19/11/2025
🚨 महत्वपूर्ण सूचना
नेपाल प्रिमियर लिग (NPL) हेर्नका लागि मैदानमा उपस्थित हुने प्रिय दर्शकज्यूहरू,
हाल खेलका क्रममा धेरै फ्यानहरूले खुसी, उत्साह र समर्थन व्यक्त गर्ने क्रममा कुर्सीमाथि चढ्ने, उफ्रिने तथा नाच्ने गरेको पाइएको छ।
दर्शकको उत्साहलाई हामी सम्पूर्ण सम्मान गर्छौं, तर कुर्सीमाथि चढेर उफ्रिनु वा नाच्नु अत्यन्त जोखिमपूर्ण हुन्छ। यस्तो कार्यले:
कुर्सी चाँडै भाँचिन सक्ने,
छेउछाउका दर्शकलाई चोटपटक लाग्न सक्ने,
मैदानको सामग्री तथा सम्पत्तिमा क्षति पुग्न सक्ने,
सबैको सुरक्षामा गम्भीर समस्या पैदा गर्न सक्ने सम्भावना हुन्छ।
त्यसैले कृपया यस्ता गतिविधि नगर्नुहोस्।
खेल हेर्ने क्रममा बसेर, मर्यादित र सुरक्षित तरिकाले मात्र आफ्नो समर्थन प्रकट गर्न अनुरोध गर्दछौं।
हाम्रा साना–ठूला सबै दर्शकको सुरक्षा, अनुशासन र सुविधा हाम्रो पहिलो प्राथमिकता हो। तपाईंको सानो सहकार्यले स्टेडियमको वातावरण अझै व्यवस्थित, सुरक्षित र रमाइलो बन्नेछ।
आफू सुरक्षित रहौं, अरूलाई पनि सुरक्षित राखौं।
NPL लाई सफल, सुव्यवस्थित र अनुशासित बनाउन सबैलाई हार्दिक धन्यवाद।
CANF - परिवार 🇳🇵
