14/09/2025
पत्रकार Roshan Shrestha लेख्नुहुन्छ " आज दर्जनौं अधिवक्ता, कानुनका विद्यार्थी, पत्रकार र बुद्धिजीवीसँग छलफलपछि म यो निष्कर्षमा पुगेँ कि जेन्जीहरूले पवित्र उद्देश्यका साथ सुरु गरेको आन्दोलन सेप्टेम्बर ८ तारिख दिउँसो करिब १–२ बजेदेखि नै हाइज्याक भएको रहेछ । त्यसपछि यो आन्दोलन वास्तविक जेन्जीहरूको नियन्त्रणबाट बाहिर गयो र अहिलेसम्मको अवस्था हेर्दा आन्दोलन तुहिएको स्पष्ट देखिन्छ । संविधानमै प्रत्यक्ष कार्यकारिणीको व्यवस्था गर्न कुनै लुपहोल नभएकाले अन्तरिम सरकार ६ महिना वा बढीमा १ वर्ष चल्ने र त्यसपछि हुने चुनावमा फेरि पुरानै शक्तिको हातमा सत्ता जाने निश्चित छ । संसद विघटन मात्र माग गर्ने गलत रणनीतिले आन्दोलनलाई नै कमजोर बनायो, जसले राष्ट्रिय सभामा उनीहरूकै नियन्त्रण भएकाले संविधान संशोधन सम्भव नभएको तथ्यलाई बेवास्ता गर्यो । अब हजारौं निर्दोष जेन्जीहरूले यसको मूल्य चुकाउनु पर्ने अवस्था आएको छ । अझै पनि ढिलो भएको छैन—नेतृत्वले आँखा खोली, सही सल्लाह लिएर देश र आन्दोलन दुबैलाई बचाउन जरुरी छ, नत्र यो बलिदान खेर जानेछ । 🙏"
