HulakiNews

03/09/2025

प्रश्न गर्नेलाई जेल कोचने मन्त्री ।
खानेपानी मन्त्री प्रदीप यादवलाई धम्की दिएको अभियोगमा पक्राउ परेकी किरण साहको स्वास्थ्यमा समस्या भएपछि उनलाई बुधबार बिहान अस्पताल भर्ना गराइएको छ ।

02/09/2025

01/09/2025

गोरखकाली नाकाबाट तस्करी
मलंगवा । सर्लाही जिल्लाको गोरखकाली नाका तस्करहरूको लागि खुला छ। सर्लाहीको मुख्य तस्करी हुने नाका मध्ये गोरखकाली प्रमुख हो । गोरखकाली स्थित प्रहरी चौकीमा जानका लागि जिल्ला प्रहरी कार्यालयका प्रमुखलाई टेण्डर हालेर जाने प्रचलन यहाँ धेरै बर्ष देखि चल्दै आएको छ । त्यसैले पनि टेण्डर हालेर गएपछि त्यही अनुसार उठाउन त पर्याे नै । उठाउनको लागि तस्करी गराउनु नै पर्याे । त्यही भएर पनि यो नाकाबाट अहिले व्यापक तस्करी भैरहेको छ ।
यस नाकाबाट मुख्य गरेर तस्करीको लाइन पाउनेहरूमा जयकिशोर यादव ( हार्डवेयर र बिद्धुतिय सामान ) , विजय साह ( सूर्ति , कपडा , बिद्धुतिय सामान ) , जयकिशोर यादव ( कपडा , स्याउ , मकै , धान ) , उमेश पटेल ( कपडा , स्याउ , मकै , कस्मेटिक ) , तीन बहिनी ( टेम्पोमा कपडा ) , उर्मिला ( किराना ) काली ( किराना ) प्रमुख छन् । यसबाहेक यस चौकी मातहत ९ वटा अबैध मदिरा भट्टीहरू समेत रहेका छन् । यी अबैध भट्टीहरूबाट उत्पादित मदिरा भारत तर्फ तस्करी हुदै आएको छ । अबैध भट्टी संचालन गर्न सहयोग गरेवापत एउटा भट्टीले जिल्लाका घुमुवा बाहेक स्थानीय प्रहरीलाई मासिक २५ हजारको दरले रकम दिने गरेको समेत भट्टी चलाउनेहरू खुलेयाम नै बताउँछन् । साथै यहाँका प्रतीक र साहारा नामका होटलमा भारतीयहरू मदिरा सेवनका लागि आउने गर्दछन् । बिहान देखि राति अबेर सम्म मात्रै होइन मध्य रात सम्म मात्रै नभएर कहिलेकाही त रातभर नै होटलमा भारतीय ग्राहकले मदिरा सेवन गरेर बसिरहेको देख्न सकिन्छ । त्यसरी छुट दिएवापत होटलले प्रहरीलाई महिनावारी राम्रो रकम दिने गरेको समेत होटलका कर्मचारीहरू बताउँछन् । यी होटल डिस्को क्लव जस्तो पनि अनुभूति हुन्छ कहिलेकाही त ।अहिले यो गोरखकाली चौकीमा सई हरेन्द्र साह प्रमुख छन् । केही बर्ष पहिले सम्म हवल्दार बस्ने यो चौकीमा अहिले सई प्रमुख छन् ।

26/08/2025

रौतहटमा तस्करी तीब्र सुरक्षा ब्यवस्था फितलो !एक सातामा ३ जनाको शव फेला!

भिडियो ....

रौतहट।भदौ ०९। रौतहट जिल्लाको विभिन्न नाकाबाट सेटिङ्गको अधारमा तस्करी तीब्र बढेका छन्। सीमावर्ती भारतीय बाजार बैरगनियाबाट मुख्य नाका भएर सीमावर्ती नाकामा खटिएका प्रहरीको संरक्षणमा खुलेयाम भारतीय टेम्पो मार्फत भारतीय सामानहरु नेपालमा भित्रयाइने कार्य भई रहेका छन। भन्सार कार्यालयको मुख्य गेटमा खटिने नेपाल प्रहरी र सशस्त्र प्रहरीका जवान देखाउटी रुपले चेक जाँच गर्नमा ब्यस्त रहेता पनि भन्सार नजिक रहेको पसलमा तस्करहरुले डिउटी खर्च स्वरुप चढावा दिने र निर्वाद रुपमा भन्सार छलीका समानहरु तस्करी गर्ने गरेका छन्।दिनहुँ टिप अनुसार रकम निर्धारण गरी तस्करहरुले तस्करी गरि रहेको पाईएको हो। सीमावर्ती नाकामा खटिएका सुरक्षाकर्मीले दैनिकी टिप पसलमा नराख्दा तस्करीका मालसामान नजानदिने पछि कुरा नमिल्दा बलजबर्जस्ती पक्राउ गरी भन्सार बुझाउने पुरानो परम्परा रहेको स्थानीयहरुले बताउँछन्।यस भन्दा पहिला तस्करहरुले भन्सार नजिक रहेको गुम्ती पसलमा दैनिक टिप राखेकै खण्डमा शस्त्र प्रहरीले सो गुम्ती पसलमा पैसा लिन जाँदा गुम्ती साहुको ब्यानले दुई जना शस्त्र प्रहरी गणमा तानी कार्वाही भएको थियो। गौर भन्सार नजिक दर्जनौं सिसि टिभि क्यामेरा तस्करको लागि नभई सर्वसाधारणका लागि मात्र भएको स्थानीयहरुले बताएका छन्।भारतबाट इलेक्ट्रॉनिक सामान ,हार्डवेयरका सामान ,चीनी ,खानेतेल , लताकपडा , कुखुराको चल्ला, सहितका समानको तस्करी भईरहेका छन्। त्यसतै रौतहटको पुर्वी लक्ष्मीपुर बेलबिक्षवा, ब्रहम्पुरी गाउँबाट बिहारमा प्रतिबन्धित मदिरा,खाद्य,मसुरो, मुङ्गको तस्करी शस्त्र प्रहरी र नेपाल प्रहरीको सेटिङ्गमा रातीराती हुने गरेको स्थानीयले बताएका छन्। भने रौतहटको पश्चिमी नाका बंजरहा,लतमडी,रामपुरखाप,राजपुर,सानो घिउरा,जयनगर सहितको सबै नाका तस्करका लागि सुचारु भएको स्थानीयले बताएका छन्। बोर्डर एरियामा सुरक्षाकर्मीले तस्करीको मामिलामा कडाइ गरे पनि रौतहटको मध्य माग शिवनगरमा ठुलो परिनाममा भारतीय भन्सार छलीका चिनी पक्राउ हुनु रौतहटका सुरक्षाकर्मी माथि ठुलो प्रशन खडा भएका छन्। यति ठुलो मात्रामा भारतीय चिनी बरामद हुँनु र कुन नाकाबाट आएको हो भने पतो नलाग्नु रौतहटको सुरक्षाकर्मी माथी ठुलो चुनौती खडा भएको स्रोतले बताएका छन्। गौर भन्सार कार्यालयको श्रावण महिनामा दुई करोड उनान्सत्तरी लाख राजस्व उठाउने लक्ष्य रहे पनि लगभग दुई करोड सरसठी लाख उठेका छन।सुरक्षा ब्यवस्था फितलो,- रौतहटको सदरमुकाम गौरमा एक सातामा तीन तीन वटा सव बरामद भएको हो। जस मध्ये दुई पुरुष र एक महिलाको शव रहेको हो। गौरको एक लजबाट मृत अवस्थामा पुरुषको शव फेला परेको थियो। भने गौर संकर यादव क्याम्पसको उत्तरपट्टी दुई युवकमा वाटरगण नशालु पदार्थ सेवनको बिषयमा बिवाद हुँदा एक युवकको छुरा प्रहारले मृत्यु भएको थियो। त्यसतै सनिवार राति मुडवलवा गेट नजिक सुटकेशमा महिलाको शव बरामदले रौतहट सुरक्षाकर्मीलाई ठुलो चुनौती रहेको र यस्तो घटनाले स्थानीयहरुमा भए त्रास उत्पन्न भएका छन्।

26/08/2025

तराई मधेशमा आज चौरचन पर्व मनाइँदै

25/08/2025

चौरचन तथा तीज पर्वका लागि ठेलामा फलफूल बिक्री गरिरहेको अवस्थामा राजविराज नगरपालिकाबाट खटिएका कर्मचारीहरुको टोलीले विचरा साना व्यवसायीको आधा दर्जन भन्दा बढी ठेला नियन्त्रणमा लिएका छन् । चाडपर्वका बेला व्यवसाय गरेर दुई पैसा आर्जन गर्ने सोचका साथ फलफूल बेच्दै गरेका व्यवसायीहरुको मूल पूँजी नै नियन्त्रणमा लिनु गलत हो । किनभने त्यही फलफूल बेचेर आएको पैसाले घरमा चुलो बलेको हुन्छ ।
छोराछोरीको सपना र चाडपर्वमा मीठो खाने राम्रो लाउने लालसाहरु पनि त्यही सानो व्यवसायमै आश्रित रहेको हुन्छ । बरु, साना व्यवसायीहरुको व्यवस्थापनतर्फ ध्यान दिँदा राम्रो । उनीहरुकालागि पेट पाल्ने माध्यम भनौं वा श्रीसम्पत्ति त्यही नै हो ।
डन्डा सानामाथि मात्रै किन ? करोडौं लगानी गरेर निर्माण भई उद्घाटन भइसकेको बसपार्क किन सुचारु हुन सकेन । साना ठेलाहरु भन्दा पनि ठूलाठूला बसहरु पनि सडकमै थन्क्याइएको हुन्छ । के पालिकाले नसकेकै हो त ?
राम मन्दिरदेखि उच्च अदालतसम्म मूल सडकमै तरकारी हाट लाग्दैआएको छ । सवारीसाधन त के मान्छेलाई पैदल हिड्न पनि गाह्रो छ । सडकै अवरुद्ध हुने गरी लाग्दैआएको हाट व्यवस्थापन गर्न पालिकाले नसकेकै हो त ? नगरभित्र मुख्य तथा व्यस्त सडकहरुमा जताततै खुल्ला पार्किङ हुँदैआएको छ । के त्यसले दुर्घटना निम्त्याउँदैन ?
फलफूल व्यवसायी होस् कि फुटपाथका व्यवसायी ! व्यापार व्यवसायी गर्न पाउने उसको पनि अधिकार छ । उनीहरुसँग पनि सम्मानजनक व्यवहार होस् । सानालाई निसाना बनाउनुभन्दा पनि व्यवस्थापनतर्फ ध्यान जाओस् । भिडियोः पत्रकार चन्दन यादव ।

25/08/2025

व्यक्तिगत वैदेशिक रोजगारी ठगी प्रहरीले हेर्ने
काठमाडौं । वैदेशिक रोजगारीको नाममा नेपाली युवाहरू ठगीमा पर्ने घटना दिनप्रतिदिन बढ्दै गएका छन्। आकर्षक तलब, छिटो भिसा, र सजिलो कामको प्रलोभन देखाएर दलालहरू नेपाली कामदारहरूलाई झुक्याउने क्रम रोकिएको छैन। वैदेशिक रोजगार विभागका अनुसार पछिल्लो समय दर्जनौं गुनासा दैनिक रूपमा दर्ता भइरहेका छन्, जसमा ठगी, सम्झौता विपरीतको काम, तलब नपाउने, र मानव बेचबिखन जस्ता समस्या उल्लेख छन्। विदेशमा अलपत्र परेका नेपालीहरूले दूतावासमार्फत उद्धारको गुहार गरिरहेका छन्।
विशेषगरी मध्यपूर्व र मलेसिया जस्ता मुलुकहरूमा यस्ता समस्या बढी देखिएका छन्। धेरै नेपालीहरू नक्कली वा अनुमतिबिनाका एजेन्टमार्फत विदेश जान खोज्दा ठगीको सिकार बन्न पुगेका हुन्। हालका वर्षहरूमा नेपाली युवाहरू वैदेशिक रोजगारीको सिलसिलामा ठूलो संख्यामा विदेश जान थालेका छन्। तर, यो क्रमसँगै ठगी र शोषणका घटनाहरू पनि दिनप्रतिदिन बढ्दो क्रममा देखिएका छन्। धेरै युवा उचित जानकारी र आधिकारिक प्रक्रियाको अभावमा दलालको झुक्याउने झेलमा परिरहेका छन्।
सरकारले केही कडा नियमहरू लागू गरे पनि निगरानी र कार्यान्वयनमा कमजोरीका कारण दलालहरूले सजिलै फाइदा उठाउँदै आएका छन्। वैदेशिक रोजगार बोर्डका एक अधिकारीले भने, “वैदेशिक रोजगारीमा जाने प्रक्रिया कानुनी रूपमा सहज भए पनि धेरैले छोटो बाटो अपनाउने प्रयास गर्दा ठगिन्छन्।”
कुनैकुनै व्यक्तिहरूले आकर्षक तलब, सजिलो काम, र चाँडै भिसा आउने जस्ता प्रलोभन देखाएर उनीहरूलाई गलत बाटो हुँदै विदेश पठाउने गरेका छन्। यस्तो अवस्थामा न त उनीहरूले सम्झौताअनुसारको तलब पाउँछन्, न त उचित काम र बसोबासको सुविधा। धेरैले त काम नपाईकनै विदेशमै अलपत्र पर्नुपर्ने अवस्था आएको छ।
यस समस्याको समाधानका लागि सरकारले कडाइका साथ निगरानी गर्नुपर्ने आवश्यकता छ। साथै, विदेश जान चाहने युवाहरूले पनि प्रमाणित एजेन्ट वा कम्पनीमार्फत मात्र प्रक्रिया अघि बढाउनु जरुरी छ। सूचना र सचेतनाको अभाव पनि यस्तो ठगीको कारण बन्ने गरेको छ, त्यसैले सञ्चार माध्यम, स्थानीय सरकार, र सामाजिक संघसंस्थाहरूले जनचेतनामूलक कार्यक्रम सञ्चालन गर्नु आवश्यक छ।
यता मानव अधिकारकर्मीहरू भने सरकारले श्रोत र गन्तव्य देशहरूबीच प्रभावकारी सहकार्य गर्दै नियमनमा कडाइ गर्नुपर्नेमा जोड दिँदै आएका छन्। साथै, जनस्तरमा व्यापक सूचना र सचेतना अभियान सञ्चालन गर्नुपर्ने माग पनि उठिरहेको छ।
विश्लेषकहरूका अनुसार, बेरोजगारी, पारिवारिक दबाब, र विदेशमा छिटो कमाउने सपना नेपाली युवालाई जोखिमपूर्ण निर्णयतर्फ आकर्षित गराउने मुख्य कारण हुन्।यस समस्याबाट जोगिन वैदेशिक रोजगारमा जान चाहने सबैलाई सरकारले स्वीकृत म्यानपावर कम्पनीमार्फत प्रक्रिया अगाडि बढाउन, आवश्यक कागजात जाँच गर्न र परामर्श लिन अनुरोध गरेको छ।
वैदेशिक रोजगारीमा हुने व्यक्तिगत ठगी रोक्न सरकारले वैदेशिक रोजगार ऐन संशोधन गर्ने तयारी गरेको छ । ऐन संशोधनमार्फत् व्यक्तिगत ठगीको अनुसन्धान प्रहरीमा र न्याय निरूपण जिल्ला अदालतबाट गर्ने गरी कानुनमा सुधार गर्न लागिएको हो । व्यक्तिगत ठगी न्यूनीकरण गर्न सरकारले व्यक्तिगत ठगीका उजुरी प्रहरीलाई जिम्मा दिने व्यवस्था कानुनमा गर्न लागेको हो । त्यस्ता मुद्दाको निरूपण गर्ने जिम्मेवारी जिल्ला अदालतलाई दिन लागिएको छ । अहिलेसम्म म्यानपार कम्पनीबाट भएका ठगीका घटना वैदेशिक रोजगार विभागले हेरिरहेको छ । मेलमिलाप नभएका व्यक्तिगत ठगीका मुद्दा भने वै देशिक रोजगार न्यायाधीकरणले हेर्छ । प्रस्तावित विधेयकमा वैदेशिक रोजगार विभागले गर्ने अनुगमनमा सहयोग नगर्ने म्यानपावर कम्पनीलाई तीन महिनासम्म निलम्बन र ५० हजार रूपैयाँसम्म जरिवाना गर्ने व्यवस्था गरिएको छ ।

24/08/2025

सिरहा सीमामा प्रहरी–तस्कर गठजोडः भन्सार छलीको धन्दाले राजश्व घट्यो



मुकेशकुमार यादव ,सिरहा । मधेस प्रदेशको सिरहास्थित सीमा नाका पछिल्लो समय तस्करको उर्वर भूमि बनेको छ । यहाँको विभिन्न नाकाबाट मरिच, मदिरा, गाँजा, लागूऔषध, ग्यास लाइटर, चिनी, चाइनिज स्याउसहितका सामग्रीको तस्करी फस्टाएको छ । पारिबाट चिनी, दाल, चामल, आगूऔषध, मोटरपाट्र्सदेखि कस्मेटिक्सलगायत दैनिक उपभोग्य मालबस्तु तस्करी व्यापक छ । वारीबाट गाँजा, ग्यास लाइटर, स्याउ, मरिचलगायतको तस्करी मौलाएको छ ।

करिव ४५ किलोमिटर खुल्ला सिमानाका रहेको सिरहामा सीमावर्ती माडर, बरियारपट्टी, ठाढी नाकाबाट मदिरा र लागू पदार्थ गाजा तस्करी व्यापक हुन्छ । यो सहितको सीमा नाकाबाट पछिल्लो समय स्याउ तथा मटर, मरीच र मदिरा पनि तस्करी भइरहेको छ । सिरहाका यी नाका तस्करीको सुरक्षित नाका मानिन्छ ।

सिरहाको माडर, ठाढी, झाझपट्टी, गरग्म्मा, बरियारपट्टी र चतरी नाका पछिल्लो समय तस्करका लागि भूस्वर्ग बनेको छ । माडर नाका अन्तर्गतको बुधौरा, लगडिगोठ, लक्षमिनीया र ठाढी नाका अन्तर्गत ठाढी, अभयनगर पछिल्लो समय ठूलो परिमाणमा तस्करीका लागि चर्चित छन् । यी नाकाबाट नुनदेखि सुनसम्म तस्करी हुने गरेको सीमा क्षेत्रका स्थानीयहरु बताउँछन् ।

अचम्म त के छ भन्ने सिमानाकामा इन्चार्ज जान पहिले नै प्रहरी प्रमुखहरुलाइ महिनवारी कति दिने भनी तोकेर मात्र सिमानाकामा खटाइने गरेको प्रहरिअधिकारीहरु नै बताउँछन् ।

सिमानाकामा इन्चार्ज भएर जाने प्रहरी अधिकारीहरुलाइ रकम कबुल नगरे कर्यालय प्रमुखले इन्चार्ज नहाल्ने उनिहरुको भनाइ छ।

बरियारपट्टी नाकामा भेटिएका नाम परिवर्तित नाम सुजित कुमार यादव भन्छन् ; सुरक्षाकर्मीको उपस्थिति भएकै स्थानबाट हुने तस्करी नौलो होइन् । उनले नागरिकसँग तस्करीको अनुभव यसरी साझा गरे, ‘सुरक्षाकर्मीको बाक्लो उपस्थिति रहेको सीमानाकाबाट तस्करले भन्सार राजश्व छली गरी निर्धक्क मालसामान वारपार गर्छन् ।

सुरक्षाकर्मीको उपस्थिति रहेकै सीमा नाकाबाट तस्करको राज चलेको सिरहा नामी जिल्ला हो । नाता सम्बन्धका कारण वारिपारि बाक्लै आउजाउ गर्ने उनी भन्छन्, ‘भारतीय सहर जयनगर, लदनीया, लौकाहालगायतका सहरबाट ठुल्ठुला पोका लोड गरेको मोटरसाइकल सहजै वारि छिर्छन् ।

सीमाको दृश्यले सीमानाका अहिले तस्करलाई जिम्मा लगाइदिए जतिकै महसुस हुन्छ ।’

यहाँका नाकाबाट चिनी, कपडा, मोटरपार्टस्, पान मसाला, तेल, दाल, चामल, कुखुरा, सुर्तीजन्य पदार्थ (रजनीगन्धा, गुट्खा) देखि हरेक सामान भन्सार राजश्व छली गरी भित्रिन्छ । यताबाट (वारिबाट) मदिरा, चाइनिज स्याउ, मरिचलायतका सामान पारि पु¥याइन्छ ।

सशस्त्र प्रहरी, नेपाल प्रहरी र भन्सारसँगको त्रिपक्षीय सेटिङमा (लाइन मिलाएर) यहाँ तस्कर राज चलेको बताउने स्थानीय सीमावर्ती क्षेत्रमा प्रशस्त भेटिन्छन् ।

सुरक्षाकर्मीबाट (घुमुवा) ‘लाइन क्लियर’ रहेको संकेत पाएपछि अन्धाधुन्ध वारिपारि सामान ढुवानी सुरु हुन्छ । सीमादेखि सहरसम्म लाइन क्लियर गर्न मोटरसाइकलमा तस्कर र प्रहरीका प्रतिनिधि (घुमुवा) खटिएका हुन्छन् ।

सीमावर्ती क्षेत्रका स्थानीयको सीधा बुझाइ छ सीमादेखि सहरसम्मका प्रहरी तस्करसँग नमिल्ने हो भने भन्सार राजश्व छलेर सामान वारपार गर्ने आट पुग्दैन । पछिल्लो समय सप्तरी नाकामा मदिरा तस्करीको सूचना पाएर पुगेका प्रहरीसँग कमलपुर नाकामा झडप हुँदा प्रहरीको गोली लागि एकजनाको मृत्यु भएपछि सप्तरीका नाकाबाट तस्करहरु पनि उछिटिएर सिरहातर्फ मोडिएको सीमावर्ती ठाढीका एक स्थानीयले बताए ।

सिरहाको माडर स्थित खिरौना जाने बाटोमा दक्षिणपट्टी पक्की घर छ । त्यो घरमा रातभरी भारतबाट तस्करी गरी ल्याएको मालसामान भण्डारन हुन्छ । र, दिनभर मोटरसाइकलमा राखेर खिरौनाको बाटो हुँदै सिरहा, भलुवाही, लाहन, गोलबजार र मिर्चैयालगायतका बजारमा पुर्याउने गरिएको स्थानीय बताउँछन् ।

माडर भन्सारमा प्लान्ट र एनिमल क्वारेन्टिन छैन् । यस नाकाबाट आलु र प्याजको ब्यापक तस्करी हुन्छ । भारतीय नम्बरको मोटरसाइकलमा तीन देखि चार बोरा लोड गरेर दिनभर सिरहा देखि नयाँ चोहर्वा बजारसम्म पुर्याइने गरिएको दृश्य यहाँका आमजनका लागि आम भैसकेको छ ।

बरियारपट्टी र ठाढी नाकामा पनि क्वारेन्टिन छैन् । तस्करहरु भरियामार्फत सेटिङमा वारिसम्म ल्याएर बस, टेम्पो, ई–रिक्सा र मोटरसाइकलमा आलु प्याज लहान, जिरोमाइल, गोलबजारसम्म पुर्याउने गरेको दृश्य यस भेगका जनताका लागि समान्य भैसकेको छ ।

बरियारपट्टि चोकको चिया पसलमा भेटिएका बिनोद यादवले भने ‘जहाँ सुरक्षाकर्मी छ त्यहीँबाट भन्सार छली(तस्करी)का मालसामान निर्वाध जानुले मिलेमतो प्रष्ट हुन्छ । सुरक्षा अधिकारीहरु आफु प्रत्यक्ष यो सेटिङमा देखिदैन । आफ्ना घुमुवा(सादा पोशाकका सुरक्षाकर्मी) मार्फत तस्करहरुसँग ‘लाइन’ मिलाउँछन् । र, लाइन वापतको रकम घुमुवा मार्फत बुझ्छन् ।

तस्करहरुसँग सुरक्षा अधिकारीहरु प्रत्यक्ष संलग्न नदेखिएपछि उनीहरुले परिचालन गरेका घुमुवाहरु तस्करहरुसँग प्रत्यक्ष जोडिएका हुन्छन् । सुरक्षा अधिकारीको धाप बेगर सीमाबाट सिन्को पनि वारपार हुन नसक्ने उनको बुझाइ छ ।

तस्करलाई लाइनमा ल्याउन भन्सारका कर्मचारी र राजमार्गतिरका प्रहरीले कहिलेकाहीँ केही सामान समात्ने गरेको पाइन्छ । लाइन मिलेपछि सबै नदेखे झैँ गरेर चुप बस्ने गरेको सीमा क्षेत्रवासी बताउँछन् ।

सिरहामा सशस्त्र प्रहरी कार्यालय, जिल्ला प्रहरी कार्यालय, इलाका प्रहरी कार्यालय, प्रहरी चौकी, राष्ट्रिय अनुसन्धान कार्यालयका सादा पोशाकका प्रहरी (घुमुवा) सीमा क्षेत्र र सहरमा अखाडा बनाएर तस्करको लाइन मिलाउँछन् ।

सीमाबाट सहरका गोदामसम्म तस्करलाई सघाउने काम यीनै घुमुवाहरुले (सशस्त्र, नेपाल र अनुसन्धानका सादा पोसाकधारी) गर्छन् । घुमुवाहरु बारम्बार विवादित भइरहँदा पनि उनीहरुलाई केही समय ब्रेक दिएर पुनः जिम्मेवारमा फर्काइने गरिएको छ ।

वर्षौँदेखि घुमुवाको जिम्मेवारीमा रहँदा तस्कर जति सबैसँग उनीहरुको घनिष्ठता र हिमचिम रहेको सीमा क्षेत्रवासी बताउँछन् ।

सिरहाका सशस्त्र र नेपाल प्रहरी प्रमुखहरुले मिलेमतोमा तस्करीलाई अस्वीकार गर्छन् । भन्छन्,‘खुल्ला सीमानाको लाभ उठाएर लुकिचोरी मालसामान वारपार भएको फेला परे बरामद गर्ने गरिएको छ ।’ हामीले थाहा पाएको ठाउँमा हामीले पनि गरेका छौं । ‘भन्सार छली गरी ल्याएको सामान भेटाए जति ल्याएर भन्सारमा बुझाएका छौं ।

तर, मलखाद्यमा प्रतिबोरा ५० रुपैयाँ असुल्छन् घुमुवा प्रहरी ।

बरियारपट्टी नाका क्षेत्रबाट साइकलमा दुई बोरा मलखाद्य लिएर आउनेहरुसंग घुमुवा(सादा पोशाकका सुरक्षाकर्मी)ले प्रति बोरा ५० रुपैयाँसम्म असुल्ने गरेका छन् ।

साइकलमा दुई बोरा मलखाद्य लिएर आइरहेका एक साइकलबालाले नागरिकसँग भने,‘प्रति बोरा ५० रुपैयाँ माग्दै थियो । हारगुहार गर्दा प्रति बोरा २५ रुपैयाँ लिएर छाड्यो ।’

अर्का साइकलबालाले बरियारपट्टी भन्सारभन्दा पूर्वको बाटोमा घुमुवालाई प्रति बोरा ५० रुपैयाँ बुझाएर आएको बताए । जति भन्दा पनि नमानेपछि घुमुवाले भनेजती पैसा बुझाएको उनले बताए ।

जिल्ला भन्सार कार्यालय माडरका अनुसार चालु आर्थिक वर्ष ०८२/०८३ को साउन महिनामा लक्ष्यको ६३ प्रतिशत मात्र राजश्व संकल भएको छ । साउन महिनाको राजश्व संकलन लक्ष्य १ करोड ४३ लाख ६० हजार थियो । जसमा ९० लाख ७६ हजार मात्र राजश्व संकल भएको तथ्यांक छ । माडर भन्सार नाकाको यो राजश्व रकममा बरियारपट्टी भन्सारको असुली राजश्व समेत समावेश गरिएको छ ।नेपाल फेस

24/08/2025

अमित ठाकुर,रौतहट। रौतहटको गौर नगरपालिका वडा नंबर ९ गौर पिपरा सडक खण्ड अन्तर्गत पर्ने मुडवलवा मोड नजिक गएराती सुट.....

21/08/2025

पर्सामा आइजीपीको आदेश लत्याउँदै एसपी भट्टको घुमुवा परिचालन, तस्करी फस्टाउँदै


वीरगंज । सशस्त्र प्रहरी महानिरीक्षक (आइजीपी) राजु अर्यालले सीमा क्षेत्रबाट हुने चोरी–निकासी, पैठारी र अवैध आवतजावत रोक्न बारम्बार कडाइका आदेश जारी गरेका छन्। तर, उनको आदेशलाई पर्सामा लत्याउँदै तस्करी धन्दा झन् फस्टाएको छ।

अर्यालले मंगलबार भर्चुअल माध्यमबाट सबै युनिट कमाण्डरलाई सीमा सुरक्षाबारे निर्देशन दिँदै अवैध गतिविधि रोक्न कुनै कसर बाँकी नराख्न, जवाफदेही र जिम्मेवार भएर काम गर्न र चेन अफ कमाण्ड कायम राख्न स्पष्ट आदेश दिएका थिए। उनले मुख्यालयले सूक्ष्म निगरानी गरिरहेको र कमजोरी वा संलग्नता देखिएमा छानबिन र कारबाही हुने चेतावनीसमेत दिएका थिए।

तर पर्सास्थित १३ नम्बर गणका गणपति सशस्त्र प्रहरी उपरीक्षक (एसपी) पुरनचन्द्र भट्ट भने आदेशको उल्टो बाटोमा लागेका छन्। उनी अहिले अघोषित घुमुवा परिचालन गरेर रकम उठाउने र तस्करीका लागि ‘लाइन क्लियर’ दिने काममा संलग्न भएको स्रोतको दाबी छ।

भदौ ४ गते बुधबार बेलुकी वीरगंजको मुडलीस्थित एक होटलमा भट्टका घुमुवा र चर्चित कुखुराको चल्ला तस्करबीच ‘लाइन क्लियर’ को डिलिङ भएको कुरा बाहिर आएको छ। दशैं नजिकिँदै गर्दा तस्करहरू अझ सक्रिय भएका छन् भने भट्टले घुमुवा परिचालन गरेर तस्कर र बिचौलियासँग भेटघाट तीव्र पारेका छन्।

सशस्त्र प्रहरीले देखावटी कारबाही गर्दै थोरै मात्रामा सामान बरामद गर्ने, तर राति सेटिङ मिलाएर ठूलो मात्रामा सामान भित्र्याउन दिने गरेको स्थानीयको आरोप छ। वृक्षारोपणदेखि अन्य कार्यक्रममा व्यस्त देखिने एसपी भट्ट वास्तविक रूपमा भने संगठित तस्करीलाई संरक्षण दिँदै ‘कमाउने धन्दामा’ लागेको भनाइ छ।

पर्साका छपकैया, ड्राइपोर्ट सिरीसिया, अलौ, कोनिया, तिलावेबर्वा, अमरपट्टी, प्रसौनीभाठा र धोरेलगायतका नाकाबाट कपडा, किराना, जुत्ता–चप्पल, कुखुराको चल्ला, पाउडर दूध, काजु, चकलेट, भारतीय पेय पदार्थदेखि सुर्तीजन्य सामानसम्म ठूलो मात्रामा तस्करी भइरहेको छ। यसमा एसपी भट्टको संरक्षण र संलग्नता रहेको स्थानीय स्रोतले दाबी गरेका छन्।

अमरपट्टी नाकाबाट मात्र राति पिकअप, मोटरसाइकल र भरियामार्फत ठूलो मात्रामा कुखुराको चल्ला तस्करी भित्रिन्छ। पर्सामा सञ्चालित सयौं कुखुरा फर्म यिनै तस्करीका चल्लामा निर्भर छन्।

यसबाहेक, एसपी भट्ट महोत्तरीको गणबाट इन्चार्ज–टु–इन्चार्ज सरुवा भई पर्सा आएका हुन्। महोत्तरीमा पाँच महिना कार्यरत रहे पनि ‘कमाइ’ नपुगेपछि उनी पर्सा आएको प्रहरी स्रोतको भनाइ छ। गृहमन्त्री रमेश लेखककै जिल्लावासी भएकाले राजनीतिक पहुँच प्रयोग गरेर सरुवा भएको आरोप लागेको छ।

यसरी गृहमन्त्रीलाई खुसी पार्ने मनसायले भएको सरुवाले सशस्त्र प्रहरीभित्र असन्तुष्टि बढेको छ। सशस्त्र प्रहरी नेतृत्वले सरुवामा प्रणाली बनाएको दाबी गरे पनि पर्सामा देखिएको विकृतिले सम्पूर्ण प्रणाली भत्काएको छ।

नतिजा यसरी निस्किएको छ कि, आइजीपी राजु अर्यालको आदेश पर्सामा कार्यान्वयन नभई तस्करीको खुला संरक्षण भइरहेको छ, र एसपी पुरनचन्द्र भट्ट त्यसको केन्द्रमा छन्।

जनरक्षा प्रतिनिधिले घुमुवा खटाएको बारेमा बुझ्न एसपी भट्ट सँग सम्पर्क गर्दा उनले भने “भाइलाई के सूचना चाहिन्छ नि, त्यो सूचनाको लागि अफिसमा आएर एउटा निवेदन दिने। त्यसपछि लिखितमै भाइलाई सूचना दिन्छु है, लिखित रूपमै भाइले पाउनुहुन्छ भन्दै गैरजिम्मेवार जवाफ दिए।”साथै अगाडि बढ्दै उनले समाचार चाहिँ आधाररहित समाचारहरु लेख्न बन्द गर भन्दै धम्कीपूर्ण भाषा प्रयोग गरे ।साथै आधाररहित जे पनि समाचार लेख्न भन्दै प्रतिप्रश्न समेत गर्न भ्याए ।जनरक्षा समाचार

21/08/2025

एसपी सिलवालकाे कमाल

पथलैया । चाेरीका सवारीसाधन पक्राउ गरेपछि भन्सार बुझाउनु पर्ने कानुनी व्यवस्था छ । भन्सारमा बुझाए पछि भन्सारले लिलाम गर्छ र देशलाई राजश्व प्राप्त हुन्छ । तर प्रहरीले नै चाेरीकाे साधन पक्राउ गरेर भन्सार नबुझाई आंफुले व्यक्तिगत रूपमा प्रयोग गरेको भेटिएको छ । पथलैया स्थित ट्राफिक प्रहरीका प्रमुख एसपी राजकुमार सिलवालले चाेरीकाे स्कारपियाे गाडी पक्राउ गरेर भन्सार नबुझाई व्यक्तिगत रूपमा प्रयोग गरिरहेका छन् । यो गाडी चाेरीकाे हो ।याे समाचार नवजन प्रहारमा छ #तस्बिर

21/08/2025