14/02/2026
मधेश प्रदेशमै रोकिएन तस्करी पहुँचबाला घुमुवा यथावतै बिना पहुँचबाला घुमुवा हेडक्वाटर तानियो !
सर्लाही । मधेस प्रदेशको जिल्लाहरुमा परिचालन गरिएका घुमुवाहरु हेडक्वाटर तानिएता पनि मधेश प्रदेशका जिल्लाहरुबाट तस्करी रोकिएका छैनन्।
सर्लाही,महोत्तरी,धनुषा,पर्सा,बारा र रौतहट जस्ता ठाउँबाट घुमुवाहरु तानिदा पनि उक्त जिल्लाहरुमा तस्करी बन्द नभई झन् बढेका छन्। बर्षौँदेखि चल्दै आएको तस्करी अब नेपाल प्रहरी र सशस्त्र प्रहरी दुवै पक्षको संरक्षणमा व्यवस्थित रूपमा सञ्चालन भइरहेको गम्भीर आरोप सार्वजनिक भएको छ । जिल्ला प्रहरी कार्यालय सर्लाहीका प्रमुख एसपी खड्काको नेतृत्वमा तस्करलाई सर्लाहीको विभिन्न नाकाबाट तस्करी गर्न सहज बनाउने नेटवर्क सक्रिय रहेको प्रहरी स्रोतको दाबी छ । तस्करी नियन्त्रण गर्न र राजस्व वृद्धि गर्न गृह मन्त्रालयले पटकपटक सशस्त्र प्रहरीलाई निर्देशन दिएपनि बोर्डर एरियामा खटिने सुरक्षाकर्मी मान्सिक महिनावारीमा आफ्नो राजस्व वृद्धि गर्न खटिएका छन्।
सखुवबा, फेनहरा, हिरापुर ब्यारेज, बहादुरपुर, मधुवनी गोठ, अर्नाहा र बलरा नाकाबाट भारततर्फबाट दैनिक रूपमा कपडा, सुपारी, सुर्ती, खाद्यान्न, किराना, बीउ, मोबाईल, चिनी, खाददेखि कुखुरासम्म बिना रोकटोक भित्रिने गरेको पाईएको हो। तस्करहरुले भारत बिहार राज्यको सोनबर्सा,रिगा,सितामढी,बैरगनिया जस्ता ठाउँबाट सर्लाहीको विभिन्न नाकाबाट सहजै वयलवास, लालबन्दी, हरिवन र बरहथवा आसपासका गोदाममा जम्मा गरी पिकअप, अटो र ट्रकमार्फत् राजधानीसहित बागमती र मधेसका विभिन्न जिल्लामा पठाईने गरेको नाउँ नबताउने सर्तमा एक तस्करले बताएका छन्।
नेपाल प्रहरीतर्फ यो तस्करी सञ्जालको मुख्य ‘सेटिङकर्ता’को रूपमा जिल्ला प्रहरी कार्यालय सर्लाहीका घुमुवा प्रहरी जवान कृष्णनन्दन कुशवाहा रहेको स्रोतले बताएका छन्। अहिले तस्करीको संजाल चलाई रहेको स्रोतले बताएका छन्। नाकामा खटिने असईदेखि स्थानीय एजेन्ट, गाडी पास, रकम संकलन र बाँडफाँडसम्म सबै काम समन्वयमा चल्ने गरेको प्रहरी स्रोतको दाबी छ । प्रहरी हेडक्वाटरले मधेश प्रदेशको जिल्लाहरुमा घुमुवा बसिरहेको भन्ने दुई पटकमा ८२ जना प्रहरी नायव निरीक्षक सहित प्रहरी जवानलाई हेडक्वाटर झिकाइएका छन्। हेडक्वाटर झिकाएका प्रहरीहरु मध्ये कतिपय प्रहरी निर्दोष पनि फसेको एक प्रहरीले जनाएको हो। उद्धारणमा: आफ्नो जागिर अवधिमा कहिलै घुमुवा प्रहरीमा नबसेका प्रहरी सहायक हवल्दार नुरुले होदा मिया अंसारीलाई जिल्ला प्रहरी कार्यालय सर्लाहीबाट प्रहरी हेडक्वाटर तानिएका छन्। प्रहरी सहायक हवल्दार अंसारीको पहिला देखिनै किड्नीमा समस्या रहेको र अहिले प्रहरी अस्पतालमा १ हप्ता देखि भर्ना रहेको उनका आफन्तले बताएका छन्। यस्ता कतिपय प्रहरीहरु मधेश प्रदेशका जिल्लाहरुबाट निर्दोष तानिएको र तस्करीमा संलग्न रहेका घुमुवा प्रहरीहरु रजगज रहेको एक प्रहरीले बताएका छन्। जिल्ला प्रहरी कार्यालय बारा सहित अन्य जिल्लाबाट पटक पटक हेडक्वाटर तानिएका प्रहरी हवल्दार बच्चा यादव अहिले फेरी मधेश प्रदेशमै बसी फेरी रजगज जमाएका छन्। हवलदार यादव यस भन्दा पहिला जिल्ला प्रहरी कार्यालय सर्लाहीमा घुमुवा प्रहरीमा कार्यरत रहदा एक महिला संग अनेतिक सम्बन्ध गरी रहदा स्थानीयहरु पक्राउ गरेको थियो। अहिले हवल्दार यादव मधेश प्रदेश भरीकै जिल्लामा सिभिल प्रहरी बसी तस्कर संग साटघाट राखी अहिले ताण्डव मचाएका छन्। बिभागले पटक पटक हवल्दार यादवलाई तान्दा उनकै मामा लाग्ने भु.पु प्रहरी नायव निरीक्षक श्यामसुन्दर यादवले संरक्षण गरिरहेको स्रोतले बताएका छन्। भु.पु प्रहरी नायव निरीक्षक यादव आफ्नो भान्जालाई जोगाउन डिआईजी देखि आईजीपी सम्म पहुँच राख्ने गरेको स्रोतले बताएका छन्। स्रोतका अनुसार हवल्दार यादवलाई जोगाउन उन्को मामा भु.पु प्रहरी नायव निरीक्षक यादवको पावरले हवल्दार यादवलाई पटक पटक तान्दा पनि कुनै कार्वाही नहुने र बिभागले फेरि मधेश प्रदेशकै जिल्लामा पठाउने गरेको स्रोतले बताएका छन्। त्यसतै सर्लाहीका पर्साका प्रहरी नायव निरीक्षक रोसन अधिकारीले तस्करहरु संग साटघाट राखी खुल्याम तस्करी गराई रहेको र प्रहरी चौकीमै बसिबसि प्रहरी नायव निरीक्षक अधिकारी तस्करीका ठुलै समराज चलाई रहेको स्रोतले दावी गरेका छन्। त्यसतै जिल्ला प्रहरी कार्यालय सिरहाका बरिस्ठ प्रहरी नायव उपरीक्षक जयलाल यादवले तस्करहरुको सेटिङ्गमा ठुलै समराज चलाई रहेको स्रोतले बताएका छन्। बरिस्ठ प्रहरी नायव निरीक्षक यादव अहिले सिरहा र धनुषाको प्रहरी प्रमुखको सेटिङ्गमा आफ्नो अनुकुल घुमुवा प्रहरी खटाई अबैध कारोबार सुरु गराएको स्रोतले बताएका छन्। भर्खरै प्रहरी हेडक्वाटरले मधेश प्रदेशका जिल्लाहरुबाट ८२ जना प्रहरीहरुलाई घुमुवा प्रहरी हो भनी तानिएका थिए। तर यी सबै प्रहरीहरु पावर र पहुँचका भरमा अहिले सम्म ठाउँ ठाउँमै यथावत् रही मधेश प्रदेशका जिल्लाहरुमा ठुलै समराज चलाई रहेको स्रोतले बताएका छन्।
*सर्लाही*
सशस्त्र प्रहरी पोस्टकै अगाडि भारतीय समानको गोदाम
सखुवबा नाकाबाट कृष्ण यादवले सशस्त्र प्रहरीको बिओपी सखुवबाबाट केही मिटरकै दूरीमा, प्रहरीको आँखै अगाडि कवाडको गोदाम सञ्चालन गरिरहेका छन् । स्थानीयका अनुसार उक्त गोदामबाट दैनिक रूपमा कवाड, धान र गहुँ भारत–नेपाल ओसारपसार हुने गरेको छ ।
अटोमार्फत् तस्करी, मासिक सेटिङ
यसैबीच, अटोमार्फत् किराना, हार्डवेयर र कपडाको तस्करी गर्ने नामुद तस्कर बबिता महतो तथा कपडाको कारोबारमा संलग्न हुसैनीले पनि सशस्त्र प्रहरी तथा नेपाल प्रहरीका घुमुवा कृष्णन्दन कुशवाहा संगको सेटिङ्गमा तस्करी गरिरहेको पाइएको छ । स्रोतका अनुसार उनीहरूले अटो प्रयोग गरी सीमावर्ती नाकाबाट माल ओसारपसार गर्दै आएका छन् ।स्थानीय व्यापारीहरूका अनुसार बबिता महतो र हुसैनीले समेत घुमुवा प्रहरी जवान कृष्णन्दन कुशवाहालाई मासिक रकम बुझाएर तस्करी धन्दा सञ्चालन गरिरहेका छन् । मासिक ‘सेटिङ’ मिलेकै कारण उनीहरूका गाडी तथा अटोहरू चेकजाँचबिनै पास हुने गरेको दाबी गरिएको छ । त्यसतै कपडा, किराना र खाद्यान्न तस्करीमा हिरालाल साह, इन्दु शहनी, रामेश्वर साह, करन्जित बैठाव, अमामुल, सुरेश यादव, प्रमोद यादव, बृज यादव, मुकेश शाह, बिनोद शाह, सुरेन्द्र यादव, रौशन यादव, कन्हाई पण्डित र रसिया यादव सक्रिय रहेको एक तस्करले बताएका छन । मुना कपडा, काठ, मकै र बीउ तस्करीमा संलग्न छन् । राजेश ठाकुर भारतबाट मकै, पटाका र बीउ ल्याउने तथा नेपालतर्फ स्याउ पठाउने कारोबारमा आबद्ध छन् ।
सन्तोष डिलर भनेर चिनिने चन्तोष शाहले पर्सा र सखिवबा नाकाबाट किराना र स्याउको काम गरिरहेका छन । स्याउ भारततर्फ लाने र किराना उताबाट नेपालतर्फ ल्याउने गरिएको छ । मोबाइल र बीउ तस्करीमा धर्मेन्द्र महतो, चिनी–खादमा दिनेश महतो, धानमा अजय शाह, कुखुरा तस्करीमा भाड्सर–खुटौना नाकाका दिपक कलवार चौधरी सक्रिय रहेको बताइन्छ । नवलपुर एरियाका किराना तस्करी सुबोध चौधरीको संरक्षणमा भई रहेको बुझिएको हो। तर स्थानीयस्तरमा भने विजय यादव नेटवर्क, सखुवामा नाकामा विजय पुकार र हुसैनीको प्रभाव तथा घुमुवा प्रहरी प्रणालीको दुरुपयोगमाथि निष्पक्ष र उच्चस्तरीय छानबिन नभएसम्म सर्लाहीमा मौलाउँदै गएको तस्करी नियन्त्रण गर्न कठिन हुने आवाज चर्किँदै गएको छ ।
*महोत्तरी*
यस्तै मधेश प्रदेशका महोत्तरी जिल्लामा पनि खुल्याम तस्करीको गोरख धन्दा सुरु भएको स्रोतले बताएका छन्।जिल्ला प्रहरी कार्यालय महोत्तरीबाट सिभिल घुमुवामा खटेका
प्रज- कबिर भन्ने राकेश यादवले महोत्तरीका सम्सी कनवा,भिठामोड,मठियानी सहित दर्जनौं नाकाबाट तस्करीको लाईन खुलाएका छन्। महोत्तरीमा बिरेन्द्र शाह (खैरा), बिजय शाह, सजींव शाह, सोनु, बिनिता, राकेश शाह, रुपेश, मनोज कवाडी, बेचन शाह, रबि मिश्र, सरोज, चन्दन, साजन, प्रिन्स, पंकज, प्रमिला, सुधिर, बिपिन, अनिल, अन्तोष, सन्तोष, धमौली वाली, श्याम बाबु, दिलिप, लालु, सोनु मटिहानी, नजाम, साविर, धनेश्वर, राजकिशोर, रघु शाह, सुशील दास, मन्जु, मुलि, शंकर, काधिर, क्रीपाल मिश्र, ललन मण्डललगायत दर्जनौँ व्यक्तिले प्रहरी जवान यादवको संलग्नतामा छुट्टाछुट्टै लाइन पाई अवैध कारोबार सञ्चालन गरिरहेका छन् ।
*बारा*
बारामा तस्करी धन्दा खुलेयाम चलिरहेको छ । पथलवाघाट र खजानी क्षेत्रबाट अहिले व्यापक तस्करी धन्दा चलेको छ। तस्करीमा संलग्न तस्करहरूले कहाँ र कुन नाका आफ्नो लागि सहज र सुविधाजन्य हुन्छ त्यहीबाट तस्करीको धन्दा चलाउंछन भन्ने कुरामा कुनै दुईमत छैन । त्यसैले बिगत केही महिना देखि यो नाकाबाट व्यापक मात्रामा तस्करी भैरहेको छ ।नेपाल प्रहरीको स्थानीय चौकीसंग सेटिङ मिलाएर उनीहरूको संरक्षणमा यसरी तस्करी चलिरहेको हाम्रो स्थानीय संवाददाताले जानकारी दिएका छन् । नेपाल प्रहरीका मधेस प्रदेश प्रमुख डिआइजी गोबिन्द थपलिया बाराका विभिन्न नाकाहरूबाट प्रहरीकै संरक्षणमा तस्करी भैरहेको सुचना पाएपछि बारम्बार तस्करी रोक्न निर्देशन दिएको भए पनि अझै तस्करी नियन्त्रण होइन झन् व्यापक रूपमा चलिरहेको छ।बारामा तस्करी गराउन र मान्सिक सेटिङ्ग गर्न प्रहरी नायव निरीक्षक दिपक बस्नेत अहिले सकृय बनेका छन्। प्रहरी महानिरीक्षक दान बहादुर कार्की संगठनमा शुद्धीकरण गर्ने र सीमावर्ती क्षेत्रबाट हुने चोरी तस्करी नियन्त्रण गर्ने निर्देशन बारम्बार दिएको भए पनि मातहतका प्रहरीले कार्यान्वयन गरेको देखिदैन । केन्द्र र प्रदेश प्रहरी प्रमुखले बारम्बार दिएको नीति निर्देशन विपरीत अहिले बाराको पथलवाघाट र खजानीबाट व्यापक तस्करी भैरहेको छ।
प्रहरी सेटिङ र संरक्षणमा पथलवाघाट र खजानीबाट तस्करीको लाइन पाउनेहरूमा माष्टर कपडा , नरेश यादव मल , भैंसी , अरबिन्द साह , प्रविण साह कपडा , हार्डवेयर , भोला साह कपडा , प्रदिप साह किराना , हार्डवेयर , उपेन्द्र यादव किराना ,हार्डवेयर , नितेष यादव सूर्ति , हार्डवेयर , रमा कान्त यादव कपडा , मुकेश मुखिया हार्डवेयर , कपडा , गोरे नवल भैंसी , दिनेश यादव कपडा हार्डवेयर प्रमुख छन् ।
पथलवाघाटबाट निस्के पछि झन्डै ४ सय मिटरको फरकमा खजानी चौकी रहेको छ । पथलवाघाट चौकीमा रवि यादव नाम गरेका असई छन् । यी दुबै प्रहरी चौकी असई दर्जाको लागि बारा जिल्लाको सबैभन्दा राम्रो र अतिरिक्त आम्दानी हुने चौकीमा पर्ने कुरा जिल्ला प्रहरी कार्यालयका एक प्रहरी निरीक्षकले बताए । उनका अनुसार यी दुबै चौकीमा जानका लागि जिल्ला प्रहरी कार्यालयका प्रमुखलाई टेण्डर अर्थात जसले बढी मासिक बुझाउने गरि कबोल गर्छ उसैले जाने अवसर पांउछ ।
नेपाल तर्फबाट ठूलो मात्रामा गांजाको तस्करी भारततर्फ हुदै आएको छ। बारा जिल्लामा सबैभन्दा बढी गांजाको तस्करी हुने नाका नै पथलवाघाट भएको यहाँका स्थानीय बताउँछन् । धादिङ र मकवानपुर जिल्लाको पहाडी भेगमा उत्पादित गांजा तथा चरेस समेत यसै नाकाबाट भारततर्फ तस्करी हुने गरेको स्रोतले बताएका छन्। तस्करीका विषयमा जति पटक जिम्मेवार सुरक्षा पदाधिकारीहरु संग कुरा हुँदा हामी अति नै गम्भिर छौं, २४ औं घण्टा डिउटी गरेर सुक्ष्म निगरानी राखिरहेको दाबी गर्दछन् तर व्यवहारमा निकै फरक रहेका पाइएका छन् ।
