10/07/2026
सूर्योदय नगरपालिकाको कन्याममा हालै संचालनमा आएको Kanyam Village Safari को नगरका नगरप्रमुख दुर्गा कुमार बरालबाट शुभारम्भ भएको छ ।
पर्यटन मार्फत कन्यामको भञ्ज्याङ र गाउँहरू जोड्ने उद्देश्यले कन्याममा होटल गरिरहेका ब्यवसायीहरूको समुहले कन्याम भिलेज सफारी बनाई शुरू गरेका हुन । कन्यामको लभडाँडा मात्रै हेरेर फिर्ने पर्यटकले रोपनीमा फैलिएको कन्याम चिया बगानको अपार सौन्दर्य र यस सँगै जोडिएका दशौं गाँउहरूको सौन्दर्य हेर्न पाउने अवसर सफारी मार्फत प्राप्त गर्ने छन । साथै गाउँको उत्पादन पर्यटकले गाउँ बाटै खरिद गर्न सक्ने छन । हाल कन्यामको हुरहुरे भञज्याङ बाट गुम्बाटोल ग्यावक चोक तिनधुरे डुँडेगैह्रा हुँदै कन्याम सम्मको सफारी यात्रा मात्र रू ५००/- प्रति ब्यक्तिमा गराउने कन्याम सफारीले जनाएको छ ।
सूर्योदय नगरपालिकाका ७० बर्ष पूरा भएका सबै नागरिक र कन्याम चिया बगानका सम्पुर्ण मजदुर हरूलाई निशुल्क सफारी गराईने संचालक मध्येका जीवन प्रधानले बताउनु भयो । साथै सूर्योदय नगरपालिका भित्रका सबै बिद्यालयका बिद्यार्थीहरूलाई ३०% छुट को ब्यवस्था रहेको छ।
सफारीले बिस्तारै सूर्योदय नगर पालिकाको वडा नं ६, ७र ८ का मुख्य पर्यटकिय स्थानहरू निर्माणाधिन शिशाको पुल अनि गोगने पोखरी आदि क्षेत्रमा पर्यटकलाई पुर्याउने लक्ष्य राखेको छ ।
