनि सिक्न जरुरि छ जस्तो लाग्यो त्यसैले लेख्दैछु । हाम्रो संस्कारले हामीलाई दुःख परेको घरमा जान सिकाएको छ। यो हाम्रो असाध्यै राम्रो संस्कार हो तर आफ्ना मान्छे गुमाएका परिवारको घरमा पुग्दा के गर्ने, कसरी बोल्ने, के नगर्ने ? सायद यो कुरा हामीलाई स्कुलमा पढाइएन। संस्कारमा सिकाइएन। अथवा हामीलाई यो बिषयमा थाहा नै छैन ।
हामिहरु सोकाकुल घरको गेट सम्म हास्दै जान्छौ तर त्यो घरको गेटभित्र छिरेपछि रुन थाल्छौ । त्यहाँ गएर त्यहि शोकमा डुबिरहेको परिवारको अगाडि आफू र त्यो बित्नुभएको वा हराउनुभएको मान्छेको सम्बन्ध सुनाउन थाल्छौ । उसले मलाई यस्तो भन्थ्यो, मसँग यस्तो सम्बन्ध थियो, अस्ति भेट्दा यस्तो गरेको थियो.. अनेक अनेक !!! तपाईंको भावना साँचो हुन सक्छ। म त्यसलाई गलत भन्दिन , तर त्यो कुरा त्यही पीडित परिवारको अगाडि गएर सुनाउनैपर्छ भन्ने छैन।
जुन मान्छे अहिले आफ्नो सबैभन्दा ठूलो पीडामा छ, उसको अगाडि गएर आफ्नो भावना देखाएर आफू कति दुःखी छु भन्ने प्रमाणित गर्न जरुरी हुन्छ र ? कतिपयले त परिवारको भावना पनि थपिदिनुहुन्छ मेरो छोरा रोएर स्कुल गयो , मेरो श्रीमान्ले पनि आज खानै खानुभएन , यो कुरा सुनेदेखि हाम्रो परिवार नै रोयौ भनेर ,त्यो बेला पीडित परिवारलाई आफ्नो परिवारको दुःख पनि बोकाउन जरुरी छैन। यस्तो बेला तपाईं उहाँको पीडा कम गर्न होइन, नचाहँदा नचाहँदै झन् थप्न पुगिरहनुभएको हुन्छ । तपाईंको भावना साँचो हो भने, त्यो भावना आफ्नो मनमा राख्नुस् घर फर्केर आफ्नो परिवारसँग भन्नुस्। भगवान्सँग भन्नुस्। उहाँलाई सम्झेर एक्लै रोइदिनुस् तर पिडितमाथि नथपिदिनुस् ।
अनि कोहि फेरि रोइरहेको मान्छेलाई नरोऊ ,कति रोको , यसरि पनि हुन्छ ? भन्दै ठुलो ठुलो स्वरमा कराउछन् । तपाईलाई थाहा छ, आँसु भगवानले किन दिनुभएको ? तपाईं आफैँलाई सम्झिनुस् त आफूलाई पर्दा रोएपछि मन अलिकति भयपनि हलुका भएको थियो कि थियन ? भएको थियो नि । हो त्यस्तै मन उसको पनि छ । त्यसैले रुन दिनुस् , आफ्नो भावना आफैँ बुझ्न दिनुस्। मान्छे रोएर कमजोर हुँदैन। आँसु झरेपछि मनमा थुनिएको पीडा पनि अलिकति बगेर जान्छ , आँसु भगवानले त्यसैका लागि दिनुभएको हो । अनि त्यहीँ छेउमा बसेर कोहि पुरुषहरु राजनीति, समाज र ब्यापारका गफ गरिरहेका छन् अनि नारिहरु आफ्नो छोराछोरिको अनी अरूका कुरामा गर्न ब्यस्त हुन्छन् । त्यो घरमा हामी पीडितलाई भेट्न गएका हौँ, आफ्नो छोरा, श्रीमान् वा परिवारका कथा पनि त्यहीँ बसेर सुनाइरहनु जरुरी छैन। गफको पनि ठाउँ र समय हुन्छ शोकमा डुबेको घर गफ गर्ने ठाउँ होइन।
अर्को कुरा जीवन र मृत्यु यस्तो हो, उस्तो हो भनेर लामो लामो कुरा गरेर सम्झाउन नबस्नुस् , उहाँलाई सबै कुरा थाहा छ। पीडाको बेला कसैले दिएको सुझाव सुन्ने मन हुँदैन, साथ चाहिन्छ। सक्नुहुन्छ भने किचन कहाँ छ भनेर सोध्नुस्, के खानुभयो ? म के बनाइदिऊँ? औषधि खानुपर्ने छ कि सोध्नुस् बच्चाबच्चीलाई हेरिदिनुस्। म यस्तै परिस्थिति भोगेका कसैको घरमा जाँदा मनमनै भगवान्सँग सधै यहि माग्छु हे कृष्ण! मेरो मनमा अलिकति पनि शान्ति छ भने आज त्यो शान्ति उहाँलाई दिनुस्। उहाँको मनमा यति धेरै बेचैनी छ भने त्यसको एक प्रतिशत भए पनि मलाई दिनुस्, त्यसले उहाँको बेचैनी एक प्रतिशत कम हुन्छ भने आज त्यो बेचैनी म खपिदिन्छु। सबै कुरा बोल्नैपर्छ भन्ने हुँदैन, केही ठाउँमा नबोल्नु वा थोरै बोल्नु नि संस्कार हो।
✍️Dipa Simkhada

28/08/2026

We did it! ❤️
आज काठमाडौं CDO कार्यालयमै पुगेर, CDO सरकै साथमा बसेर उहाँहरूकै अगाडि मेरो पसलका लगभग सबै कपडा हस्तान्तरण गरेँ। यो समयमा धेरै संस्थाहरूले सहयोगका लागि सम्पर्क गर्नुभएको थियो, तर यस्तो अवस्थामा आफ्नै देशको सरकारी संयन्त्रलाई विश्वास गरेर सहयोग गर्नु नै सबैभन्दा सही लाग्यो। त्यसैले मैले CDO Office रोजेँ। कपडा संगै माया पनि मिसाएर पठाएको छु। यो कपडा जस-जसको हातमा पुग्छ, उहाँहरूको जीवनमा अलिकति भए पनि खुशी र सहजता थपियोस्। 🙏🇳🇵
Special Thanks Ayusa Simkhada Paudel Ashish Simkhada Shibu Pandey

28/08/2026

गोरखा,भिमसेनथापा गाउँपालिका वडा न १ का उहाँ काठमाडौ बाट पर्यटक लिएर तिब्बत ट्रेकिङ जानुभएका रञ्जन भट्ट हिजो बिहान ८ बजेदेखि सम्पर्क विहीन हुनुभएको छ।उहाको न 9749359965 हो।हिजो बिहानपछि उहाँसँग कुनै सम्पर्क हुन सकेको छैन परिवार गहिरो चिन्तामा हुनुहुन्छ।उहाँलाई फेला पार्नु हुने वा उहाँबारे कुनै जानकारी प्राप्त गर्नुहुने साथीहरुले कृपया यो नम्बरमा तुरुन्त खबर गरिदिनुहोला:
📞बिकास श्रेष्ठ 9851158010
📞 शेषनाथ भट्टराई 9846536842
सितल गुभाजु 9856040881
उहाँको सकुशल उद्धार तथा खोजीका लागि यो पोस्टलाई धेरैभन्दा धेरै सेयर गरिदिनुहुन विनम्र अनुरोध छ! 🙏

28/08/2026

🙏 अत्यन्तै दुःखका साथ सहयोगको अपिल 🙏
केही दिनअघि आएको विनाशकारी बाढीपछि हाम्रा आफन्त शुरेश सिम्खडा / गोमा सिम्खडा / शारदा सिम्खडा अहिलेसम्म सम्पर्कविहीन हुनुहुन्छ। उहाँको अवस्था कहाँ र कस्तो छ भन्नेबारे हाम्रो परिवारलाई कुनै जानकारी प्राप्त हुन सकेको छैन।
उहाँको यो फोटो यहाँ राखेका छौँ। यदि तपाईंहरूमध्ये कसैले उहाँलाई बाढी आएको स्थान आसपास, उद्धारको क्रममा वा अन्य कुनै ठाउँमा देख्नुभएको छ वा उहाँसँग कुनै किसिमले सम्पर्क भएको छ भने, कृपया हामीलाई तुरुन्त जानकारी गराइदिनुहोला। यो हाम्रो परिवारका लागि अत्यन्तै दुःखद र कठिन घडी हो। त्यसैले तपाईंहरूले उहाँलाई कतै देख्नुभएको छ, उहाँबारे केही जानकारी पाउनुभएको छ वा उहाँसँग सम्बन्धित कुनै सूचना थाहा पाउनुभएको छ भने कृपया सानोभन्दा सानो जानकारी भए पनि हामीसम्म पुर्‍याइदिनुहोला।
एउटा सेयरले पनि उहाँलाई खोज्न मद्दत गर्न सक्छ।
कृपया यो पोस्ट धेरैभन्दा धेरै ठाउँमा पुर्‍याइदिनुहोला 🙏
परिवार उहाँको खबरको प्रतीक्षामा छ। 🙏💔

28/08/2026

Dear D Story Family 🫶
धेरै जनाले D Story कहिले आउँछ?" भनेर सोध्दै हुनुहुन्छ। यथार्थमा, मेरो यो शो दुई हप्तामा एक पटक आउने र पालो यही शुक्रबार यानिकि आज नै थियो। तर, आज यो शो प्रसारण गर्ने मुड वा समय नै रहेन।
D story भनेको मानिसहरूलाई मोटिभेट गर्ने, जीवनका विभिन्न पाटाहरु जोड्ने एउटा प्लेटफर्म हो। तर, आज देशको जुन खालको दुःखद परिस्थिति छ, त्यसलाई हेर्दा मलाई यो शोभन्दा अरू नै कुराहरू धेरै महत्त्वपूर्ण लाग्यो। आज म तपाईहरूलाई D Story' को दर्शक भन्दा पनि देशको जिम्मेवार नागरिक बनेर उभिने बेला आएको महसुस गराउन चाहन्छु । शो त अर्को हप्ता पनि आउला, त्यसमा कुनै हतार छैन। आज तपाईले D story मा बिताउने १ घण्टाको समय स्क्रिनमा खर्च गर्नुभन्दा, केही न केही योगदान दिनुहोस्, पीडामा रहेकाहरूका लागि प्रार्थना गर्नुहोस् वा उनीहरूको साथमा उभिनुहोस्। आजको यो घडीमा देश र जनताको पीडाभन्दा ठूलो अरू कुनै कथा हुन सक्दैन।
तपाईंहरूको यो साथ र समझदारीका लागि धेरै धन्यवाद। हामी अर्को हप्ता नयाँ ऊर्जा र कथाका साथ भेट्ने नै छौँ! 🙏❤️
- Dipa Simkhada
Producer / Host D Story !!

Dipa Simkhada

06/09/2026

05/09/2026

04/09/2026

30/08/2026

29/08/2026

28/08/2026

28/08/2026

28/08/2026

28/08/2026

Address

Website

Alerts

Shortcuts

Share

Category

Listing takedown request