https://www.facebook.com/357653978332972/

Rainbow TV, Budhanilkantha-10, Kapan, Kathmandu (2025)

11/08/2025

अभिभावकलाई १ दिने प्रधानाध्यापक बनाउँदै तिरुपति स्कुल/कलेज

अन्तर्राष्ट्रिय स्कुल अवार्ड प्राप्त तिरुपति स्कुल/कलेजले निजी विद्यालयको इतिहासमा नै नयाँ उदाहरण प्रस्तुत गर्दै गत महिना देखि “अभिभावक विद्यालय अनुगमन कार्यक्रम” सुरु गरेको छ। यस कार्यक्रमअन्तर्गत, अभिभावकलाई एक दिनको लागि विद्यालयमा प्रधानाध्यापकजस्तै भूमिकामा रहने र विद्यालयको सम्पूर्ण शैक्षिक गतिविधि प्रत्यक्ष अवलोकन गर्ने अवसर प्रदान गरिएको छ।

कार्यक्रम अनुसार, चयनित अभिभावकले आफ्नो बालबालिका अध्ययनरत कक्षामा दिनभर बस्ने, कक्षाको हरेक गतिविधि नियालेर हेर्ने, शिक्षण–अध्ययन पद्धति मूल्यांकन गर्ने, र आवश्यक सुधारका लागि सम्बन्धित शिक्षक, कोअर्डिनेटर तथा प्रधानाध्यापकलाई सुझाव दिने अवसर पाउँछन्। यसरी, अभिभावकहरू विद्यालयको गुणस्तर अभिवृद्धिमा प्रत्यक्ष सहभागी हुने र निर्णय प्रक्रियामा पनि आफ्नो योगदान दिन सक्नेछन्।

विद्यालयका अनुसार, कार्यक्रमको मुख्य उद्देश्य विद्यालय, विद्यार्थी र अभिभावकबीचको विश्वास, पारदर्शिता र सहकार्यलाई अझ मजबुत बनाउनु हो। यसले विद्यार्थीको सर्वाङ्गीण विकासमा महत्त्वपूर्ण योगदान पुर्‍याउने विद्यालयको विश्वास छ।

कार्यक्रममा सहभागी अभिभावकहरूले यो पहललाई अत्यन्तै पृथक, प्रेरणादायी र प्रभावकारी भनेका छन्। उनीहरूका अनुसार, यस प्रकारको प्रत्यक्ष संलग्नताले विद्यालयमा सुधारका सम्भावना बढाउने मात्र नभई विद्यार्थीहरूको व्यवहार, अनुशासन र सिकाइमा पनि सकारात्मक प्रभाव पार्नेछ।

प्रधानाध्यापकले भने, “विद्यालयको वास्तविक अवस्था अभिभावकले आफ्नै आँखाले हेर्ने अवसर पाउनु, पारदर्शी शिक्षा प्रणाली निर्माणतर्फको हाम्रो दृढ कदम हो।”

तिरुपति स्कुल/कलेजले आगामी दिनमा यो कार्यक्रमलाई अझ व्यवस्थित गर्दै निरन्तर सञ्चालन गर्ने र अभिभावकको सुझावलाई विद्यालय सुधार योजनामा समावेश गर्ने घोषणा गरेको छ।

06/08/2025

नेपाललाई विश्वको शैक्षिक हब बनाउन नेसनल प्याब्सनको सङ्कल्प

काठमाडौं । नेपाललाई विश्वको शैक्षिक हब बनाउने लक्ष्यसहित नेसनल प्याब्सनले देशव्यापी अभियान सुरु गरेको छ। यस अभियानअन्तर्गत टल्क शो, प्यानल डिस्कसन, अन्तरक्रियात्मक गोष्ठी, र शैक्षिक कार्यक्रमहरूको श्रृंखला सञ्चालन गरिने भएको छ।

कार्यक्रमहरूको मुख्य उद्देश्य नेपाललाई अन्तर्राष्ट्रिय विद्यार्थीका लागि आकर्षक गन्तव्य बनाउँदै शिक्षा, पूर्वाधार, र शैक्षिक नीतिमा सुधारको बाटो खोल्ने रहेको छ।

नेसनल प्याब्सनका केन्द्रीय पदाधिकारीहरूका अनुसार, सुरु हुन लागेको “नेपाललाई विश्वको शैक्षिक हब कसरी बनाउने?” शीर्षकको टल्क शो कार्यक्रम र श्रृंखलाबद्ध अन्य गतिविधिहरूले नीति निर्माता, शिक्षा विज्ञ, विद्यार्थी र अभिभावक सबैमा सकारात्मक प्रभाव पार्ने अपेक्षा गरिएको छ।

यस अभियानमार्फत नेपालको शिक्षा क्षेत्रको अन्तर्राष्ट्रिय ब्रान्डिङ गर्दै विदेशी विद्यार्थी भर्ना र पर्यटन प्रवर्द्धनमा समेत सहयोग पुग्ने लक्ष्य राखिएको छ।

27/07/2025

तिरुपति स्कुल/कलेजले सुरु गर्यो ‘अभिभावक अनुगमन कार्यक्रम

विद्यार्थीको शैक्षिक प्रगति, अनुशासन र कक्षा गतिविधिमा अभिभावकको सक्रिय सहभागिता आवश्यक छ भन्ने मान्यताका साथ तिरुपति स्कुल/कलेजले ‘अभिभावक अनुगमन कार्यक्रम’ सुरु गरेको छ।

यस कार्यक्रम अन्तर्गत अभिभावकहरू आफैँ कक्षा कोठामा गएर आफ्ना छोराछोरीहरूको सिकाइ प्रक्रिया, शिक्षकहरूको पढाउने शैली र विद्यालयको शैक्षिक वातावरणको प्रत्यक्ष अवलोकन गर्न सक्ने छन्।

कार्यक्रमको प्रारम्भिक चरणमै उत्साहजनक रूपमा धेरै अभिभावकहरूको सहभागिता देखिएको छ, जसले विद्यालय र अभिभावकबीचको सहकार्यलाई थप बलियो बनाएको छ।

02/07/2025

रौतामाई–७ धोैलाखोपमा अबैध खनन: चुनढुंगा उत्खननमा पालिकाकै मिलेमतो ?

उदयपुर, रौतामाई गाउँपालिका–७ धोैलाखोप स्थित साविक पाँगु गाविस वडा नं. ६ मा चुनढुंगा खानीको नाममा खुलेआम अबैध उत्खनन भइरहेको खुलासा भएको छ। मिति २०८१/०९/०९ मा रौतामाई गाउँपालिकाले “सुधारको” नाममा श्रीमती बिन्द्रा देवी थापा संचालक रहेको त्रियुगा एन्ड थापा निर्माण सेवालाई भरतबहादुर थापा र श्यामकुमार थापाको नाममा रहेको निजी जग्गा सम्याउने अनुमति दिएको थियो।

तर, बारी सम्याउने बहानामा अधातुजन्य खनिज चुनढुंगा उत्खनन गरिएको पुष्टि भएको छ। खानी तथा भूगर्भ विभागले सो उत्खनन कार्यलाई अबैध भन्दै स्पष्ट लिखित जवाफ समेत प्रदान गरिसकेको छ।

यस घटनाले स्थानीय तहमा पालिकाको सहमती वा मिलेमतोमा खनिज उत्खननजस्तो गम्भीर विषय पनि लापरवाहीपूर्वक “निर्माण सेवाको नाम” मा चलाइने गरेको संकेत गर्छ।

🔍 मुख्य प्रश्नहरू उठेका छन्:
• बारी सम्याउने नाममा खनिज उत्खनन गर्ने अनुमति कसरी दिइयो?
• कानुनी प्रक्रिया बिना चुनढुंगा उत्खनन कसरी सम्भव भयो?
• खानी तथा भूगर्भ विभागबाट अबैध ठहर भइसकेपछि दोषीहरूलाई किन कारबाही गरिएको छैन?

अबैध खननमा संलग्न सबै पक्ष — चाहे ती राजनीतिक पहुँचवालाहरू हुन् वा निजी व्यवसायी — प्रचलित कानुन अनुसार कडा कारबाहीमा पर्नैपर्छ। प्राकृतिक स्रोतको दोहन र जनताको सम्पत्तिमा यस्तो हस्तक्षेप कुनै पनि हालतमा स्वीकार्य हुँदैन।

28/06/2025

लोकप्रिय नेपथ्य ब्यान्ड B8Eight ले “मैचाङ” सार्वजनिक गर्‍यो
काठमाडौं, असार १४ –

नेपाली हिपहप तथा आरएन्डबी (R&B) ब्यान्ड B8Eight ले आफ्नो नयाँ गीत “मैचाङ” सार्वजनिक गरेको छ।

B8Eight ले यसअघि पनि “के यो माया हो”, “आँखाको बाटो”, “मौनता मा”, “Miss Kollywood” लगायतका गीतमार्फत नेपाली संगीतप्रेमीको मन जितिसकेको छ। विशेषगरी युवापुस्तामाझ लोकप्रिय रहेको यस ब्यान्डले आफ्नो छुट्टै पहिचान बनाएको छ।

गीतको सार्वजनिक कार्यक्रममा ब्यान्डका सदस्यहरूले “मैचाङ” गीत नेपाली मौलिकतालाई समेट्ने आधुनिक प्रयास भएको बताए।
उनीहरूको भनाइमा, “यो गीत रमाइलो, उत्सव र संस्कृति सँग जोडिएको छ। हामीले परम्परागत भावनालाई नयाँ शैलीमा प्रस्तुत गर्ने प्रयास गरेका छौं।”

गीत सार्वजनिकसँगै B8Eight ले पुनः एकपटक नेपाली सांगीतिक क्षेत्रमा आफ्नो सक्रियता देखाएको छ।

श्रोतामाझ लोकप्रियता कमाउँदै आएका यस ब्यान्डका आगामी गीतहरूप्रति पनि दर्शकको चासो बढ्दै गएको देखिन्छ।

24/06/2025

नेस्नल प्याब्सनले आफ्नै भवन निर्माण गर्ने, भवन निर्माण समितिको संयोजकमा बुलन मिश्र

काठमाडौं । निजी तथा आवासीय विद्यालयहरूको छाता संस्था नेस्नल प्याब्सनले अब आफ्नै केन्द्रीय कार्यालय भवन निर्माण गर्ने निर्णय गरेको छ। संस्थाले भवन निर्माणका लागि विशेष समिति गठन गरेको छ भने भवन निर्माण समितिको संयोजकमा बुलन मिश्रलाई चयन गरिएको छ।

नयाँ भवन निर्माणसँगै संस्थाको प्रशासनिक काम अझ व्यवस्थित र प्रभावकारी हुने विश्वास लिइएको छ। समितिको संयोजनमा छिट्टै निर्माण कार्य अघि बढाइने र आवश्यक कानुनी तथा प्राविधिक प्रक्रिया पुरा गर्ने तयारी भइरहेको छ।

संयोजक चयनपछि मिश्रले आफ्नो भनाइमा भने, “यस भवनले नेस्नल प्याब्सनको स्थायीत्वको प्रतीकको रूपमा काम गर्नेछ। सबै सदस्य विद्यालयहरूको साथ, समर्थन र पारदर्शिताको आधारमा यो महत्त्वपूर्ण कार्य सफलतापूर्वक सम्पन्न गर्नेछौं।”

नेस्नल प्याब्सनले विगतदेखि नै निजी शिक्षाको गुणस्तर अभिवृद्धि, नीति निर्माणमा सहभागीता र शैक्षिक सुधारमा उल्लेखनीय भूमिका खेल्दै आएको छ। आफ्नै भवन निर्माणले संस्थालाई अझ मजबुत र सशक्त बनाउने अपेक्षा गरिएको छ।

02/06/2025

बझाङ ज्यावन युवा समाज, काठमाडौंको दोस्रो अधिवेशन शनिबार राजधानीमा सम्पन्न भएको छ । युवाहरुको उल्लेखनीय सहभागिता, सक्रियता र एकताको भावनाले कार्यक्रमलाई उत्साहजनक बनाएको आयोजकले जनाएका छन् ।

अधिवेशनले नयाँ कार्यसमिति चयन गरेको छ, जसमा अध्यक्षमा हर्क बहादुर जाग्री चयन हुनुभएको छ । उपाध्यक्षमा पूजा धामी (गुर्धामी) र आकाश धामी महत, सचिवमा तेज बहादुर गुर्धामी, सह-सचिवमा सुर्य धामी, कोषाध्यक्षमा कमल बोहरा रहनु भएको छ । त्यस्तै, सदस्यहरूमा विकाश जाग्री, नवराज धामी, रविन्द्र धामी, सुन्दर जाग्री र शुषिल धामी चयन हुनुभएको छ ।

साथै अधिवेशनले समाजको मार्गदर्शन र सल्लाहका लागि सल्लाहकार समिति गठन गरेको छ । प्रमुख सल्लाहकारमा नर बहादुर गुर्धामी चयन हुनुभएको छ भने गोविन्द बहादुर धामी, करन बहादुर गुर्धामी, भक्त बहादुर धामी, विमला रिमाल धामी, नरेश बोहरा, समुन्द्र धामी र डा. आनन्द धामी सल्लाहकारका रूपमा चयन हुनुभएको छ ।

नवगठित कार्यसमिति र सल्लाहकार समितिलाई बधाई ज्ञापन गर्दै सहभागीहरूले समाजले आगामी दिनहरूमा बझाङका युवाबीच समन्वय, सहयोग र सामाजिक रूपान्तरणको यात्रालाई अझ प्रभावकारी बनाउने विश्वास व्यक्त गरेका थिए । अधिवेशनमा बझाङका विभिन्न क्षेत्रबाट आएका युवाहरू, समाजसेवी, सल्लाहकार तथा संघसंस्थाका प्रतिनिधिहरूको उल्लेखनीय उपस्थिति रहेको थियो ।

कार्यक्रम संस्थापक अध्यक्ष करन बहादुर गुर्धामीको अध्यक्षतामा सम्पन्न भएको थियो । कार्यक्रममा देउडा कलाकार उमाशंकर जोशी र टेक बोगटीको विशेष देउडा प्रस्तुति कार्यक्रमको आकर्षणको केन्द्र बनेको थियो ।

कार्यक्रमको अन्त्यमा समाजले अधिवेशन सफल बनाउन प्रत्यक्ष वा परोक्ष रूपमा योगदान पुर्‍याउने सम्पूर्ण सहयोगीहरूलाई धन्यवाद ज्ञापन गर्दै आगामी दिनमा सामाजिक सेवाका कार्यक्रमहरूलाई निरन्तरता दिने प्रतिबद्धता व्यक्त गरेको छ ।

24/05/2025

नेसनल प्याबसन बूढानिलकण्ठको पदस्थापन कार्यक्रम सम्पन्न ।

नेसनल प्याव्सन बुढानिलकण्ठको पदस्थापन सम्पन्न भएको छ। नेसनल प्याव्सनकी रास्ट्रीय अध्यक्ष गीता राणाको प्रमुख आतिथ्यतामा भएको कार्यक्रममा नयाँ कार्यसमितिका पदाधिकारी तथा सदस्यहरुले पदस्थापन गरेका हुन्।

बुढानिलकण्ठ नगरपालिका सामाजिक विकास समितीकी संयोजक शान्ता ढकाल पुडासैनी, नेसनल प्याव्सनका पुर्व अध्यक्षहरु कर्ण बहादुर शाही, ऋतुराज सापकोटा , बरिष्ठ उपाध्यक्ष सुर्य बहादुर अधिकारी, महासचिव प्रताप थापा, सचिव तेन्जिङ्ग भुटिया , केन्द्रीय सदस्य राजेश्वर तिवारी लगायतको उपस्थितिमा भएको समरोहमा नव निर्वाचित अध्यक्ष सुदिप काफ्ले, उपाध्यक्ष सुस्मिता मैनाली र सचिव गोविन्द सिंह धामीले पदस्थापन गरेका थिए।

बुढानिलकण्ठ नगरपालिका वडा नं १० मा रहेको मिलनचोक पार्टी भेन्युमा भएको समारोहमा कोषाध्यक्ष किरण खड्का, सह कोषाध्यक्ष बेनी बहादुर खड्का , सह सचिव नारायण चौलागाई र सदस्यहरु रुकेश तामाङ ,रमेश भण्डारी र युवक तिम्सिनाको पदस्थापन भएको थियो ।

02/05/2025

नेसनल प्याब्सन काठमाडौं जिल्लाको स्कुल लिडरसिप तालिम भब्य रुपमा सम्पन्न :

नेसनल प्याब्सन काठमाडौं जिल्ला समितिले काठमाडौं , भक्तपुर र ललितपुर जिल्लाका स्कुलका प्राचार्य, सहायक प्राचार्य र स्कुल लिडरहरुको लागि बैशाख १८ गते भक्तपुरमा रहेको काठमाडौं फन भ्यालीमा एकदिने तालिम आयोजना गरेको छ । नेसनल प्याब्सन सस्थापक अध्यक्ष तथा बर्तमान कार्य समितिका अध्यक्ष गीता क्षेत्री राणा को प्रमुख आतिथ्यतामा कार्यक्रम उद्घाटन समारोह आयोजना भएको थियो ।७० बिध्यालयका १५० जना सहभागी स्कुल लिडर तालिममा बिध्यार्थीहरुलाई स्मार्ट बोर्डको प्रयोग र डिजिटल माध्यमबाट प्रभावकारी शिक्षण र सस्कार सहितको सिकाईलाई सीपसङग जोडेर शिक्षण र मुल्यान्कन गर्ने सम्बन्धमा नेसनल केन्द्रीय समितिका अध्यक्ष गीता क्षेत्री राणा, पुर्व अध्यक्ष कर्ण बहादुर शाही, आईनजी समुहका सिईओ सुलभ बुढाथोकी , स्मार्टर का सस्थापक सिईओ जित राघव , थ्री सि आर एडुकेटर प्रमुख उत्तम दाहालको प्रभावकारी प्रस्तुती रहेको थियो । तालिममा सहभागी सम्पुर्ण स्कुल लिडरहरुलाई समापन समारोहका प्रमुख अतिथि बागमती प्रदेशका स्वास्थ्य मन्त्री माननिय किरण थापा मगरले प्रमाणपत्र वितरण गर्नु भयो । कार्यक्रममा सम्बोधन गर्दै मन्त्री किरण थापा मगरले सस्थागत बिध्यालयको गुणस्तीय शिक्षण र ब्यबस्थापनको प्रशसा गर्दै सस्थागत बिध्यालय र सामुदायिक बिध्यालयको सहकार्यका लागि प्रदेश सरकारले आबश्यक बजेट ब्यबस्थापन गर्ने कुरा बताउनु भयो ।कार्यक्रममा नेसनल प्याब्सनका केन्द्रीय पदाधिकारीहरु, निबर्तमान अध्यक्ष पाण्डव हमाल, पुर्व अध्यक्ष रीतुराज सापकोटा, पुर्व अध्यक्ष कर्ण बहादुर शाही, बरिष्ठ उपाध्यक्ष सुर्य बहादुर अधिकारी, बागमती प्रदेश अध्यक्ष नारायण कुमार कार्की, जिल्ला पदाधिकारीहरु, नगर पदाधिकारीहरु र बिध्यालयका प्राचार्यहरुको उपस्थिति रहेको थियो । कार्यक्रमको सभापतित्व नेसनल प्याब्सन काठमाडौं जिल्ला अध्यक्ष होम बहादुर अधिकारी (मनोज ) ले गर्नु भएको थियो र अतिथिहरुलाई स्वागत तथा मायाको चिनो प्रदान गर्नु भयो । उक कार्यक्रम सन्चालन जिल्ला समितिका सह सचिब प्रकाश अधिकारीले गर्नु भएको थियो ।

30/04/2025

बालुवाखानी कपनको एकमात्र +2 कलेज तिरुपति सेकेन्डेरी स्कुल/कलेज र काठमाडौं विश्वविद्यालय (Kathmandu University) बीच विद्यार्थीहरुको शैक्षिक सुधार र शिक्षकहरुको क्षमता विकासको लागि कार्यक्रम सचालन गर्ने भनी सम्झौता भएको छ । उक्त सम्झौतामा तिरुपति स्कुलको तर्फबाट विद्यालयको प्रधानाध्यापक तेन्जिङ भोटिया र सचालक इन्द्रमणी दाहालले हस्ताक्षर गरेका छन भने काठमाडौं विश्वविद्यालयको तर्फबाट डिन प्रा डा बालचन्द्र लुइटेल र व्यवस्थापक शिव नाथ मैनालीले हस्ताक्षर गरेका छन । विद्यालयका प्रधानाध्यापक तेन्जिङ भोटियाका अनुसार केयु सग सहकार्य गरेपश्चात विद्यालयमा अध्ययनरत विद्यार्थीहरुको सिकाइमा नयापन आउने र शिक्षकहरु पनि नया शैक्षिक प्रणाली र विशेष गरेर पाठ्यक्रम बारे पुर्णरुपले जानकार हुने बताए । यो कार्यक्रम लागु गरे पश्चात् तिरुपति ले आगामी एक वर्ष भित्र विद्यार्थीहरुको सिकाइमा ठुलो फर्को मार्ने विश्वास लिइएको छ ।।

04/04/2025

नेशनल प्याब्सन काठमाडौं जिल्ला स्थापना पक्षको वृहत जिल्ला भेला सम्पन्न — नयाँ समिति गठन, नेतृत्वमा मनोज होमबहादुर अधिकारी

काठमाडौं, चैत २२ — नेशनल प्याब्सन काठमाडौं जिल्ला (स्थापना पक्ष) को वृहत जिल्ला भेला आज होटल रोयल एयरपोर्ट, सिनामंगलमा भव्य रूपमा सम्पन्न भएको छ।

गत फागुन १५ र १६ गते बीरगंजमा सम्पन्न आठौं केन्द्रीय महाधिवेशनपछि तत्कालीन जिल्ला समिति भंग गरिएको थियो। त्यसपछि पहिलोपटक आज सम्पन्न भेलाबाट काठमाडौं जिल्ला, बूढानीलकण्ठ नगरपालिका र काठमाडौं महानगरको नयाँ संरचना औपचारिक रूपमा गठन गरिएको हो।

भेलाबाट श्री मनोज होमबहादुर अधिकारी काठमाडौं जिल्ला कार्यसमितिको अध्यक्षमा चयन भएका छन्। उपाध्यक्षमा ईश्वर के.सी. र लक्ष्मी गुरुङ, सचिवमा लेखराज घिमिरे, सहसचिवमा प्रकाश अधिकारी, कोषाध्यक्षमा बिजय न्यौपाने, सहकोषाध्यक्षमा हेमन्त श्रेष्ठ चयन भएका छन्। सदस्यहरूमा सुरेन्द्र मगर र रामप्रसाद काफ्ले रहेका छन्।

बूढानीलकण्ठ नगरपालिका कमिटीमा अध्यक्षमा श्री सुदीप काफ्ले, उपाध्यक्षमा सुस्मिता मैनाली, सचिवमा गोबिन्द धामी, सहसचिवमा नारायण चौलागाईं, कोषाध्यक्षमा किरण खड्का, सहकोषाध्यक्षमा बेनी खड्का तथा सदस्यहरूमा रमिस अधिकारी र रुकेश लामा चयन भएका छन्।

त्यसैगरी, काठमाडौं महानगर कमिटीमा संयोजकमा निलम मणि भट्टराई, सहसंयोजकमा राजन लम्साल, सदस्यहरूमा सुस्मिता शाह मल्ल, अभिनास शाह, बिबीलाल खड्का र सबिना थापा खड्का चयन भएका छन्।

कार्यक्रममा नेशनल प्याब्सनकी केन्द्रीय अध्यक्ष माननीय गीता राणा, निवर्तमान अध्यक्ष पाण्डव हमाल, पूर्व अध्यक्षहरू कर्ण शाही र रितुराज सापकोटा, वरिष्ठ उपाध्यक्षहरू सुर्य अधिकारी र सुबोध डागी, सचिव तेन्जिङ भोटिया सहित केन्द्रीय कार्यसमितिका अन्य पदाधिकारीहरूको उल्लेखनीय उपस्थिति थियो।

कार्यक्रममा बोल्दै सचिव तेन्जिङ भोटियाले भने, “नेशनल प्याब्सन भन्नाले गीता राणाको अध्यक्षतामा रहेको संगठन नै हो। अरू कसैको अध्यक्षतामा रहेको संस्था नेशनल प्याब्सन होइन,” भनी संगठनको वैधानिकता र एकताको पक्षमा बल दिएका थिए।

वरिष्ठ उपाध्यक्ष सुबोध डागीले संगठन फुटाएर अध्यक्ष बन्ने प्रयास कुनै पनि हालतमा स्वीकार्य नहुने बताए। “संस्थागत विधि र मूल्य–मान्यताको संरक्षण हाम्रो प्राथमिकता हो,” उनले जोड दिए।

केन्द्रीय अध्यक्ष गीता राणाले महाधिवेशनबाट निर्वाचित कार्यसमिति र सबैजसो पूर्व अध्यक्षहरूको साथ आफूहरूको पक्षमा रहेको उल्लेख गर्दै भनिन्, “कसैले पनि व्यक्तिगत स्वार्थ र पदलोलुपताको कारण संगठन फुटाउने काम गर्न खोजे पनि त्यो कदापि स्वीकार्य छैन।”

उनका अनुसार स्थायीत्व, एकता र गुणस्तरीय शिक्षाको पक्षमा नेशनल प्याब्सनको नेतृत्व प्रतिबद्ध रहेको छ।

23/03/2025

यस रेम्बो टिभीका सस्थापक अध्यक्ष श्री तेन्जिङ भोटिया ल्होमी शिङ्सा युथ आईकन समानबाट सम्मानित हुनुभएकोमा हार्दिक बधाई एवम शुभकामना व्यक्त गर्दछौ ।

- रेम्बो टिभी ए परिवार

Rainbow TV

11/08/2025

06/08/2025

27/07/2025

02/07/2025

28/06/2025

24/06/2025

02/06/2025

24/05/2025

02/05/2025

30/04/2025

04/04/2025

23/03/2025

Address

Telephone

Website

Alerts

Contact The Business

Shortcuts

Share

Category