03/09/2024
४६ साल पछिको गणतान्त्रिक नेपालमा हरेक जातजातीको आफ्नै सांस्कृतिक नृत्यहरू, गीतहरू र गाजा बाजाहरू जो झण्डै बिलुप्त हुन लागेको थियो कस्तो राम्रो तरिकाले फस्टाएको छ । र बालक, युवा सबैले सिकेर कस्तो भब्य बनेको छ । तर हिन्दुहरूको एउटा नहुँदो लोभ ‘देशलाई धर्म निरपेक्ष नमानेर हिन्दु राष्ट बनाउने लोभ’ले आफ्नो भएको संस्कार र संकृतिहरू खत्तम नै पारिसकेको अवस्था छ । त्यसमा सबैभन्दा बिगारेको चै तिज नै हो । निकै ठूलाठूला संचारकर्मीहरूले पनि जब तीजको नाममा अश्लीलताले भरिभराउ गीतहरू बजारभरी मौलाउन थाले अनि आत्तिएर ‘तिजको लहर आयो बरिलै’ यो हो नि तीजको गीत भन्दै समाचार बनाएर हौवा फैलाई रहेको देख्छु । तर वास्तवमा त्यो पनि तीजको गीत होइन, त्यो फ्लिममा तीज पारेर प्रयोग गरिएको गीत हो ।
तीजमा सँगिनी गाउने हो र सँगिनी नै नाच्ने हो । र तीज हिन्दु नारीहरूको महान चाड हो । सबै नेपाली नारीहरूको होइन । र अर्काको संस्कृतिलाई बुझेर मनाउनु हुन्छ भने रोकटोक हुन्न तर बिगारी दिने अधिकार कसैको हुन्न । यदि कुनै हिन्दु आएर हामी लिम्बु, मगर, गुरूङ तामाङ, राई, थारू, झागर लगायतका साँस्कृतिक नृत्यमा आएर मनपरी उफ्रिनु त तपाईंको के हस्र हुन्छ वा पार्छौ ? साकेला नाच्दै गरेको बिचमा पसेर ‘पोइल जान पाम वा बिच्च बिच्चमा’ भन्दै उफ्रि हेर्नु होस् त ! ढोल बजाउनेले तपाईंको टाउकोमा बजाउन थाल्छन् र झ्याम्टा तपाईंको गालामा बज्छ ! तर तपाईंको एउटा हुँदै नहुने लोभले तपाईको संस्कृतिमाथि बलत्कार भएको छ, कसरी सहनु भाको ? म छक्क छु । यदी अझै पनि तपाईंको मनमा आफ्नो संस्कार र संस्कृतिमाथि अलिकति पनि सम्मान बाँकी छ भने केही बिग्रेको छैन । एउटा तिज नमान्नुहोस् तर देशको कुनाकाप्चामा अझैं बाँकी होला बुढी आमैहरूसँग संगिनीको बिउँ, गएर गाउन र नाच्न सिक्नु होस् । (किनकी सँगिनी पनि एउटा भन्दै नियम, लय र मिटर हुन्छ मनपरी गाउन पाइन्न ) अनि त्यसलाई साहित्यकारले लेख्नुहोस् । कलाकारले नाँच्नुहोस् र संचारकर्मी साथीहरूले ब्यापक बनाउनु होस् ।
किनकी नेपालको सयौँ थुङ्गा फूलहरू मध्ये एक थुङ्गा फूल हो सँगिनी, त्यो मात्र ओइलायो वा कुहियो भने पनि पुरै माला कुरूप देखिन्छ । मेरो त सानो अनुरोध मात्र हो आगे हजुरहरूको जे बिचार !
https://nepalmamila.com/society/75881?fbclid=IwZXh0bgNhZW0CMTEAAR1nT1bUhDAcOizzqRpXwoo18Jw1tmTQ6SXl1gHpSt51-He0QjBmOxMSlGA_aem_8NZ_uV0Fk7LZ2NPMyh8PVg
तीजको मौका पारेर मेरा हिन्दु साहित्यकार, कलाकर र संचारकर्मी साथीहरूमा केही बिन्ती चडाउन मन लागेको ३/४ बर्ष भो । आज...
