Bagmati Page

10/10/2025

रास्वपाको सचिबालय बैठक जारी 🔔

10/10/2025

‘मितज्यु बोल्छन्’ व्यङ्ग्यात्मक कमेडी भाग १ प्रसारण

काठमाडौँ । चर्चित कलाकार तथा निर्देशक विष्णु सापकोटाको निर्देशनमा तयार गरिएको ‘मितज्यु बोल्छन्’ नामक सोसल कमेड...

10/10/2025

निर्वाचन आयोग र युवा अभियानबीच छलफल, आगामी निर्वाचनमा युवाको सक्रिय सहभागितामा जोड

काठमाडौं, असोज २४ – आगामी फाल्गुन २१ गते हुने प्रतिनिधिसभा निर्वाचनलाई शान्तिपूर्ण, समावेशी र प्रभावकारी बनाउन निर्वाचन आयोग र युवा अभियानबीच आज महत्वपूर्ण छलफल भएको छ।

कार्यवाहक प्रमुख निर्वाचन आयुक्त रामप्रसाद भण्डारीसहित आयोगका पदाधिकारीहरूसँग भएको छलफलमा युवाको सार्थक सहभागिता सुनिश्चित गर्न, मतदाता सचेतना बढाउन र भयरहित वातावरण कायम गर्नुपर्ने आवश्यकता औंल्याइएको छ।

विगतका निर्वाचनमा पनि युवा अभियानसँग सहकार्य गरेको स्मरण गर्दै आयुक्त भण्डारीले यसपालि थप सहकार्यको आवश्यकता रहेको बताएका छन्। आयोगले युवाको सक्रिय भूमिकाले निर्वाचन प्रक्रियालाई अझ मजबुत र विश्वासिलो बनाउन सहयोग गर्ने विश्वास व्यक्त गरेको छ।

“निर्वाचन प्रक्रियामा युवाको सक्रिय भूमिका महत्वपूर्ण छ,” – कार्यवाहक प्रमुख निर्वाचन आयुक्त भण्डारी।

10/10/2025

🇳🇵 नेपाली कांग्रेसमा महाधिवेशनको तयारी
नेपाली कांग्रेसका महामन्त्री गगन थापाले सभापति शेरबहादुर देउवालाई बिदा दिएर पार्टीमा नियमित महाधिवेशन गर्नुपर्ने प्रस्ताव पेश गरेका छन्।
उनले भनेका छन् कि पार्टीको मजबुती र लोकतान्त्रिक प्रक्रियाको लागि समयमै महाधिवेशन अनिवार्य छ।
तपाईंको विचार के छ? Comment गर्नुहोस् र Share गर्नुहोस्। ❤️

10/10/2025

. “पूर्वराजासँग भेटेर बालेन शाहले के कुराकानी गरे होला? तपाईंको अनुमान कमेन्टमा राख्नुस् 🙏👑”

10/10/2025

जापानमा हुने UNWPA अन्तर्राष्ट्रिय सम्मेलनमा नेपालबाट प्रतिनिधि टोली प्रस्थान

काठमाडौं – “मौनताविरुद्ध एक मन (One Heart Against Silence)” भन्ने नारासहित जापानको राजधानी टोकियोमा यही अक्टोबर ११, १२ र १३, २०२५ मा हुन लागेको संयुक्त राष्ट्र विश्व शान्ति संघ (United Nation World Peace Association – UNWPA)को तेस्रो अन्तर्राष्ट्रिय सम्मेलनमा भाग लिन नेपाली प्रतिनिधि टोली जापान प्रस्थान गरेको छ।

प्रतिनिधि टोलीमा डिजिटल बहुउद्देश्यीय सहकारी संस्था लिमिटेड का अध्यक्ष तथा युनाइटेड नेचर इन्टरनेसनल पिस (युनिपुन) नेपाल च्याप्टर का महासचिव श्री दीपक चन्द्र गौतम, सहकारीका शेयर सदस्य एवं सल्लाहकार डा. राजु लामा (भिक्षु, राष्ट्रिय अध्यक्ष, युनिपुन नेपाल च्याप्टर) लगायतका व्यक्तित्व सहभागी छन्।

प्रतिनिधि टोली आज हङकङ हुँदै जापानको टोकियोतर्फ प्रस्थान गरेको हो।

डिजिटल बहुउद्देश्यीय सहकारी संस्था लिमिटेड र त्रिरत्न अवशीय विद्यालय परिवारले उनीहरूको सफल सहभागिता, सम्मेलनको उत्कृष्ट सफलता तथा सुखद यात्राको शुभकामना व्यक्त गरेको छ।

10/10/2025

पूर्व सांसद ज्ञानेन्द्र शाहीको आरोप : मन्त्रिपरिषद्मा तिब्बती शरणार्थीलाई मन्त्री बनाउन खोजिँदै

काठमाडौं – राष्ट्रिय प्रजातन्त्र पार्टी (राप्रपा)का पूर्व सांसद ज्ञानेन्द्र शाहीले नयाँ बन्ने मन्त्रिपरिषद्मा तिब्बती शरणार्थीलाई सदस्य बनाउन खोजिएको दाबी गरेका छन्।

शाहीले आफ्नो फेसबुक वालमार्फत लेख्दै “फ्री तिब्बत अभियानमा संलग्न एक अभियन्तालाई मन्त्री बनाउन सकिने” जानकारी पाएको बताएका छन्। उनका अनुसार सो व्यक्तिका बुवा–आमा दलाई लामासँगै नेपाल आएका शरणार्थी हुन् तर पछि नक्कली नागरिकता लिई कर्णालीमा बसोबास गरेका हुन्।

शाहीले यस्तो कदमले नेपालको सार्वभौमिकता र राष्ट्रिय अखण्डतामा आघात पुग्ने चेतावनी दिएका छन्। उनले प्रधानमन्त्रीलाई सम्बोधन गर्दै भनेका छन् :
“केपी ओलीको सरकार २७ घण्टामै ढलेको थियो। यदि यस्तै राष्ट्रघाती काम भयो भने यो सरकार १७ घण्टा पनि टिक्दैन।”

शाहीले प्रधानमन्त्रीलाई गलत कदम अगाडि नबढाउन आग्रह गर्दै अन्यथा आफू विरोधमा उभिन बाध्य हुने चेतावनी दिएका छन्।

#ज्ञानेन्द्रशाही #राप्रपा #नेपालसरकार #मन्त्रिपरिषद #तिब्बत #शरणार्थी #राजनीति #नेपालसमाचार

09/10/2025

सरकारले खोल्यो भिजिट भिसा प्रकरणको फाइल

काठमाडौं । सरकारले अध्यागमन र भिजिट भिसा प्रकरणबारे नयाँ प्रक्रिया अगाडि बढाएको छ। बिहीबार बसेको मन्त्रिपरिषद् बैठकले भिजिट भिसा छानबिनका लागि बनेको उच्चस्तरीय अध्ययन तथा छानबिन समिति २०८२ ले बुझाएको प्रतिवेदन कार्यान्वयन गर्ने निर्णय गरेको हो।

सरकारी प्रवक्ता जगदिश खरेलका अनुसार प्रतिवेदन कार्यान्वयनका लागि गृह मन्त्रालयमा पठाउने निर्णय गरिएको छ। विगतदेखि देखिँदै आएको समस्या समाधान गर्न उक्त समिति गठन गरिएको थियो।

09/10/2025

करेन्ट नुडल्स र भोला गुट्खा — दुई फरक कम्पनी, तर मालिक एउटै! परिवारमैत्री ब्रान्डको पर्दा पछाडि नशाको साम्राज्य

काठमाडौं । बजारमा "परिवारमैत्री" भनेर चिनाइने करेन्ट नुडल्स र वर्षौंदेखि विवादित भोला गुट्खा वास्तवमा एउटै व्यवसायिक समूहको उत्पादन भएको तथ्य बाहिर आएको छ।

सामान्य उपभोक्ताले करेन्ट नुडल्सलाई बालबालिका र युवावर्गका लागि स्वादिष्ट खानेकुरा भन्ने बुझिरहेका छन्। तर, त्यसकै छायामा एउटै समूहले "भोला गुट्खा" जस्तो स्वास्थ्यलाई गम्भीर असर पार्ने नशालु पदार्थ उत्पादन तथा बिक्री गर्दै आएको खुलेको हो।

स्वाद र मनोरञ्जनका नाममा विभिन्न पुस्तालाई आकर्षित गर्ने यी उत्पादनहरू एउटै मालिकको साम्राज्य अन्तर्गत सञ्चालन भइरहेका छन् भन्ने तथ्य सार्वजनिक भएपछि सामाजिक सञ्जालदेखि उपभोक्ता अधिकारकर्मीहरू आक्रोशित भएका छन्।

"बालबालिकालाई नुडल्स, युवालाई गुट्खा — एउटै घरबाट नशा र लत बेच्ने काम भइरहेको छ," उपभोक्ता अधिकारकर्मीहरूले आरोप लगाएका छन्।

विशेषज्ञहरूले यस्तो प्रवृत्ति खतरनाक भएको चेतावनी दिएका छन्। उनीहरूको भनाइमा, "एकातिर परिवारमैत्री ब्रान्ड भनेर उपभोक्तालाई ढुक्क बनाइन्छ, अर्कोतिर स्वास्थ्यविनाशक उत्पादन बेचिन्छ।"

यसबारे सम्बन्धित निकायहरूले औपचारिक छानबिन थाल्ने तयारी गरेको बताइएको छ।

09/10/2025

“बालेनलाई हत्कडी लगाएर जेल हाल्छौँ” — मंगल थापा

काठमाडौं —
नेकपा एमालेका नेता मंगल थापाले काठमाडौं महानगर प्रमुख बालेन साहलाई निकट भविष्यमा जेल हालिने दाबी गरेका छन्। उनले बालेनलाई “देशद्रोही र विखण्डनकारी गतिविधिमा संलग्न” भएको आरोप लगाउँदै कानुनी प्रक्रियाबाट नियन्त्रणमा लिइने चेतावनी दिएका हुन्।

थापाले एक कार्यक्रममा बोल्दै भने, “बालेन साहलाई हत्कडी लगाएर हामी निकट भविष्यमा डिल्लीबजारको जेलमा राख्छौँ। नेकपा एमालेले देशद्रोही, विखण्डनकारी र विदेशी एजेन्डा बोकेकाहरुलाई छोड्दैन। विधिको शासन र कानुनी प्रक्रियाबाट करापझ्याप पारेर जेल कोच्छौँ।”

उनको यस भनाइपछि राजनीतिक वृत्तमा चर्को बहस सुरु भएको छ। बालेन साह काठमाडौं महानगरको नेतृत्व सम्हालेपछि विभिन्न नीतिगत निर्णय र अभिव्यक्तिका कारण निरन्तर विवादमा रहने गरेका छन्। एमालेका नेताले भने उनको गतिविधि मुलुकको सार्वभौमिकता र राष्ट्रिय हितविपरीत भएको दाबी गर्दै आएका छन्।

यस विषयमा बालेन पक्ष वा काठमाडौं महानगरपालिकाले भने अहिलेसम्म कुनै आधिकारिक प्रतिक्रिया दिएको छैन। तर, थापाको यस कडा अभिव्यक्तिलाई लिएर सामाजिक सञ्जालमा समर्थक र विरोधीबीच तीव्र बहस चलिरहेको देखिन्छ।

विशेषज्ञहरूले भने यस्तो धम्कीपूर्ण भाषाभन्दा कानुनी प्रक्रियाबाटै यस्ता विवाद समाधान गर्नुपर्ने सुझाव दिएका छन्।

09/10/2025

गृहमन्त्री अर्याललाई महेश बस्नेतले भने: बालेनको नोकरले भनेको टेरिदैन

तपाईंको प्रतिकृया दिनुस्

09/10/2025

होटल अनुतरामा विदेशी पाहुनाको प्रशंसा

काठमाडौं —
होटल अनुतरामा बसोबास गरिरहेका श्री जोसेप लुइस (कोठा नं. ३०५) ले यहाँको सेवा र खानाप्रति आफ्नो उच्च सन्तुष्टि व्यक्त गरेका छन्। नेपाल भ्रमणका क्रममा होटल अनुतरामा केही दिन बिताएका उनले सम्पूर्ण कर्मचारीलाई आत्मीय स्वागत र उत्कृष्ट सेवाका लागि धन्यवाद ज्ञापन गरेका छन्।

उनको भनाइमा, होटल अनुतराले दिएको आतिथ्य सत्कार, स्वादिष्ट भोजन र समयमै प्रदान गरिएको सेवा प्रशंसनीय छ। विशेषगरी कर्मचारीहरूको मित्रवत व्यवहार र व्यावसायिकताले आफूलाई घरमै बसेको अनुभव भएको उनले बताए।

“मलाई यहाँको खानापान र सेवा निकै मन पर्यो। सबै स्टाफप्रति मेरो हार्दिक धन्यवाद,” — श्री जोसेप लुइस।

होटल अनुतराका व्यवस्थापन टोलीले पाहुनाको सन्तुष्टि र प्रशंसा आफूहरूका लागि ठूलो प्रेरणा भएको बताउँदै भविष्यमा अझ गुणस्तरीय सेवा प्रदान गर्ने प्रतिबद्धता जनाएका छन्।

पाहुनाबाट प्राप्त यस्ता सकारात्मक प्रतिक्रियाले होटल अनुतराको पहिचानलाई अझ सबल बनाउँदै आगामी दिनमा पर्यटकहरूलाई उत्कृष्ट आतिथ्य प्रदान गर्न सहयोग पुग्ने विश्वास गरिएको छ।