https://www.facebook.com/357653978332972/

Rainbow TV, Budhanilkantha-10, Kapan, Kathmandu (2025)

02/06/2025

बझाङ ज्यावन युवा समाज, काठमाडौंको दोस्रो अधिवेशन शनिबार राजधानीमा सम्पन्न भएको छ । युवाहरुको उल्लेखनीय सहभागिता, सक्रियता र एकताको भावनाले कार्यक्रमलाई उत्साहजनक बनाएको आयोजकले जनाएका छन् ।

अधिवेशनले नयाँ कार्यसमिति चयन गरेको छ, जसमा अध्यक्षमा हर्क बहादुर जाग्री चयन हुनुभएको छ । उपाध्यक्षमा पूजा धामी (गुर्धामी) र आकाश धामी महत, सचिवमा तेज बहादुर गुर्धामी, सह-सचिवमा सुर्य धामी, कोषाध्यक्षमा कमल बोहरा रहनु भएको छ । त्यस्तै, सदस्यहरूमा विकाश जाग्री, नवराज धामी, रविन्द्र धामी, सुन्दर जाग्री र शुषिल धामी चयन हुनुभएको छ ।

साथै अधिवेशनले समाजको मार्गदर्शन र सल्लाहका लागि सल्लाहकार समिति गठन गरेको छ । प्रमुख सल्लाहकारमा नर बहादुर गुर्धामी चयन हुनुभएको छ भने गोविन्द बहादुर धामी, करन बहादुर गुर्धामी, भक्त बहादुर धामी, विमला रिमाल धामी, नरेश बोहरा, समुन्द्र धामी र डा. आनन्द धामी सल्लाहकारका रूपमा चयन हुनुभएको छ ।

नवगठित कार्यसमिति र सल्लाहकार समितिलाई बधाई ज्ञापन गर्दै सहभागीहरूले समाजले आगामी दिनहरूमा बझाङका युवाबीच समन्वय, सहयोग र सामाजिक रूपान्तरणको यात्रालाई अझ प्रभावकारी बनाउने विश्वास व्यक्त गरेका थिए । अधिवेशनमा बझाङका विभिन्न क्षेत्रबाट आएका युवाहरू, समाजसेवी, सल्लाहकार तथा संघसंस्थाका प्रतिनिधिहरूको उल्लेखनीय उपस्थिति रहेको थियो ।

कार्यक्रम संस्थापक अध्यक्ष करन बहादुर गुर्धामीको अध्यक्षतामा सम्पन्न भएको थियो । कार्यक्रममा देउडा कलाकार उमाशंकर जोशी र टेक बोगटीको विशेष देउडा प्रस्तुति कार्यक्रमको आकर्षणको केन्द्र बनेको थियो ।

कार्यक्रमको अन्त्यमा समाजले अधिवेशन सफल बनाउन प्रत्यक्ष वा परोक्ष रूपमा योगदान पुर्‍याउने सम्पूर्ण सहयोगीहरूलाई धन्यवाद ज्ञापन गर्दै आगामी दिनमा सामाजिक सेवाका कार्यक्रमहरूलाई निरन्तरता दिने प्रतिबद्धता व्यक्त गरेको छ ।

24/05/2025

नेसनल प्याबसन बूढानिलकण्ठको पदस्थापन कार्यक्रम सम्पन्न ।

नेसनल प्याव्सन बुढानिलकण्ठको पदस्थापन सम्पन्न भएको छ। नेसनल प्याव्सनकी रास्ट्रीय अध्यक्ष गीता राणाको प्रमुख आतिथ्यतामा भएको कार्यक्रममा नयाँ कार्यसमितिका पदाधिकारी तथा सदस्यहरुले पदस्थापन गरेका हुन्।

बुढानिलकण्ठ नगरपालिका सामाजिक विकास समितीकी संयोजक शान्ता ढकाल पुडासैनी, नेसनल प्याव्सनका पुर्व अध्यक्षहरु कर्ण बहादुर शाही, ऋतुराज सापकोटा , बरिष्ठ उपाध्यक्ष सुर्य बहादुर अधिकारी, महासचिव प्रताप थापा, सचिव तेन्जिङ्ग भुटिया , केन्द्रीय सदस्य राजेश्वर तिवारी लगायतको उपस्थितिमा भएको समरोहमा नव निर्वाचित अध्यक्ष सुदिप काफ्ले, उपाध्यक्ष सुस्मिता मैनाली र सचिव गोविन्द सिंह धामीले पदस्थापन गरेका थिए।

बुढानिलकण्ठ नगरपालिका वडा नं १० मा रहेको मिलनचोक पार्टी भेन्युमा भएको समारोहमा कोषाध्यक्ष किरण खड्का, सह कोषाध्यक्ष बेनी बहादुर खड्का , सह सचिव नारायण चौलागाई र सदस्यहरु रुकेश तामाङ ,रमेश भण्डारी र युवक तिम्सिनाको पदस्थापन भएको थियो ।

02/05/2025

नेसनल प्याब्सन काठमाडौं जिल्लाको स्कुल लिडरसिप तालिम भब्य रुपमा सम्पन्न :

नेसनल प्याब्सन काठमाडौं जिल्ला समितिले काठमाडौं , भक्तपुर र ललितपुर जिल्लाका स्कुलका प्राचार्य, सहायक प्राचार्य र स्कुल लिडरहरुको लागि बैशाख १८ गते भक्तपुरमा रहेको काठमाडौं फन भ्यालीमा एकदिने तालिम आयोजना गरेको छ । नेसनल प्याब्सन सस्थापक अध्यक्ष तथा बर्तमान कार्य समितिका अध्यक्ष गीता क्षेत्री राणा को प्रमुख आतिथ्यतामा कार्यक्रम उद्घाटन समारोह आयोजना भएको थियो ।७० बिध्यालयका १५० जना सहभागी स्कुल लिडर तालिममा बिध्यार्थीहरुलाई स्मार्ट बोर्डको प्रयोग र डिजिटल माध्यमबाट प्रभावकारी शिक्षण र सस्कार सहितको सिकाईलाई सीपसङग जोडेर शिक्षण र मुल्यान्कन गर्ने सम्बन्धमा नेसनल केन्द्रीय समितिका अध्यक्ष गीता क्षेत्री राणा, पुर्व अध्यक्ष कर्ण बहादुर शाही, आईनजी समुहका सिईओ सुलभ बुढाथोकी , स्मार्टर का सस्थापक सिईओ जित राघव , थ्री सि आर एडुकेटर प्रमुख उत्तम दाहालको प्रभावकारी प्रस्तुती रहेको थियो । तालिममा सहभागी सम्पुर्ण स्कुल लिडरहरुलाई समापन समारोहका प्रमुख अतिथि बागमती प्रदेशका स्वास्थ्य मन्त्री माननिय किरण थापा मगरले प्रमाणपत्र वितरण गर्नु भयो । कार्यक्रममा सम्बोधन गर्दै मन्त्री किरण थापा मगरले सस्थागत बिध्यालयको गुणस्तीय शिक्षण र ब्यबस्थापनको प्रशसा गर्दै सस्थागत बिध्यालय र सामुदायिक बिध्यालयको सहकार्यका लागि प्रदेश सरकारले आबश्यक बजेट ब्यबस्थापन गर्ने कुरा बताउनु भयो ।कार्यक्रममा नेसनल प्याब्सनका केन्द्रीय पदाधिकारीहरु, निबर्तमान अध्यक्ष पाण्डव हमाल, पुर्व अध्यक्ष रीतुराज सापकोटा, पुर्व अध्यक्ष कर्ण बहादुर शाही, बरिष्ठ उपाध्यक्ष सुर्य बहादुर अधिकारी, बागमती प्रदेश अध्यक्ष नारायण कुमार कार्की, जिल्ला पदाधिकारीहरु, नगर पदाधिकारीहरु र बिध्यालयका प्राचार्यहरुको उपस्थिति रहेको थियो । कार्यक्रमको सभापतित्व नेसनल प्याब्सन काठमाडौं जिल्ला अध्यक्ष होम बहादुर अधिकारी (मनोज ) ले गर्नु भएको थियो र अतिथिहरुलाई स्वागत तथा मायाको चिनो प्रदान गर्नु भयो । उक कार्यक्रम सन्चालन जिल्ला समितिका सह सचिब प्रकाश अधिकारीले गर्नु भएको थियो ।

30/04/2025

बालुवाखानी कपनको एकमात्र +2 कलेज तिरुपति सेकेन्डेरी स्कुल/कलेज र काठमाडौं विश्वविद्यालय (Kathmandu University) बीच विद्यार्थीहरुको शैक्षिक सुधार र शिक्षकहरुको क्षमता विकासको लागि कार्यक्रम सचालन गर्ने भनी सम्झौता भएको छ । उक्त सम्झौतामा तिरुपति स्कुलको तर्फबाट विद्यालयको प्रधानाध्यापक तेन्जिङ भोटिया र सचालक इन्द्रमणी दाहालले हस्ताक्षर गरेका छन भने काठमाडौं विश्वविद्यालयको तर्फबाट डिन प्रा डा बालचन्द्र लुइटेल र व्यवस्थापक शिव नाथ मैनालीले हस्ताक्षर गरेका छन । विद्यालयका प्रधानाध्यापक तेन्जिङ भोटियाका अनुसार केयु सग सहकार्य गरेपश्चात विद्यालयमा अध्ययनरत विद्यार्थीहरुको सिकाइमा नयापन आउने र शिक्षकहरु पनि नया शैक्षिक प्रणाली र विशेष गरेर पाठ्यक्रम बारे पुर्णरुपले जानकार हुने बताए । यो कार्यक्रम लागु गरे पश्चात् तिरुपति ले आगामी एक वर्ष भित्र विद्यार्थीहरुको सिकाइमा ठुलो फर्को मार्ने विश्वास लिइएको छ ।।

04/04/2025

नेशनल प्याब्सन काठमाडौं जिल्ला स्थापना पक्षको वृहत जिल्ला भेला सम्पन्न — नयाँ समिति गठन, नेतृत्वमा मनोज होमबहादुर अधिकारी

काठमाडौं, चैत २२ — नेशनल प्याब्सन काठमाडौं जिल्ला (स्थापना पक्ष) को वृहत जिल्ला भेला आज होटल रोयल एयरपोर्ट, सिनामंगलमा भव्य रूपमा सम्पन्न भएको छ।

गत फागुन १५ र १६ गते बीरगंजमा सम्पन्न आठौं केन्द्रीय महाधिवेशनपछि तत्कालीन जिल्ला समिति भंग गरिएको थियो। त्यसपछि पहिलोपटक आज सम्पन्न भेलाबाट काठमाडौं जिल्ला, बूढानीलकण्ठ नगरपालिका र काठमाडौं महानगरको नयाँ संरचना औपचारिक रूपमा गठन गरिएको हो।

भेलाबाट श्री मनोज होमबहादुर अधिकारी काठमाडौं जिल्ला कार्यसमितिको अध्यक्षमा चयन भएका छन्। उपाध्यक्षमा ईश्वर के.सी. र लक्ष्मी गुरुङ, सचिवमा लेखराज घिमिरे, सहसचिवमा प्रकाश अधिकारी, कोषाध्यक्षमा बिजय न्यौपाने, सहकोषाध्यक्षमा हेमन्त श्रेष्ठ चयन भएका छन्। सदस्यहरूमा सुरेन्द्र मगर र रामप्रसाद काफ्ले रहेका छन्।

बूढानीलकण्ठ नगरपालिका कमिटीमा अध्यक्षमा श्री सुदीप काफ्ले, उपाध्यक्षमा सुस्मिता मैनाली, सचिवमा गोबिन्द धामी, सहसचिवमा नारायण चौलागाईं, कोषाध्यक्षमा किरण खड्का, सहकोषाध्यक्षमा बेनी खड्का तथा सदस्यहरूमा रमिस अधिकारी र रुकेश लामा चयन भएका छन्।

त्यसैगरी, काठमाडौं महानगर कमिटीमा संयोजकमा निलम मणि भट्टराई, सहसंयोजकमा राजन लम्साल, सदस्यहरूमा सुस्मिता शाह मल्ल, अभिनास शाह, बिबीलाल खड्का र सबिना थापा खड्का चयन भएका छन्।

कार्यक्रममा नेशनल प्याब्सनकी केन्द्रीय अध्यक्ष माननीय गीता राणा, निवर्तमान अध्यक्ष पाण्डव हमाल, पूर्व अध्यक्षहरू कर्ण शाही र रितुराज सापकोटा, वरिष्ठ उपाध्यक्षहरू सुर्य अधिकारी र सुबोध डागी, सचिव तेन्जिङ भोटिया सहित केन्द्रीय कार्यसमितिका अन्य पदाधिकारीहरूको उल्लेखनीय उपस्थिति थियो।

कार्यक्रममा बोल्दै सचिव तेन्जिङ भोटियाले भने, “नेशनल प्याब्सन भन्नाले गीता राणाको अध्यक्षतामा रहेको संगठन नै हो। अरू कसैको अध्यक्षतामा रहेको संस्था नेशनल प्याब्सन होइन,” भनी संगठनको वैधानिकता र एकताको पक्षमा बल दिएका थिए।

वरिष्ठ उपाध्यक्ष सुबोध डागीले संगठन फुटाएर अध्यक्ष बन्ने प्रयास कुनै पनि हालतमा स्वीकार्य नहुने बताए। “संस्थागत विधि र मूल्य–मान्यताको संरक्षण हाम्रो प्राथमिकता हो,” उनले जोड दिए।

केन्द्रीय अध्यक्ष गीता राणाले महाधिवेशनबाट निर्वाचित कार्यसमिति र सबैजसो पूर्व अध्यक्षहरूको साथ आफूहरूको पक्षमा रहेको उल्लेख गर्दै भनिन्, “कसैले पनि व्यक्तिगत स्वार्थ र पदलोलुपताको कारण संगठन फुटाउने काम गर्न खोजे पनि त्यो कदापि स्वीकार्य छैन।”

उनका अनुसार स्थायीत्व, एकता र गुणस्तरीय शिक्षाको पक्षमा नेशनल प्याब्सनको नेतृत्व प्रतिबद्ध रहेको छ।

23/03/2025

यस रेम्बो टिभीका सस्थापक अध्यक्ष श्री तेन्जिङ भोटिया ल्होमी शिङ्सा युथ आईकन समानबाट सम्मानित हुनुभएकोमा हार्दिक बधाई एवम शुभकामना व्यक्त गर्दछौ ।

- रेम्बो टिभी ए परिवार

18/03/2025

समाजसेवामा सक्रिय तेन्जिङ भोटिया: जनताको सेवामा अहोरात्र खटिएका युवा नेता

राष्ट्रिय प्रजातन्त्र पार्टी (राप्रपा) का केन्द्रीय सदस्य तेन्जिङ भोटिया समाजसेवामा नै व्यस्त छन्। जनताको समस्या समाधान गर्न सधैं अग्रसर रहने भोटियाको दिनचर्या कहिले प्रहरी कार्यालयमा, कहिले अस्पतालमा, त कहिले अन्य सरकारी तथा सामाजिक संस्थाहरूमा सहयोग गर्दै बित्ने गर्छ।

संकटमा परेका नागरिकलाई आवश्यक सहयोग उपलब्ध गराउनेदेखि लिएर, विपन्न तथा असहाय वर्गको पक्षमा आवाज उठाउनेसम्म, भोटियाको समर्पण उदाहरणीय छ। विशेषगरी, शिक्षाक्षेत्रका सुधार र युवा सशक्तीकरणमा उनले सक्रिय भूमिका खेल्दै आएका छन्। उनी नेतृत्व गरेको तिरुपति स्कूलमार्फत शिक्षा क्षेत्रमा उल्लेखनीय योगदान पुर्‍याइरहेका छन् भने युवाहरूलाई सिर्जनशील कार्यमा लाग्न प्रेरित गरिरहेका छन्।

संकटमा परेका बिरामीहरूलाई अस्पतालसम्म पु¥याउने, प्रहरी प्रशासनसँग सहकार्य गर्दै अन्यायमा परेकाहरूलाई न्याय दिलाउने, तथा स्थानीय समस्या समाधान गर्न सम्बन्धित निकायहरूसँग समन्वय गर्ने जस्ता कार्यमा तेन्जिङ भोटिया अहोरात्र खटिरहेका छन्।

युवा नेतृत्वको उदाहरण बनेका भोटिया राजनीतिक जिम्मेवारीसँगै समाजसेवामा समर्पित हुनु एक प्रेरणादायक पक्ष हो। उनी भन्छन्, “राजनीति जनताको सेवाका लागि हो, पदका लागि होइन। म जहिले पनि पीडित, दुःखी र समस्यामा परेकाहरूको साथमा रहनेछु।”

उनको यो सेवाभाव र जनताको लागि समर्पित भावनाले उनलाई दिनप्रतिदिन लोकप्रिय बनाउँदै लगेको छ। राजनीतिमा मात्र होइन, समाजसेवामा पनि उनी एक असल उदाहरण बनेका छन्।

07/03/2025

नेसनल प्याबसन केन्द्रीय कार्यसमितिको पहिलो बैठक को पहिलो दिन को बैठक सम्पन्न भएको छ । राष्ट्रीय अध्यक्ष गीता राणा छेत्री भन्छन टुक्रिएर गएको साथीहरु अवैधानिक र वहाहरुले आफुलाई आधिकारिक पुस्टी गर्न नसक्ने ।। विरगन्जको महाधिवेशनमा ९००+ प्रतिनिधि उपस्थित भएको र काठमाडौंमा जम्मा २०० जना पनि प्रतिनिधि उपस्थित नभएको जिकिर ।

04/03/2025

तेन्जिङ भोटिया - एक परिचय

01/03/2025

राष्ट्रिय निजी तथा आवासीय विद्यालय संगठन (नेशनल प्याब्सन) को केन्द्रीय सचिवमा सर्वसम्मत रुपमा तेन्जिङ भोटिया निर्वाचित । तेन्जिङ भोटिया नेशनल प्याब्सनको इतिहासमा नै सबैभन्दा कान्छो र पहिलो आदिवासी जनजाती र सिमान्तकृत समुदायको केन्द्रीय सचिव सचिव बनेको हो।

20/02/2025

सङ्खुवासभाली जनताको सेवामा समर्पित तेन्जिङ भोटिया, २०८४ को चुनावमा नयाँ आशा!

सङ्खुवासभाका लोकप्रिय युवा नेता, राष्ट्रिय प्रजातन्त्र पार्टीका केन्द्रीय सदस्य, शिक्षासेवी तथा समाजसेवी तेन्जिङ भोटिया जिल्लावासीको सेवामा दिनरात खटिरहेका छन्। शिक्षा, स्वास्थ्य, र सामाजिक सेवामा निरन्तर योगदान दिँदै आएका उनले आफूलाई साँचो अर्थमा जनताको नेता सिद्ध गरिसकेका छन्।

तेन्जिङले जिल्लामा असहाय, विपन्न तथा बिरामीहरूलाई सहयोग गर्दै आएका छन्। विद्यालय सञ्चालनमार्फत शिक्षा क्षेत्रमा सुधार ल्याउन कटिबद्ध उनी थुप्रै विपन्न विद्यार्थीलाई छात्रवृत्ति दिँदै आएका छन्। जनताको दुःखमा सधैं साथ दिने र समस्याहरूको समाधान खोज्ने उनको शैलीले उनलाई जिल्लामा सबै दलका नेताहरूभन्दा फरक र विशेष बनाएको छ।

गत निर्वाचनमा पराजित भए पनि उनले हिम्मत हारेका छैनन्। बरु अझ बलियो प्रतिबद्धताका साथ जिल्लावासीको सेवामा जुटिरहेका छन्। जनतासँग प्रत्यक्ष संवाद, युवाहरूलाई अवसर प्रदान गर्ने अभियान, तथा जिल्लाको समग्र विकासका लागि उनले देखाएको दृढ संकल्पका कारण उनी २०८४ को चुनावमा जिल्लावासीको पहिलो रोजाइ बन्ने सम्भावना उच्च देखिन्छ।

एमाले र कांग्रेसको सरकार हुँदाहुँदै पनि जिल्लावासीका समस्याहरू हल नभएको अवस्थामा, तेन्जिङ भोटियाले एक सशक्त विकल्पको रूपमा आफूलाई उभ्याइरहेका छन्। “राजनीति सत्ता प्राप्तिका लागि होइन, जनताको सेवा गर्नका लागि हो” भन्ने सिद्धान्तमा अडिग रहेका उनले २०८४ को चुनावमा विकास, समृद्धि, र न्यायको प्रतिबद्धतासहित अगाडि बढ्ने संकेत दिएका छन्।

जनताको मन जित्दै र उनीहरूका आवश्यकतामा समर्पित हुँदै, तेन्जिङ भोटियाले २०८४ को चुनावमा ऐतिहासिक नतिजा ल्याउने विश्वास उनका समर्थकहरू व्यक्त गरिरहेका छन्। अब आउने चुनाव, सङ्खुवासभाका जनताले साँचो अर्थमा आफ्नो सेवक छान्ने अवसरको रूपमा रहनेछ!

15/02/2025

नेसनल प्याबसनको आठौं महाधिवेशन फाल्गुन १५ र १६ गते वीरगंजमा हुने

वीरगंज । राष्ट्रिय निजी तथा आवासीय विद्यालय संगठन (नेसनल प्याबसन) को आठौं महाधिवेशन फाल्गुन १५ र १६ गते वीरगंजमा हुने भएको छ। महाधिवेशन सफलतापूर्वक सम्पन्न गर्न संगठनको केन्द्रीय समिति तयारीमा जुटेको छ ।

श्रोतको अनुसार महाधिवेशनमा देशभरिबाट १००० भन्दा बढी प्रतिनिधिहरूको उपस्थिति रहनेछ। पछिल्लो समय विभिन्न विवादमा तानिएको नेसनल प्याबसनका लागि यो महाधिवेशन संगठनलाई सुदृढ बनाउने अवसर हुने सदस्यहरूको विश्वास छ।

नेसनल प्याबसनको नेतृत्वलाई लिएर विभिन्न तहमा छलफल भइरहेका बेला धेरै सदस्यहरूले संस्थाको स्थायित्व र गरिमा जोगाउनका लागि गीता राणाको नेतृत्व आवश्यक रहेको बताएका छन्। महाधिवेशनले संगठनका वर्तमान चुनौतीहरूको समाधान निकाल्ने अपेक्षा गरिएको छ।

Rainbow TV

02/06/2025

24/05/2025

02/05/2025

30/04/2025

04/04/2025

23/03/2025

18/03/2025

07/03/2025

04/03/2025

01/03/2025

20/02/2025

15/02/2025

Address

Telephone

Website

Alerts

Contact The Business

Shortcuts

Share

Category