19/08/2026
कर्णाली प्रदेशका मुख्यमन्त्री मङ्गलबहादुर शाहीले आज प्रदेशसभाबाट विश्वासको मत लिने भएका छन्। प्रदेशसभाको आज बस्ने बैठकमा मुख्यमन्त्री शाहीले विश्वासको मत लिने कार्यसूची रहेको छ।
नेकपा (एमाले) को समर्थनमा गत साउन १२ गते मुख्यमन्त्री नियुक्त भएका शाहीले सोमबार प्रदेशसभा सचिवालयमा विश्वासको मतसम्बन्धी पत्र दर्ता गराएका थिए। मन्त्रिपरिषद् विस्तार हुन नसक्दा हाल मुख्यमन्त्री शाही नेतृत्वको सरकारमा उनी एक्लै छन्।
नेकपा र एमालेबीच मन्त्रालय बाँडफाँटमा सहमति जुट्न समय लागेकाले मन्त्रिपरिषद् विस्तारमा ढिलाइ भएको हो। मुख्यमन्त्री शाहीले विश्वासको मत लिएलगत्तै मन्त्रिपरिषद् विस्तार गर्ने तयारी भइरहेको बताएका छन्।
४० सदस्यीय कर्णाली प्रदेशसभामा नेकपाका १४ र एमालेका १० सांसद छन्। दुई दलका गरी २४ सांसद रहेकाले मुख्यमन्त्री शाहीले विश्वासको मत पाउने अवस्था देखिएको छ। सरकारलाई विश्वासको मत दिलाउन सत्ता गठबन्धनका दुई दलबीच छलफल भइरहेको जनाइएको छ।
#कर्णाली #कर्णालीप्रदेश #मङ्गलबहादुरशाही #विश्वासकोमत #प्रदेशसभा #नेपालसमाचार
