https://www.facebook.com/357653978332972/

Rainbow TV, Budhanilkantha-10, Kapan, Kathmandu (2026)

04/09/2026

विद्यार्थीको सिर्जनात्मक प्रतिभा उजागर गर्दै नेशनल प्याब्सन कोशीको हस्तलेखन तथा चित्रकला प्रतियोगिता

इनरुवा । विद्यार्थीमा लुकेको सिर्जनात्मक प्रतिभा पहिचान गर्दै लेखन तथा कलात्मक क्षमताको विकास गर्ने उद्देश्यले नेशनल प्याब्सन कोशी प्रदेशले आयोजना गरेको हस्तलेखन तथा चित्रकला प्रतियोगिता सम्पन्न भएको छ।

राष्ट्रिय निजी तथा आवासीय विद्यालय एसोसिएसन नेपाल (नेशनल प्याब्सन) कोशी प्रदेश कार्यसमितिको आयोजनामा सुनसरीको इनरुवा–३ स्थित ॐसाई पार्टी प्यालेसमा सम्पन्न प्रतियोगितामा कोशी प्रदेशका विभिन्न जिल्लाका ३० विद्यालयका करिब १५० विद्यार्थी सहभागी भएका थिए।

प्राथमिक तथा माध्यमिक तहका विद्यार्थीलाई लक्षित गरी आयोजना गरिएको प्रतियोगितामा विद्यार्थीहरूले हस्तलेखन र चित्रकलामार्फत आफ्नो सिर्जनशीलता, कल्पनाशक्ति तथा कलात्मक क्षमता प्रस्तुत गरेका थिए। प्रतियोगिताले विद्यार्थीलाई पाठ्यपुस्तकको अध्ययनसँगै अतिरिक्त सिर्जनात्मक गतिविधिमा सक्रिय हुन प्रेरित गरेको आयोजकको भनाइ छ।

कार्यक्रममा नेशनल प्याब्सन कोशी प्रदेश अध्यक्ष कमल खनाल तथा नेशनल प्याब्सनका केन्द्रीय सदस्य नारायण ढकाल प्रमुख अतिथिका रूपमा सहभागी हुनुहुन्थ्यो। कार्यक्रममा नेशनल प्याब्सन सुनसरीका अध्यक्ष एवं कार्यक्रम संयोजक खगेन्द्र केसी, नेशनल प्याब्सन मोरङका सचिव भनीरुद्र चौधरी लगायत विभिन्न विद्यालयका प्रिन्सिपल, शिक्षक तथा प्रतिनिधिहरूको उपस्थिति थियो।

कार्यक्रमलाई सम्बोधन गर्दै केन्द्रीय सदस्य नारायण ढकालले विद्यार्थीको प्रतिभा पहिचान र विकासका लागि विद्यालय तहदेखि नै रचनात्मक तथा प्रतिस्पर्धात्मक गतिविधिलाई प्राथमिकता दिनुपर्ने बताउनुभयो।

उहाँले शिक्षा केवल पाठ्यपुस्तक र परीक्षाको परिणाममा सीमित नभई विद्यार्थीको सिर्जनशीलता, आत्मविश्वास, व्यवहारिक क्षमता र प्रतिभा विकाससँग जोडिनुपर्ने धारणा व्यक्त गर्नुभयो।

त्यस्तै, नेशनल प्याब्सन कोशी प्रदेश अध्यक्ष कमल खनालले प्रतियोगितामा ३० विद्यालयबाट १५० विद्यार्थीको सहभागिता हुनु कार्यक्रमप्रतिको आकर्षण र विद्यालय तथा विद्यार्थीको उत्साहको प्रमाण भएको बताउनुभयो।

अध्यक्ष खनालले प्रदेश समितिले आयोजना गर्ने कार्यक्रमलाई प्रभावकारी बनाउन पदाधिकारी तथा सदस्यहरूको सक्रिय सहभागिता आवश्यक रहेको उल्लेख गर्नुभयो। संगठनको जिम्मेवारी र अनुशासनलाई प्राथमिकतामा राख्दै कार्यक्रममा अनुपस्थित हुने पदाधिकारी तथा सदस्यलाई नियमअनुसार आवश्यक कारबाही गरिने चेतावनीसमेत उहाँले दिनुभयो।

प्रतियोगितामा सहभागी विद्यार्थीहरूले आकर्षक तथा सिर्जनात्मक चित्र प्रस्तुत गर्नुका साथै सुन्दर र व्यवस्थित हस्तलेखनमार्फत आफ्नो क्षमता प्रदर्शन गरेका थिए। प्रतियोगिताले विद्यार्थीमा सिर्जनात्मक सोच, आत्मविश्वास, अनुशासन र स्वस्थ प्रतिस्पर्धाको भावना विकास गर्न महत्वपूर्ण योगदान पुर्‍याएको आयोजकको विश्वास छ।

नेशनल प्याब्सन कोशी प्रदेशले आगामी दिनमा पनि विद्यार्थीको प्रतिभा पहिचान र क्षमता विकासलाई केन्द्रमा राखेर विभिन्न शैक्षिक, सिर्जनात्मक तथा अतिरिक्त क्रियाकलाप सञ्चालनलाई निरन्तरता दिने जनाएको छ।

PHOTO : Jana Charcha Times जनचर्चा टाइम्स

28/08/2026

🚨 खोजी तथा उद्धारका लागि हार्दिक अपिल 🚨

धादिङ जिल्ला, सिद्धलेक गाउँपालिका–वडा नं. ५, चालिसेका मान बहादुर श्रेष्ठ (सन्दीप श्रेष्ठ ) टुरिस्ट गाडी स्कार्पियो चलाउनुहुन्छ। उहाँ काठमाडौंँबाट स्याब्रुबेसीमा प्यासेन्जर पुर्‍याएर फर्किने क्रममा सम्पर्कविहीन हुनुभएको छ। हाल उहाँको अवस्था अज्ञात रहेको छ।

उहाँ पूर्व नेपाली सेनाका हुनुहुन्छ। उहाँको खोजी तथा उद्धारका लागि सम्बन्धित निकाय, सुरक्षा निकाय, स्थानीयवासी तथा सम्पूर्ण शुभेच्छुकहरूमा हार्दिक अपिल गर्दछौँ।

यदि कसैले उहाँलाई देख्नुभएमा, भेट्नुभएमा वा उद्धारको क्रममा फेला पार्नुभएमा कृपया यी नम्बरमा तत्काल सम्पर्क गरिदिनुहोला:
📞 ९८६०६८३९०३
📞 ९८६५३६७४३६

🙏 कृपया यो पोस्ट धेरैभन्दा धेरै शेयर गरी मान बहादुर श्रेष्ठ (सन्दीप श्रेष्ठको )खोजी तथा उद्धार कार्यमा सहयोग गरिदिनुहोस्। 🙏
तपाईंको एउटा शेयरले उहाँसम्म पुग्न मद्दत गर्न सक्छ।

22/08/2026

नेसनल प्याब्सन मधेस प्रदेशको भेला सम्पन्न

मिति: २०८३/०५/०६

मधेस प्रदेश — नेसनल प्याबसन मधेस प्रदेशको आयोजनामा “उच्च शिक्षा छात्रवृत्ति, शिक्षा ऐन, शैक्षिक तालीम र संगठनका आगामी योजना लगायतका विषयमा अन्तरक्रिया कार्यक्रम” भव्य रूपमा सम्पन्न भएको छ।

कार्यक्रममा प्रस्तावित शिक्षा ऐन, शिक्षक तथा शैक्षिक जनशक्तिका लागि आवश्यक तालीम, निजी विद्यालयका समसामयिक समस्या तथा संगठनलाई आगामी दिनमा थप प्रभावकारी बनाउने योजनालगायतका विषयमा विस्तृत अन्तरक्रिया तथा छलफल गरिएको थियो।

कार्यक्रममा संविधान सभा सदस्य तथा नेसनल प्याब्सनका राष्ट्रिय अध्यक्ष माननीय गीता क्षेत्री राणाको गरिमामय प्रमुख आतिथ्यता रहेको थियो। उहाँले निजी तथा संस्थागत विद्यालयको शैक्षिक विकास, गुणस्तरीय शिक्षा र विद्यालय क्षेत्रका चुनौती समाधानका लागि संगठनको भूमिका महत्वपूर्ण रहेको बताउनुभयो।

भेलामा नेसनल प्याब्सनका पदाधिकारी, मधेस प्रदेश तथा विभिन्न जिल्लाका प्रतिनिधि, विद्यालय सञ्चालक तथा शिक्षाकर्मीहरूको उल्लेखनीय सहभागिता रहेको थियो। सहभागीहरूले शिक्षा क्षेत्रमा देखिएका वर्तमान चुनौती, अवसर तथा आगामी दिनमा संगठनले लिनुपर्ने रणनीतिबारे आफ्ना धारणा र सुझाव प्रस्तुत गरेका थिए।

अन्तरक्रियाबाट प्राप्त सुझाव तथा निष्कर्षलाई संगठनको आगामी कार्ययोजना निर्माणमा समेट्दै निजी तथा संस्थागत विद्यालयको हकहित, शैक्षिक गुणस्तर अभिवृद्धि र समग्र शिक्षा क्षेत्रको विकासमा थप प्रभावकारी रूपमा अघि बढ्ने प्रतिबद्धता व्यक्त गरिएको छ।

कार्यक्रमले मधेस प्रदेशका निजी तथा संस्थागत विद्यालयहरूबीच सहकार्य, समन्वय र साझा मुद्दामा एकताका लागि थप ऊर्जा प्रदान गरेको आयोजकले जनाएको छ।

08/08/2026

फोनिक्स प्रशिक्षणमार्फत शिक्षकको क्षमता विकासमा नेशनल प्याब्सनको जोड, २०० भन्दा बढि शिक्षक शिक्षिका सहभागी ।

सुन्दरहरैंचा (मोरङ) : अंग्रेजी भाषा शिक्षणलाई थप प्रभावकारी र व्यवहारिक बनाउने उद्देश्यले नेशनल प्याब्सन कोशी प्रदेशले आयोजना गरेको ‘फोनिक्स ध्वनि प्रशिक्षण’ कार्यक्रम सम्पन्न भएको छ।

विराटचोकस्थित उद्योग वाणिज्य संघको सभाहलमा शनिबार सम्पन्न प्रशिक्षणमा झापा, मोरङ र सुनसरीका विभिन्न निजी विद्यालयमा कार्यरत २०० भन्दा बढी शिक्षक–शिक्षिकाको सहभागिता रहेको थियो।

नेशनल प्याब्सन कोशी प्रदेशका अध्यक्ष कमल खनालको अध्यक्षतामा सम्पन्न कार्यक्रममा सुन्दरहरैंचा नगरपालिकाकी नगर उपप्रमुख अकलि चौधरी प्रमुख अतिथि तथा नेशनल प्याब्सनका केन्द्रीय सदस्य नारायण ढकाल विशिष्ट अतिथिका रूपमा सहभागी थिए।

कार्यक्रममा प्रशिक्षक राजेन्द्र बहादुर थापाले सहभागी शिक्षक–शिक्षिकालाई अंग्रेजी भाषाको सही उच्चारण, अक्षर र ध्वनिबीचको सम्बन्ध, शब्द उच्चारण गर्ने विधि तथा विद्यार्थीलाई सरल र प्रभावकारी रूपमा फोनिक्स सिकाउने प्रविधिबारे प्रशिक्षण दिएका थिए।

कार्यक्रममा अध्यक्ष खनालले अंग्रेजी भाषा शिक्षणमा सही उच्चारण तथा ध्वनि पहिचानको महत्व बढ्दै गएको उल्लेख गर्दै शिक्षकहरूलाई आधुनिक शिक्षण विधिसँग जोड्न प्रशिक्षण आयोजना गरिएको बताए। शिक्षकको क्षमता अभिवृद्धिले विद्यार्थीको सिकाइ उपलब्धि सुधारमा समेत योगदान पुग्ने उनको भनाइ थियो।

नगर उपप्रमुख चौधरीले शिक्षाको गुणस्तर सुधारका लागि शिक्षकको क्षमता विकास आवश्यक रहेको बताउँदै समयअनुसार आफ्नो ज्ञान र सीपलाई अद्यावधिक गर्न शिक्षकहरूलाई आग्रह गरिन्। शिक्षकको क्षमता विकासमा केन्द्रित कार्यक्रमलाई स्थानीय तहबाट समेत प्रोत्साहन गर्नुपर्ने उनले बताइन्।

त्यस्तै केन्द्रीय सदस्य ढकालले अंग्रेजी भाषाको आधारभूत सीप विकासका लागि फोनिक्ससम्बन्धी ज्ञान महत्वपूर्ण रहेको बताए। नयाँ शिक्षण विधि तथा प्रविधिको प्रयोगमार्फत विद्यार्थीलाई सिकाइप्रति आकर्षित गर्नुपर्नेमा उनले जोड दिए।

प्रशिक्षणमा सहभागी शिक्षक–शिक्षिकाले कार्यक्रम व्यवहारिक र उपयोगी रहेको प्रतिक्रिया दिएका थिए। प्रशिक्षणबाट अंग्रेजी शब्दको सही उच्चारण, ध्वनि पहिचान तथा विद्यार्थीलाई सहज रूपमा अंग्रेजी सिकाउने नयाँ विधि र सीप प्राप्त भएको उनीहरूको भनाइ थियो।

सहभागीहरूले यस्ता क्षमता विकाससम्बन्धी प्रशिक्षणलाई निरन्तरता दिँदै आगामी दिनमा पनि विभिन्न विषयमा नियमित तालिम सञ्चालन गर्न सुझाव दिएका छन्।

नेशनल प्याब्सन कोशी प्रदेशले निजी विद्यालयका शिक्षकहरूको पेशागत क्षमता अभिवृद्धि गर्दै शिक्षण सिकाइ प्रक्रियालाई थप प्रभावकारी र गुणस्तरीय बनाउने उद्देश्यले आगामी दिनमा पनि यस्ता कार्यक्रमलाई निरन्तरता दिने जनाएको छ।

05/08/2026

नेशनल प्याब्सन कोशी प्रदेशद्वारा ‘फोनिक्स साउन्ड ट्रेनिङ’ मा सहभागी हुन विद्यालयलाई आग्रह

सुन्दरहरैंचा(मोरङ) : राष्ट्रिय निजी तथा आवासीय विद्यालय एशोसिएशन (नेशनल प्याब्सन) कोशी प्रदेश समितिले अंग्रेजी भाषाको प्रभावकारी सिकाइ तथा सही उच्चारण सीप विकास गर्ने उद्देश्यले ‘फोनिक्स साउन्ड ट्रेनिङ’ आयोजना गर्ने भएको छ। कोशी प्रदेशअन्तर्गतका सम्पूर्ण सदस्य विद्यालयहरूलाई उक्त तालिममा अनिवार्य रूपमा सहभागी हुन आग्रह गरिएको छ।

नेशनल प्याब्सन कोशी प्रदेश अध्यक्ष कमल खनालका अनुसार, विद्यालय तहमा अंग्रेजी भाषाको आधार बलियो बनाउन तथा विद्यार्थीहरूको सिकाइ उपलब्धि सुधार गर्न यस्ता व्यावहारिक तालिम आवश्यक रहेको बताए। उनले फोनिक्स विधिमार्फत विद्यार्थीको सही उच्चारण, पठन सीप, शब्द निर्माण र आत्मविश्वास अभिवृद्धि हुने भएकाले सदस्य विद्यालयहरूले आफ्ना शिक्षकलाई अनिवार्य रूपमा सहभागी गराउन आग्रह गरे।

सूचनाअनुसार २०८३ साल श्रावण २३ गते शनिबार बिहान १०:०० बजे मोरङको उद्योग वाणिज्य संघ सभाहल, विराटचोक मा तालिम सञ्चालन हुनेछ। सहभागीहरूले बिहान ९:३० बजेसम्म दर्ता गरिसक्नुपर्नेछ ।

तालिम विशेषगरी प्रि–प्राइमरी तथा प्राथमिक तहका शिक्षकहरू लाई लक्षित गरिएको छ। तालिममा अंग्रेजी ध्वनि (Phonics), सही उच्चारण, शब्द निर्माण, पठन सीप तथा प्रभावकारी कक्षा शिक्षण विधिबारे व्यवहारिक ज्ञान र दक्षता प्रदान गरिने जनाइएको छ।

अध्यक्ष खनालले कोशी प्रदेशभरका निजी विद्यालयमा अंग्रेजी शिक्षणलाई थप प्रभावकारी, गुणस्तरीय र अन्तर्राष्ट्रिय मापदण्डअनुकूल बनाउन यस्ता तालिमलाई निरन्तरता दिइने जानकारी दिँदै सबै सदस्य विद्यालयलाई समयमै सहभागी भई तालिमबाट अधिकतम लाभ लिन अनुरोध गरेका छन्।

02/08/2026

नेशनल प्याब्सन केन्द्रीय कार्यसमितिको चौथो पूर्ण बैठक सम्पन्न

काठमाडौं, साउन १७। राष्ट्रिय निजी तथा आवासीय विद्यालय एसोसिएसन नेपाल (नेशनल प्याब्सन) को केन्द्रीय कार्यसमितिको चौथो पूर्ण बैठक दुई दिनसम्म चलेपछि सम्पन्न भएको छ।

साउन १६ र १७ गते आयोजित बैठकमा देशभरका निजी विद्यालयहरूको वर्तमान अवस्था, शैक्षिक गुणस्तर अभिवृद्धि, संगठन सुदृढीकरण, विद्यार्थी केन्द्रित शिक्षाको विकास, शिक्षकको पेशागत क्षमता अभिवृद्धि तथा आगामी कार्यक्रमहरूबारे विस्तृत छलफल भएको थियो।

बैठकले निजी विद्यालयहरूले गुणस्तरीय, व्यवहारिक तथा प्रविधिमैत्री शिक्षामा थप जोड दिँदै राष्ट्र निर्माणका लागि सक्षम, अनुशासित र नैतिक नागरिक उत्पादनमा अझ प्रभावकारी भूमिका निर्वाह गर्ने प्रतिबद्धता व्यक्त गरेको छ।

त्यसैगरी, पछिल्लो समय मधेश प्रदेशलगायत देशका विभिन्न स्थानमा देखिएको सामाजिक तथा साम्प्रदायिक तनावप्रति बैठकले गम्भीर चासो व्यक्त गर्दै सबै पक्षलाई संयम अपनाउन, धार्मिक सहिष्णुता, सामाजिक सद्भाव, आपसी सम्मान र राष्ट्रिय एकतालाई सुदृढ बनाउन आग्रह गरेको छ। शिक्षा शान्ति, सहअस्तित्व र मानवताको माध्यम भएकाले विद्यालयहरूलाई सद्भाव र सामाजिक एकताको केन्द्रका रूपमा विकास गर्नुपर्नेमा बैठकले जोड दिएको छ।

बैठकमा संगठनलाई अझ प्रभावकारी, सशक्त र सदस्यमुखी बनाउने, निजी विद्यालयका साझा मुद्दाहरूलाई सम्बन्धित निकायसमक्ष प्रभावकारी रूपमा उठाउने तथा गुणस्तरीय शिक्षाका लागि सरकारसँग सहकार्यलाई थप सुदृढ गर्ने निर्णयसमेत गरिएको छ।

नेशनल प्याब्सनले मुलुकको शिक्षा क्षेत्रको विकास, विद्यार्थीको सर्वाङ्गीण व्यक्तित्व निर्माण तथा सामाजिक उत्तरदायित्वप्रति आफ्नो प्रतिबद्धतालाई निरन्तर अगाडि बढाउने विश्वास व्यक्त गर्दै चौथो पूर्ण बैठक सफलतापूर्वक सम्पन्न भएको जनाएको छ।

02/08/2026

दार्जिलिङमा पनि किर्तिमानी पर्वतारोही निर्मल पुर्जाप्रति श्रद्धाञ्जली अर्पण

दार्जिलिङ, भारत। किर्तिमानी नेपाली पर्वतारोही निर्मल पुर्जाको असामयिक निधनप्रति दुःख व्यक्त गर्दै भारतको दार्जिलिङस्थित मानेभञ्ज्याङमा श्रद्धाञ्जली सभा सम्पन्न गरिएको छ।

हिमालयन हाइलेन्डर एसोसिएसन, मानेभञ्ज्याङको आयोजनामा सम्पन्न कार्यक्रममा विभिन्न क्षेत्रका समाजसेवी, पर्वतारोही, युवा तथा स्थानीयवासीहरूको उल्लेखनीय सहभागिता रहेको थियो। कार्यक्रममा दिवंगत पुर्जाको तस्बिरमा माल्यार्पण, पुष्पाञ्जली अर्पण तथा एक मिनेट मौनधारण गरी श्रद्धाञ्जली व्यक्त गरिएको थियो।

वक्ताहरूले निर्मल पुर्जाले नेपाली पर्वतारोहणलाई विश्वमञ्चमा नयाँ उचाइमा पुर्‍याएको उल्लेख गर्दै उहाँको साहस, समर्पण र प्रेरणादायी योगदान सधैं स्मरणीय रहने बताए। उनीहरूले निर्मल पुर्जाको योगदान केवल नेपालका लागि मात्र नभई सम्पूर्ण हिमाली समुदाय र विश्व पर्वतारोहण क्षेत्रका लागि प्रेरणाको स्रोत बनेको धारणा व्यक्त गरे।

कार्यक्रमका सहभागीहरूले निर्मल पुर्जाको असामयिक निधनले विश्व पर्वतारोहण क्षेत्रले एक असाधारण व्यक्तित्व गुमाएको भन्दै उहाँप्रति भावपूर्ण श्रद्धाञ्जली अर्पण गरेका थिए।

21/06/2026

तिरुपति कलेजको कक्षा ११ को अभिमुखीकरण तथा स्वागत कार्यक्रम चार तारे होटलमा हुने ।

काठमाडौं – तिरुपति स्कुल/कलेजले कक्षा ११ मा भर्ना भएका विद्यार्थीहरूका लागि अभिमुखीकरण तथा स्वागत कार्यक्रम आयोजना गर्ने भएको छ। कार्यक्रम आषाढ १६ (मंगलबार) दिउँसो ४ बजे गौशाला स्थित चार तारे होटल, होटल क्रिस्टल पशुपतिमा हुनेछ।

विद्यालय प्रशासनका अनुसार नयाँ विद्यार्थीहरूलाई स्वागत गर्दै उनीहरूलाई शैक्षिक नियम, पाठ्यक्रम संरचना, अनुशासन तथा अतिरिक्त क्रियाकलाप सम्बन्धी जानकारी दिने उद्देश्यले कार्यक्रम आयोजना गरिएको हो।

कार्यक्रममा औपचारिक सत्र, शिक्षकहरूसँग अन्तरक्रिया तथा मार्गदर्शन सत्र रहनेछ। विद्यार्थी, अभिभावक तथा शिक्षकहरूको सहभागिता रहने अपेक्षा गरिएको छ।

विद्यालयले यस कार्यक्रमले विद्यार्थीहरूको आत्मविश्वास बढाउँदै उनीहरूको शैक्षिक यात्रालाई सफल बनाउन महत्वपूर्ण भूमिका खेल्ने विश्वास व्यक्त गरेको छ।

04/06/2026

तिरुपति कलेज मा विज्ञान र व्यवस्थापन संकायमा व्यापक भर्ना

काठमाडौं । +२ तहको नयाँ शैक्षिक सत्र सुरु भएसँगै तिरुपति कलेज मा विज्ञान तथा व्यवस्थापन संकायमा विद्यार्थीहरूको आकर्षण उल्लेखनीय रूपमा बढेको छ । गुणस्तरीय शिक्षा, अनुभवी शिक्षक टोली, अनुशासित शैक्षिक वातावरण तथा अतिरिक्त क्रियाकलापमा सक्रिय सहभागिताका कारण यस वर्ष कलेजमा व्यापक भर्ना भएको कलेज प्रशासनले जनाएको छ ।

कलेजले विगत केही वर्षदेखि उत्कृष्ट शैक्षिक नतिजा हासिल गर्दै आएको छ । विशेषगरी SEE उत्तीर्ण विद्यार्थीहरूलाई लक्षित गरी सञ्चालन गरिएको “Tirupati SEE Cup 2083”, “Tirupati Got Talent” लगायतका कार्यक्रमले विद्यार्थी तथा अभिभावकमाझ सकारात्मक सन्देश प्रवाह गरेको बताइएको छ ।

कलेजका संस्थापक/प्रधानाध्यापक तेन्जिङ भोटिया ले विद्यार्थीको रोजाइ बन्नु कलेजप्रतिको विश्वासको परिणाम भएको बताए । उनले गुणस्तरीय शिक्षासँगै व्यवहारिक ज्ञान, अनुशासन र नेतृत्व विकासमा कलेजले विशेष जोड दिँदै आएको उल्लेख गरे ।

विज्ञान संकाय अन्तर्गत आधुनिक प्रयोगशाला, नियमित प्रायोगिक कक्षा तथा अनुभवी शिक्षकहरूको व्यवस्था गरिएको छ भने व्यवस्थापन संकायमा बजारमुखी शिक्षण पद्धति, प्रस्तुतीकरण, नेतृत्व विकास तथा विभिन्न अतिरिक्त गतिविधिलाई प्राथमिकता दिइएको कलेजले जनाएको छ ।

यसैबीच, नयाँ शैक्षिक सत्रका लागि सीमित सिटमा भर्ना प्रक्रिया जारी रहेको र इच्छुक विद्यार्थीलाई समयमै सम्पर्क गर्न कलेज प्रशासनले आग्रह गरेको छ ।

02/05/2026

आयो है आयो ! !

Rainbow TV

04/09/2026

28/08/2026

22/08/2026

08/08/2026

05/08/2026

02/08/2026

02/08/2026

21/06/2026

04/06/2026

02/05/2026

Address

Telephone

Website

Alerts

Contact The Business

Shortcuts

Share

Category

Listing takedown request