Viral Nepal, Bagbazaar, Kathmandu (2026)

17/05/2026

सैनामैनामा वडाले गर्याे रक्तदान कार्यक्रम।
रुपन्देहीको सैनामैना नगरपालिका वडा नं ५ काे आयाेजना एव बुद्धनगर खानेपानीकाे समन्वय तथा नेपाल रेडक्रस सोसाइटी को प्राविधिक सहयोगमा बुदनगर खानेपानीकाे सभाहलमा वडास्तरीय वृहत रक्तदान कार्यक्रम सम्पन्न भएको छ।
रक्तदान आइतबार बिहान ८ बजेदेखि सञ्चालन भएको वडा नं ५ का वडा अध्यक्ष धन प्रसाद पाैडेलले जानकारी दिनु भएको छ ।बढ्दो रगत अभावलाई मध्यनजर गर्दै रक्तदान कार्यक्रम आयोजना गरी रगत संकलन गरिएको अध्यक्ष पाैडेलकाे भनाइ थियाे ।
कार्यक्रममा स्थानीय युवा, समाजसेवी, विभिन्न संघसंस्था तथा सर्वसाधारणलाई रक्तदान गर्न आग्रह गरिए अनुसार धेरै जनाकाे उत्साह जनक सहभागीतामा रगत संकलन भएको बुद्धनगर खानेपानी तथा सरसफाइ उपभोक्ता समितिका अध्यक्ष राम प्रसाद भुषालले बताउनु भयाे । आयोजकका अनुसार रक्तदान जीवनदान भएकाले मानवीय सेवाको भावनासहित कार्यक्रममा सहभागी भई रगतदान गर्न सबैलाई अनुरोध गरिएको अनुसार करिब ३० युनिट रगत संकलन भएको जनएकाे छ । जिल्लाका विभिन्न अस्पतालमा हुने रगत अभाव न्यूनीकरणमा कार्यक्रमले महत्वपूर्ण सहयोग पुग्ने विश्वास लिइएको छ।

15/05/2026

सैनामैनामा सुनगाभाकाे सर्वाेकृष्ट नतिजा , ४ जना ४ जि पि ए सहित शतप्रतिशत नतिजा ।

रुपन्देहीको सैनामैना नगरपालिका ३, मुर्गियामा रहेको सुनगाभा पब्लिक स्कुलबाट ४ जना ४ जि पि ए सहित शतप्रतिशत सहित उत्कृष्ट नतिजा दिन सफल भएको छ । याे नतिजा नगरकै उत्कृष्ट नतिजा हाे । साेही अवसरमा स्कुलले ¥याली गरेको छ । स्कुलका विद्यार्थी, शिक्षक, कर्मचार, अभिभावक र सैनामैनाका स्थानीय जनताको सहभागितामा भएको ¥यालीले नगर परिक्रमा गरेको थियो । उक्त स्कुलका छात्रा कृष्टि ज्ञवाली र कृष्टिना ज्ञवाली तथा छात्र विप्लब भण्डारी र राजीव खनाल क्षत्रीले एसईई २०८२ मा चार जिपिए ल्याउन सफल भएका हुन । एसइईमा फोर जिपिए ल्याउन सफल भएकी कृष्टि ज्ञवालीले आफ्नो सफलताको पछि घर परिवार, शिक्षक, विद्यालय परिवार सवैको सहयोग रहेको बताउँदै लगनशील भएर मेहनत गरेमा उत्कृष्ट नतिजा ल्याउन सकिन्छ भन्ने आफू उदाहरण बनेको बताईन । उनले कानुन वा विज्ञान विषयमध्ये कुनै एक विषय लिएर उच्च शिक्षा अध्ययन गर्ने योजना रहेको सुनाइन । त्यसैगरी सोही स्कुलबाट फोर जिपिए ल्याउन सफल कृष्टिना ज्ञवालीले फोर जिपिए ल्याउनु सामान्य कुरा होइन भन्दै आफ्नो सफलताका पछि अभिभावक, विद्यालय र शिक्षकहरुको सहयोग रहेको बताईन । उनले विज्ञान विषय लिएर अध्ययन गर्ने बताउँदै डाक्टर बन्ने योजना रहेको सुनाइन ।
स्कुलका प्रिन्सिपल तिलब केसीले सुनगाभा पब्लिक स्कुलले १० बर्ष अगाडी २०७२ सालमै एसएलसीमा नेपाल प्रथम हुन सफल भएको बताउँदै यो भन्दा अघिल्लो बर्ष पनि एसइईमा फोर जिपिए नतिजा दिलाउन सफल भएको बताउनुभयो । उहाँले यो बर्ष चार जना विद्यार्थीले फोर जिपिए ल्याएको भन्दै आफूहरु सैनामैनामै उत्कृष्ट भएको उल्लेख गर्नुभयो । सवैको साथ र सहयोगबाटै सुनगाभाले हरेक बर्ष उत्कृष्ट नतिजा दिन सफल भएको उहाको भनाई छ । एसईई २०८२ मा सुनगाभाको चारजना विद्यार्थीको फोर जिपिएसंगै अन्य ६ जना विद्यार्थीले पनि फोर जिपिए ल्याउन सफल भएका छन । सैनामैनामा फोर जिपिए ल्याउने विद्यार्थीको संख्या १० भएको छ ।

13/05/2026

वाणगंगामा बैंकर्स क्लब गठन,
जेष्ठ १७ गते कविता कन्सर्ट हुदै ।
टिका खरेल

कपिलवस्तुको वाणगंगामा वाणगंगा बैंकर्स क्लब गठन भएको छ ।
वाणगंगामा कार्यक्षेत्र रहेको बित्तिय संस्थाहरुमा कार्यरत बैंक तथा वित्तीय संस्थाका प्रमुखहरू सदस्य रहने गरी क्लब गठन गरिएको हो ।
शोभाखर भट्टराईको अध्यक्षमा तदर्थ समिति गठन गरिएको हो । जसको उपाध्यक्षमा नविन भुसाल, सचिवमा तारा नाथ भुषाल, सह–सचिवमा प्रकाश चन्द्र कडायत तथा कोषाध्यक्षमा अरुण पौडेल सहित ११ सदस्य समिति गठन भएको हो ।
क्लब गठन संगै समितिले बिभिन्न विभिन्न सामाजिक तथा सांस्कृतिक गतिविधिलाई अघि बढाउने निर्णय समेत गरेको छ । बैठकले यही जेष्ठ १७ गते साहित्य तथा मनोरञ्जन प्रवद्र्धन गर्ने उद्देश्य सहित नवराज पराजुलीको प्रस्तुतीमा कविता कन्सर्ट आयोजना गर्ने निर्णय गरेको छ ।
उक्त कविता कन्सर्ट कपिलवस्तुको बङ्गंगा–४ स्थित पिस हिमालयन रिर्सोटमा आयोजना हुने जनाइएको छ । कार्यक्रममा प्रवेश शुल्क रु. ५००/१००० निर्धारण गरिएको छ भने कार्यक्रम दिउँसो ३ः०० बजेबाट सुरु हुने आयोजकले जनाएको छ । नवगठित क्लबले बैंक तथा वित्तीय संस्थाबीच समन्वय, सहकार्य तथा सामाजिक उत्तरदायित्वसम्बन्धी कार्यक्रम सञ्चालन गदै जाने नवगठित समितिका सचिव तारानाथ भुषालले जानकारी गराउनु भयो ।

09/05/2026

रुपन्देहीको शान्तिदिप युवा क्लब को आयोजनामा जारी प्रथम शान्तिदिप कप सैनामैना नगरस्तरीय वार्ड कप नकआउट फुटबल प्रतियोगिताको फाइनल खेल बैशाख २७ गते आइतबार हुँदैछ ।

01/05/2026

सैनामैना वडास्तरीय फुटबल प्रतियोगिताकाकाे तयारी पूरा , आईतबारबाट खेल सुरु हुँदै

सैनामैना–३, रुपन्देहीमा आयोजना हुन लागेको सैनामैना नगरपालिकास्तरीय ७–ए–साइड नकआउट फुटबल प्रतियोगिताको तयारी पूरा भएको आज पत्रकार सम्मेलन गरि आयाेजक जनाएकाे छ ।
सैनामैना वडा नं ३ मा रहेकाे शान्ति दिप क्लबकाे आयाेजनामा प्रथम शान्ति दिप कप फुटवल प्रतियोगिता भाेली देखि संचालन हुदैछ । प्रतियोगिताकाे सम्पुर्ण तयारी पूरा भएको पत्रकार सम्मेलन गरि क्लबले जानकारी गराएकाे छ । क्लबका अध्यक्ष श्री दर्लामीले सम्पुर्ण तयारी पूरा भएको र भाेलीदेखि प्रतियोगिता संचालन हुने बताउनु भयाे । यही बैशाख १९ गते देखि २७ गते सम्म सैनामैना ३ स्थित खेल मैदानमा संचालन हुने खेलकाे तालिका समेत क्लबले सार्वजनिक गरेकाे छ । विभिन्न वडाहरूको सहभागिता रहने यस प्रतियोगितालाई वडास्तरीय प्रतियोगिताका रूपमा आयोजना गर्न लागिएको हो।
स्थानीय खेलप्रेमी युवाहरूको सक्रियतामा आयोजना हुन लागेको प्रतियोगिताले नगरस्तरमै खेलकुद विकासमा महत्वपूर्ण योगदान पुर्‍याउने अपेक्षा गरिएको छ।
प्रतियोगिताकाे बिजेताले नगद ३० हजार, कप र प्रमाण पत्र पाउने छन भने उपविजेताले नगद २० हजार, कप र प्रमाण पत्र हासिल गर्ने आयाेजकले पत्रकार सम्मेलन मार्फत जानकारी गराएकाे । प्रतियोगितामा १६ टिमले प्रतिस्पर्धा गर्दै छन ।

01/05/2026

सैनामैना वडा नं ३ मा रहेकाे शान्ति दिप क्लबकाे आयाेजनामा प्रथम शान्ति दिप कप फुटवल प्रतियोगिता भाेली देखि संचालन हुदैछ । प्रतियोगिताकाे सम्पुर्ण तयारी पूरा भएको पत्रकार सम्मेलन गरि क्लबले जानकारी गराएकाे छ । क्लबका अध्यक्ष श्री दर्लामीले सम्पुर्ण तयारी पूरा भएको र भाेलीदेखि प्रतियोगिता संचालन हुने बताउनु भयाे । यही बैशाख १९ गते देखि २७ गते सम्म सैनामैना ३ स्थित खेल मैदानमा संचालन हुने खेलकाे तालिका समेत क्लबले सार्वजनिक गरेकाे छ ।

15/04/2026

जागृति क्लबकाे सफाई अभियान मलमला देवी मन्दिरमा भयाे सरसफाई
सैनामैना । नयाँ वर्ष २०८३ को पहिलो दिनमै रूपन्देहीको सैनामैना नगरपालिका–६ स्थित मलमला देवी मन्दिर परिसरमा युवाहरूले सरसफाइ अभियान सञ्चालन गर्दै उदाहरणीय काम गरेका छन्।
“श्री नव जन जागृति युवा क्लब”को आयोजनामा सम्पन्न उक्त कार्यक्रममा स्थानीय युवाहरूको सक्रिय सहभागिता रहेको थियो। मन्दिर वरपर फैलिएको फोहोर संकलन गरी परिसरलाई सफा र स्वच्छ बनाइएको थियो। नयाँ वर्षको सुरुवात सकारात्मक सोच र सामाजिक उत्तरदायित्वसँग जोड्ने उद्देश्यले गरिएको यस अभियानले समुदायमा राम्रो सन्देश प्रवाह गरेको छ।
कार्यक्रमका अध्यक्ष तथा क्लबका अध्यक्ष सुभाष पाण्डेले नयाँ वर्षलाई केवल उत्सवका रूपमा मात्र नभई जिम्मेवारीका साथ सुरु गर्नुपर्ने बताउनुभयो। उहाँले भन्नुभयो, “हामीले नयाँ वर्षको सुरुवात समाजका लागि केही राम्रो काम गरेर गर्नुपर्छ भन्ने सोचले यो सरसफाइ अभियान सञ्चालन गरेका हौं। हाम्रो सानो प्रयासले पनि समुदायमा सकारात्मक परिवर्तन ल्याउन सक्छ भन्ने विश्वास लिएका छौं। आगामी दिनमा पनि यस्ता सामाजिक तथा जनचेतनामूलक कार्यक्रमहरूलाई निरन्तरता दिनेछौं।”
उहाँको भनाइले युवाहरूलाई सामाजिक कार्यमा प्रेरित गर्ने सन्देश दिएको छ।
कार्यक्रममा युवाहरूको उपस्थिति रहेको थियो भने स्थानीयवासीहरूले पनि अभियानको प्रशंसा गरेका छन्। यस किसिमका अभियानहरूले समुदायमा सरसफाइप्रति चेतना अभिवृद्धि गर्नुका साथै सामाजिक एकता मजबुत बनाउन टेवा पुर्‍याउने विश्वास लिइएको छ।

13/04/2026

सैनामैना रैथाने सडक खाना महोत्सव सुरु
रुपन्देहीको सैनामैनामा रैथाने परिकारको प्रवर्द्धन गर्ने उद्देश्यले आयोजना गरिएको सैनामैना रैथाने सडक खाना महोत्सव आइतबारदेखि सुरु भएको छ।
सैनामैना होटल तथा रेष्टुरेन्ट व्यवसायी संघ रुपन्देहीको आयोजनामा सैनामैना–४ मुर्गिया, लुम्बिनी रोडमा सुरु भएको तीन दिने महोत्सवको उद्घाटन समारोहमा स्थानीय दर्शकहरुको उल्लेखनीय उपस्थिति रहेको थियो।

महोत्सवको अवसरमा ख्यातिप्राप्त लोक तथा दोहोरी गायक श्याम राना, उज्ज्वल गिरी तथा नृत्य कलाकार शान्ता काफ्लेलगायत कलाकारहरुको आकर्षक सांगीतिक तथा नृत्य प्रस्तुति रहेको थियो, जसले दर्शकलाई थप मनोरञ्जन प्रदान गरेको थियो।
महोत्सवको शुभारम्भ दुर्गा मन्दिरबाट सुरु भएको र्यालीसहित गरिएको थियो। उक्त र्याली विभिन्न स्थान परिक्रमा गर्दै बुद्धचोकमा पुगेर समापन भएको थियो। तीन दिनसम्म सञ्चालन हुने महोत्सवमा विभिन्न रैथाने खानाका परिकार, सांस्कृतिक प्रस्तुति तथा मनोरञ्जनात्मक कार्यक्रमहरु रहने आयोजकले जनाएको छ।
दोस्रो दिनको कार्यक्रममा र्‍यापर भिओमा, लोक तथा दोहोरी गायिका सम्झना भण्डारी, चक्रब्यान्ड लगायतको विशेष प्रस्तुतिसँगै स्थानीय प्रतिभाहरूको पनि थुप्रै कार्यक्रम रहेको आयोजकले जनाएको छ

19/02/2026

रास्वपाले गर्यो सैनामैनामा घरदैलो
गाउ गाउमा मतदाता भेट्दै खरेल
फागुन ०७
सैनामैना
रास्वपाका रुपन्देही क्षेत्र नं २ का उम्मेदवार शुलभ खरेलले आज सैनामैनामा घरदैलो कार्यक्रम गरेका छन । सैनामैनाका वडा नं १ र २ मा आज घरदैलो तथा मतदाता भेटघाट गरेका हुन । घरदैलोको क्रममा उनले जनताको गुनासो तथा मागका बिषयमा केन्द्रित भएका थिए ।
पुराना दलको नेताहरु देश बिकास गर्न नसकेको र यूवाको सोच अनुसार अगाडी बढ्न नसकेको अवस्थाबाट मुक्त गराउनको लागी नै रास्वपाको उम्मेदवारी रहेको खरेलको भनाई थियो ।
देशलाई भ्रष्टचारमुक्त बनाउन र यूवा पुस्तालाई नेपालमै बस्ने बातावरण बनाउनको लागी रास्वपाको नेता बालेन शाहको नेतृत्वमा सरकार बनाउन आवश्यक रहेकोले यस पटक रास्वपालाई स्पष्ट बहुमत सहितको सरकार बनाउनका लागी देशभरीबाट नै घण्टी चिन्हमा मतदान गरी रास्वपामा उम्मेदवारलाई जिताउनको लागी मतदातालाई खरेलले अनुरोध गरेका थिए ।
बिगत ३० बर्षदेखी देशमा पुरानै पार्टीले जिद्दै आएको र देशको र जनताको अवस्थामा कुनै परिर्वतन नभएकोले पनि देश र आम जनताको परिर्वतनका लागी भए पनि यसपालि यूवालाई अगाडी सारेर एक पटक काम गर्ने अवसर दिन समेत उनको आग्रह थियो ।
अब देश बिकास गर्ने र यूवा पुस्ताको भबिष्यको लागी रास्वपाको बिकल्प नभएकोले घण्टी चिन्हमा मतदान गरी यूवापुस्ताको हातमा नेतृत्व दिन समेत उनको आम जनसमुदायमा आग्रह थियो ।

18/02/2026

नेकपा एमालेकाे तर्फबाट रुपन्देही क्षेत्र नं ५ बाट यूवा उम्मेदवार खिमलाल भट्टराई यति बेला चुनाबी मैदानमा छन । भट्टराई नेकपा एमालेकाे पुर्व राष्ट्रिय सभाका सचेचक समेत हुन । उनी जनताले रुचाईएका उम्मेदवार समेत हुन ।

Viral Nepal

17/05/2026

15/05/2026

13/05/2026

09/05/2026

01/05/2026

01/05/2026

15/04/2026

13/04/2026

19/02/2026

18/02/2026

Address

Telephone

Website

Alerts

Shortcuts

Share

Category