The RUJU VIDEO

The RUJU VIDEO FactCheck From Nepal, theruju.com
Email: [email protected]

20/07/2025

Fact Check: Unknown video clip goes viral on social media ! But not Nepal

भिडियोमा एक पुरुषले एक महिलालाई यात’ना दिइरहेको देख्न सकिन्छ । उक्त क्लीपलाई राजन थापा नामक फेसबुक प्रयोगकर्ताले पोस्ट गर्दै कैलाली जिल्लाको घटना भएको दाबी गरेका छन् । साथै अन्य सामाजिक संजाल प्रयोगहर्ताहरुले पनि यो भिडियोलाइ पोस्ट गरेर नेपाल प्रहरीलाई मेन्सन गरिरहेका छन् र दोषीलाई कारवाहीको माग गरेका छन् ।

अर्कोतर्फ यही भाइरल क्लीपको विषयमा नेपाल प्रहरीले आधिकारिक रूपमा स्पष्टीकरण दिएको छ । भिडियोका विषयमा नेपाल प्रहरीले जारी गरेको नोट अंश यस्तो छ- 'सामाजिक सञ्जालका विभिन्न माध्यममा एक जना पुरुषले महिलालाई पोखरीमा चोपल्याउँदै यात’ना दिइरहेको भिडियो सम्प्रेषण भइरहेको सम्बन्धमा उक्त घटना नेपालमा नभई छिमेकी राष्ट्रको रहेको जानकारी प्राप्त भएको छ ।'

वास्तवमा, भाइरल भिडियो कुन सन्दर्भको हो भनेर प्रमाणित गर्ने पक्का प्रमाण तथ्यजाँचकै चरणमा छ । त्यसैले संकास्पद र अज्ञात क्लीपलाई भ्रामक तरिकाले कैलाली जिल्लासँग जोडिएको पाइयो ।

Viral Video Clip । Nepali Woman । Social Media Awareness । Fact Check Shorts । Nepali FactCheck । RUJU

17/07/2025

Fact Check: Does using your mobile phone too much cause horns to grow on your head?

'मोबाइल धेरै चलाउँदा टाउकोमा सिङ पलाउँछ' भन्ने जानकारी अहिले सामाजिक सञ्जालहरु भाइरल भइरहेको छ, तर यो कुरा सत्य होइन।
वास्तवमा, टाउकोमा सिङ पलाउने दाबीको जड सन् २०१६ मा अष्ट्रेलियाको University of the Sunshine Coast का दुई अनुसन्धानकर्ताले गरेको एक अध्ययनसँग जोडिएको छ । यो अध्ययन Journal of Anatomy मा छापिएको थियो, जसको नाम थियो, ‘A morphological adaptation? The prevalence of enlarged external occipital protuberance in young adults’ । यो अध्ययनमा १८ देखि ३० वर्ष उमेरका युवाहरूको एक्स-रे हेरिएको थियो । त्यसमा केहीको टाउकोको पछाडिपट्टि, घाँटी नजिकै, सानो हड्डी अलिकति बढेको भेटिएको थियो । यसमा फोन चलाउँदा टाउको धेरै झुकाउने बानीका कारण हुन सक्छ भन्ने अनुमान गरिएको थियो । तर यो हड्डी “सिङ” जस्तो ठूलो या बाहिर निस्किएको होइन, नाङ्गो आँखाले देख्न पनि सकिँदैन — छामेर मात्रै महसुस हुन्छ।

वैज्ञानिकहरूले यसलाई Enlarged External Occipital Protuberance (EEOP) भनेका छन् । तर यो कुनै नयाँ "सिङ" हैन — बरु शरीरमै हुने सामान्य हड्डीको हल्का वृद्धि मात्र हो। यद्यपी, यो अध्ययन पनि विभिन्न कारणले वैज्ञानिक समुदायमा विवादित छ । त्यसैले, मोबाइल धेरै चलाउँदा सिङ पलाउँछ भन्ने कुरा भ्रामक हल्ला मात्र हो । मोबाइल प्रयोग गर्दा पोस्चर राम्रो राख्नु स्वास्थ्यका लागि राम्रो हो । तर स्मार्टफोन चलाउँदैमा डराउनुपर्ने कुरा होइन ।

के तपाई भ्रामक सूचनाको विरुद्धमा हुनुहुन्छ? रुजूसँग जोडिनुहोला ।

Mobile Phone Users Alert । Social Media Awareness । Fact Check Shorts । Nepali FactCheck । RUJU

10/07/2025

Viral Review : Comment Expose Eleena & Samikshya’s Digital Revolt !

Comment Expose अभियान एलिना र समीक्षाको डिजिटल विद्रोह !
नेपाली सोसल मिडियामा व्यापक चर्चा पाएको "Comment Expose" अभियानको पूरा विवरण यस भिडियोमा प्रस्तुत गरिएको छ।

गायिका एलिना चौहान र समीक्षा अधिकारीले अनलाइन ट्रोलिङ र साइबरबुलिङको विरुद्धमा उठाएको यो कदमले सामाजिक सञ्जालमा मात्र होइन, राष्ट्रिय बहस पनि जन्मायो।

यस भिडियोमा हामीले चर्चा गरेका छौँ:
– Comment Expose अभियानको सुरुवात कसरी भयो
– एलिना र समीक्षाले किन ट्रोल गर्नेहरूको प्रोफाइल सार्वजनिक गरे
– साइबर अपराध र डिजिटल एथिक्सको महत्त्व
– यस घटनाको कानुनी र सामाजिक प्रभाव
– र अन्ततः, हामीजस्ता प्रयोगकर्ताले के जिम्मेवारी लिन सक्छौँ

यदि तपाईं पनि साइबर दुर्व्यवहारको सिकार हुनुहुन्छ भने, चुप नबस्नुहोस्। यो भिडियो हेरेर सजग बन्नुहोस् र अरूलाई पनि सजग बनाउनुहोस्।

Like, share, र subscribe गर्न नबिर्सनुहोस्।
तपाईंको विचार तल कमेन्टमा लेख्नुहोस्।



Eleena Chauhan | Comment Expose | Samikshya Adhikari | CyberbullyingNepal | DigitalSaftey | Fact Check Nepal | Ruju Factcheck

09/07/2025

Fact Check Shorts: Rabi Lamichhane बिना धरौटी कारागारबाट रिहा?

दाबी (Claim):

राष्ट्रिय स्वतन्त्र पार्टीका अध्यक्ष रवि लामिछानेलाई बिना धरौटी कारागारबाट रिहा गरिएको छ। जनताको हस्ताक्षर अभियानपछि सर्वोच्च अदालतले उनलाई छोड्ने आदेश दिएको हो।

तथ्य-जाँच (Fact-Check):

यो दाबी भ्रामक छ। सर्वोच्च अदालतले रवि लामिछानेलाई रिहा गर्न आदेश दिएको छैन, बरु उनलाई सहकारी ठगी प्रकरणमा पुर्पक्षका लागि थुनामै राख्ने उच्च अदालत, तुलसीपुर (बुटवल इजलास) को आदेशलाई सदर गरेको छ। उहाँ हाल रुपन्देही जिल्ला कारागारमा न्यायिक हिरासतमा हुनुहुन्छ। साथै, नेपालको कानून प्रणालीमा कुनै पनि हस्ताक्षर अभियानले अदालतको न्यायिक निर्णयलाई प्रत्यक्ष प्रभाव पार्न सक्दैन।

Social Media Awareness । Fact Check Shorts । Nepali FactCheck । RUJU

06/07/2025

Fact Check Shorts: Advertising epidemic of online gambling like HimaBet

हालै HimaBet Nepal जस्ता पेजहरूले अनलाइनमा सजिलो पैसा कमाउने लोभ देखाएर जुवा खेलाउने प्रयास गर्दै आएका छन् । अहिले यस्ता अनलाइन ग्याम्ब्लिङ स्क्यामहरूले एआईबाट बनाइएका फोटो र भिडियो प्रयोग गरेर अरु व्यक्तिहरुले पनि थुप्रै पैसा जितेको जस्तो देखाएर तपाईंलाई झुक्याउँछन । जुन भिडियो मानिशहरुले झट्ट हेर्दा Real जस्तो लागे पनि बास्तबमा त्येस्ता भिडियोहरू Real नभई Fake हुन् । त्यस्ता भिडियो देखेर तपाईलाई पनि एक पटक try गर्न मन लाग्छ । उनीहरूले सुरुमा सानो रकम जिताएर तपाईंलाई आकर्षित गर्छन्, अनि पछि तपाईंको मेहनतको पैसा खाइदिन्छन् । सजिलोसँग तपाईंको विश्वास जितेर ठगी गर्छन्।नेपालमा अनलाइन ग्याम्ब्लिङ गैरकानूनी छ ।

यस्ता पेजहरूले ‘लाइसेन्स छ’ भनेर दाबी गरे पनि नेपालमा कानूनी रूपमा मान्यता प्राप्त छैन । प्रारम्भमा सानो रकम जिताएर विश्वास दिलाउने, पछि ठगी गर्ने धेरै केसहरू छन् । नेपाल प्रहरीले यस्ता अनलाइन जुवा, बेटिङ एप्स र पेजहरूमा कारबाही गरिरहेको छ । यस्ता पेजहरूले सजिलो पैसा कमाउने भन्दै अनलाइनमा जुवा र बेटिङ गराउँछन् ।तपाईले दिनरात परिश्रम गरेर कमाउनु भएको पैसा भविष्यको लागि सुरक्षित राख्नुहोस् । सजिलो कमाइको लोभमा अनलाइन जुवामा नफस्नुहोस् । नेपालमा अनलाइन जुवा खेल्नु र खेलाउनु दुवै अपराध हो । हामी तपाईंलाई सजग रहन अनुरोध गर्दछौँ ।

online gambling । Advertising epidemic । Social Media Awareness । Fact Check Shorts । Nepali FactCheck । RUJU

05/07/2025

Fact Check: Sensitive Weather, Be Careful Of Viral Videos

सामाजिक सञ्जालमा जे आयो, पत्याइहाल्ने ? '२०८२ असार १४ गते अविरल वर्षा' भनेर यो भिडियो तपाईंको फिडमा पनि आयो होला। कतिले त 'हे भगवान!' भन्दै सेयर पनि गर्नुभयो होला। तर 'हल्लाको पछि लाग्नेको घरमा कहिल्यै बत्ती बल्दैन' भनेझैं, के यो हल्ला साँचो हो? कि कसैले हामी सबैलाई 'फूल' बनाइरहेको छ? आउनुहोस्, आज हामी यो भाइरल भिडियोको पोस्टमार्टम गरौं ।

Flood Kathmandu । Social Media Awareness । Fact Check Shorts । Nepali FactCheck । RUJU

04/07/2025

Fact Check : Video goes viral, claiming Kathmandu's roads are flooded

सामाजिक सञ्जालमा हालै यो भिडियोले निकै चर्चा पाइरहेको छ। दाबीअनुसार, यो दृश्य काठमाडौंको हो जहाँ सडक डुबानमा परेको छ। के यो भिडियो काठमाडौं कै हो त? बास्तबिकता पत्ता लगाउन हामीले तथ्यजाँच गरेका छौँ । कुनै पनि भाइरल सामग्रीको सत्यता जाँच्ने हाम्रो प्रक्रियाको पहिलो चरण हो - त्यसको मूल स्रोत पत्ता लगाउनु। हामीले यो भिडियोको क्लिपलाई 'रिभर्स इमेज सर्च' प्रयोग गरेर खोज्यौं।

नतिजा स्वरूप सन् २०२२ को जुलाई महिनामा एबीपी न्यूज लगायतका विश्वसनीय भारतीय सञ्चारमाध्यमहरूले यो भिडियोसहितको समाचार प्रकाशन गरेका थिए। जसअनुसार, यो दृश्य भारतको राजस्थानस्थित जयपुर शहरको हो। समाचार अनुसार जयपुरमा आएको बाढीका कारण सडकमा सवारीसाधन तैरिएको थियो । सो सामचारमा प्रयोग गरिएको यो तस्बिर र भाइरल भिडियोसँग दृष्य दुरुस्तै मिलेको पाइयो। साथै खोजीका क्रममा सन् २०२२ जुलाई २५ मा युट्युवमा अपलोड गरिएको एक भिडियो फेला पर्‍यो, सो भिडियोको क्याप्सनमा भिडियो भारत राजस्थान स्थित जयपुरको रहेको बताइएको छ।

प्रविधिको यो युगमा, प्रमाण अकाट्य हुन्छ। यो भिडियो खिचिएको वास्तविक स्थान पुष्टि गर्न हामीले गुगल म्याप्सको सहायता लियौं। स्क्रिनमा हेर्नुहोस्... भाइरल भिडियोमा देखिएको यो अपार्टमेन्ट, पूल,र यो सडक जयपुरको चोमु पुलिया (Chomu Puliya) को गुगल स्ट्रिट भ्यूमा कैद भएको दृश्यसँग दुरुस्तै मेल खान्छन्। काठमाडौंमा डुबान' भएको दाबीसहित फैलाइएको यो भिडियो पूर्णरूपमा भ्रामक छ। यो दृश्य नेपालको नभई, सन् २०२२ मा भारतको जयपुरमा आएको बाढीको हो।

Social Media Awareness । Fact Check Shorts । Nepali FactCheck । RUJU

02/07/2025

Fact Check: Was This Footage Filmed When B***n Shah Was About To Be Arrested?

बालेन शाहलाई पक्राउ गर्न लागिएको र उनले आत्तिकै गुहार मागेको दाबी भ्रामक छ । यस्ता दाबीहरूलाई कुनै आधिकारिक प्रमाणहरुले पुष्टि गरेका छैनन् । अर्कोतर्फ दाबीसँगै जोडिएको बालेन देखिने भिडियो मे २०२२ मा पहिलोपटक सामाजिक संजालमा पोस्ट गरिएको देखिन्छ, त्यो बेला बालेन काठमाडौँ महानगरको मेयर पदमा विजयी हुँदै थिए । सोही पुरानो र फरक सन्दर्भको भिडियोलाई भ्रामक दाबीसहित सामाजिक संजालमा फैलाइएको पाइयो ।

। B***n Arrested Claim । Viral Video । Nepali FactCheck । Fact Check Nepal । RUJU

01/07/2025

Fact Check: Narendra Modi and Kamal Thapa Meet, Old Video Goes Viral On Social Media

​​कमल थापा र भारतका प्रधानमन्त्री नरेन्द्र मोदीबीच 'हालै भेटवार्ता भएको' भन्दै सामाजिक सञ्जालमा फैलाइएको भिडियो भ्रामक छ । यथार्थमा, २०१४-२०१५ वरिपरि खिचिएको पुराना भेटघाटको दृश्यलाई हालको जस्तो देखाएर प्रचार गरिएको हो । यस्ता भेटहरू सामान्य कूटनीतिक प्रकृयाको हिस्सा थिए, न कि कुनै विशेष समर्थन वा सहमतिका सूचक । हाल कुनै नयाँ भेटवार्ता भएको प्रमाण छैन र भारतले नेपालमा राजसंस्था वा हिन्दू राष्ट्रको पुनर्स्थापनालाई समर्थन गरेको दाबीको स्वतन्त्र पुष्टि हुन सकेको छैन । यसैले उक्त भिडियो र त्यससँग जोडिएको सन्देश गलत र भ्रामक हुन् ।

Narendra Modi Meet Kamal Thapa । Viral Video । Nepali FactCheck । Fact Check Nepal । RUJU

Address

Kathmandu

Telephone

+9779851258088

Website

Alerts

Be the first to know and let us send you an email when The RUJU VIDEO posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The RUJU VIDEO:

Shortcuts

Share

Category