Lekha Khabar, Aananda Bhairab Marg Bhagwatibahal, Kathmandu (2026)

17/10/2026

जनआस्था साप्ताहिकका प्रधानसम्पादक किशोर श्रेष्ठ र राष्ट्रिय स्वतन्त्र पार्टी (रास्वपा) का केन्द्रीय सदस्य हिमेश पन्तलाई नेपाल प्रहरीको साइबर ब्युरोले झिकाएको छ।

समाचारको विषयलाई लिएर हिजो रास्वपा नेता हिमेश पन्तले पत्रकार श्रेष्ठविरुद्ध ब्युरोमा ठाडो निवेदन दिएका थिए भने पत्रकार श्रेष्ठले पनि पन्तविरुद्ध निवेदन दिएका थिए। दुवै पक्षबाट उजुरी परेपछि प्रहरीले आज श्रेष्ठलाई नख्खुस्थित निवासबाटै ब्युरो ल्याएको छ भने पन्तलाई पनि उपस्थित गराई दुवैलाई सँगै राखेर छलफल गराउने तयारी भइरहेको छ।

यसअघि पनि साउन २७ गते काठमाडौं प्रहरी परिसरले पत्रकार श्रेष्ठलाई नियन्त्रणमा लिएको थियो। तर, सर्वोच्च अदालतले बन्दीप्रत्यक्षीकरण रिटमा थुनामुक्त गरी अनुसन्धान गर्न परमादेश जारी गरेपछि उनी भदौ १ गते हिरासतमुक्त भएका थिए।

17/10/2026

बडादसैँको शुभकामना दिँदै प्रधानमन्त्री बालेन शाह फेसबुकमा लेख्छन् - "आदरणीय आमाबुवा, दिदीबहिनी तथा दाजुभाइहरू,

तपाईं-हाम्रो घरआँगनमा नेपालीहरूको महान् चाड बडादसैँले प्रवेश गरिसकेको छ। आज सप्तमी तिथि अर्थात् फूलपाती, दशमी तिथि अर्थात् विजया दशमीको दिन टीका ग्रहण गर्ने मुख्य दिन रहे तापनि नवरात्रको सुरुवात विधिपूर्वक घटस्थापना गरेर यसअघि नै भइसकेको छ। सर्वप्रथम, म यस पावन उत्सवको अवसरमा सम्पूर्णमा हार्दिक मङ्गलमय शुभकामना व्यक्त गर्न चाहन्छु। विश्वभर छरिएर रहेको नेपाली समुदायलाई एकताबद्ध गर्ने चाडका रूपमा रहेको बडादसैँले हरेक घरमा उत्सव र उमङ्ग ल्याओस्।

नेपाली समाजमा सदियौँदेखि दसैँको विशेष महत्त्व रहिआएको छ। धार्मिक, सामाजिक तथा सांस्कृतिक दृष्टिकोणले महत्त्वपूर्ण चाडका रूपमा रहेको दसैँ एकता, आत्मीयता र भलाकुसारीको सङ्गमका रूपमा नेपालीमाझ स्थापित रहेको छ। बडाको हातबाट टीका र जमरा ग्रहण गरेर आशीर्वाद थाप्ने परम्परा सानालाई माया र ठूलालाई आदर गर्ने हाम्रो मौलिक परम्पराको प्रतिबिम्बसमेत हो।

देशभित्रका विभिन्न स्थानहरूबाट मात्र होइन, देशबाहिरबाट समेत आफ्नो घरआँगनमा फर्कने, आफ्ना परिवार र आत्मीयजनहरूसँग भलाकुसारी गर्ने, खानपान गर्ने र रमाइलो गर्ने अवसरका रूपमा दसैँ युगौँदेखि परिचित छ। मानौँ, दसैँको माहोलको आकाश नै अलग हुन्छ, धर्तीको सुगन्ध छुट्टै हुन्छ अनि वातावरण त्यसै-त्यसै उल्लासमय र उमङ्गले भरिपूर्ण हुन्छ। यस अवसरमा सबैभन्दा लामो सार्वजनिक बिदा छुट्याइने भएकाले पनि होला, दसैँ निस्फिक्री रमाउने चाडका रूपमा रहँदै आएको छ। स-साना बाबुनानीहरूका लागि त झनै विद्यालय बिदा भएपछि खाने, खेल्ने र नयाँ-नयाँ लुगा लगाएर मामाघर जानेजस्ता फुरुङ्ग पार्ने गतिविधिले अर्कै उत्साह ल्याउने गर्दछ र त्यसले पनि वातावरणलाई थप पुलकित पार्ने गर्दछ। आर्थिक गतिविधिका हिसाबले समेत बडादसैँ नेपालीहरूमाझ सबैभन्दा चलायमान पर्वका रूपमा रहेको छ।

हामी नेपालीहरूले विभिन्न विषम र सङ्कटपूर्ण परिस्थितिहरूबाट गुज्रँदै पनि चाडपर्वका अवसरहरूमा धार्मिक, सांस्कृतिक तथा सामाजिक मूल्यमान्यता र मौलिकताको जगेर्ना गर्दै अविच्छिन्न रूपमा चाडपर्व मनाउँदै आएका छौँ।

कुनै बेला विनाशकारी भूकम्पले थलिएको अवस्थामा पनि, अनि कुनै बेला कोभिडजस्तो महामारीको बीचमा पनि दसैँ आयो र गयो। अघिल्लो वर्ष जेनजी आन्दोलन र त्यसपछिको तनावपूर्ण परिस्थितिको केही समयमै हामीमाझ दसैँ आयो। हामीले आफ्नो रीतिथिति र परम्पराअनुसार मनायौँ। यो वर्ष पनि रसुवा, नुवाकोट, गोरखालगायतका ठाउँहरूमा भएका प्रलयकारी विनाशको शोक आलो रहँदै दसैँ आइपुगेको छ। ज्यान गुमाउनुभएकाहरूको चिरात्माको शान्ति तथा घाइतेहरूको शीघ्र स्वास्थ्यलाभको कामना गर्न चाहन्छु। सिङ्गो देशका तर्फबाट शोकसन्तप्त परिवारहरूप्रति गहिरो समवेदना व्यक्त गर्दछु। सरकारले तदारुकताका साथ विस्थापित नागरिकहरूको पुनःस्थापनातर्फ काम गरिरहेको छ भन्ने जानकारी पनि गराउन चाहन्छु।

असत्यमाथि सत्यको विजयको प्रतीकका रूपमा पनि दसैँ मनाइने गरिन्छ। आसुरी प्रवृत्तिमाथि दैवी विजयको धार्मिक मान्यता बोकेको दसैँको अवसरमा म सम्पूर्ण नेपालीहरूमा सत्यको बाटोमा हिँड्ने अभिप्रेरणा मिलोस्, सामाजिक रूपमा आसुरी प्रवृत्तिको पराजय होस् र आत्मिक रूपमा हामी हरेकले आफूभित्रको महिषासुर र रावणलाई चिन्न सकौँ तथा तिनमाथि विजय प्राप्त गर्न सकौँ भन्ने शुभभाव व्यक्त गर्न चाहन्छु।

मानव दुःखका प्रमुख कारणका रूपमा रहेका काम, क्रोध, लोभ, ईर्ष्या र अहङ्कारमाथि विजय प्राप्त गर्न सकौँ भन्ने शुभकामना पनि व्यक्त गर्न चाहन्छु।
पारिवारिक मिलन र आफन्तजनको सामीप्यमा हर्षोल्लासका साथ मनाइनुपर्ने चाडपर्वहरू हिजोआज रित्ता र उजाडिँदै गएका गाउँका घरआँगनहरूमा निरस देखिँदै गइरहेको तीतो यथार्थलाई पनि यतिबेला म स्मरण गर्न चाहन्छु।

हरेक दिन बाध्यताले विदेशिनुपर्ने दाजुभाइ तथा दिदीबहिनीहरूको पीडा र चाडपर्वका अवसरमा पारिवारिक मिलनका लागि घर फर्कने चाहना हुँदाहुँदै पनि फर्कन नपाई परदेशमा रित्तो निधार लिएर बस्न बाध्य हुनुपर्ने लाखौँ नेपाली दिदीबहिनी तथा दाजुभाइहरूको नियति बदल्न हामी सबैको हातेमालोबाट सम्भव छ भन्नेमा दृढ विश्वास व्यक्त गर्दै सरकार देशको समृद्धि र आमनागरिकको सुखद जीविकाप्रति प्रतिबद्ध रहँदै अगाडि बढिरहेको छ भन्नेमा आश्वस्त पार्न चाहन्छु।
आर्थिक रूपमा हरेक नागरिकको सम्पन्नताले नै चाडपर्वहरूको रौनक अझै थपिन्छ। आर्थिक कारणले नै दसैँजस्तो महान् पर्व कसैका लागि बोझ बन्नु हुँदैन भन्नेमा हामी सचेत छौँ। आर्थिक सम्पन्नताको बाटोमा यथोचित पाइला अघि बढाउँदै देशलाई सुशासनको मार्गमा हिँडाउन वर्तमान सरकार अहोरात्र खटिइरहेको जानकारी पनि गराउन चाहन्छु।

दसैँको अन्तर्यमा रहेको सत्यको विजयलाई आत्मसात् गर्दै सत्यको बाटोमा र सुशासनको बाटोमा हिँड्न माता दुर्गाभवानीको सत्प्रेरणा र कृपा हामी सबैमा सदैव परिरहोस् भन्ने शुभेच्छासहित सबै जनामा बडादसैँको सुअवसरमा आरोग्य, सुख, शान्ति र समृद्धिको हार्दिक शुभकामना व्यक्त गर्दछु। सभ्य र भव्य रूपमा दसैँ मनाऔँ।

माता दुर्गाभवानीले हामी सबैको रक्षा गरून्।
सबैको जय होस्।"

16/10/2026

नेपाल प्रिमियर लिग (NPL) का लागि ठूलो सफलता: आईसीसीबाट पाएको छ आधिकारिक T20 मान्यता!

नेपाल क्रिकेट संघ (क्यान) ले शुक्रबार प्रेस विज्ञप्ति जारी गर्दै नेपाल प्रिमियर लिग (NPL) ले अन्तर्राष्ट्रिय क्रिकेट परिषद् (ICC) बाट आधिकारिक टी-२० मान्यता पाएको जानकारी गराएको छ।

यो मान्यतासँगै यसअघि कायम रहेको एक टोलीमा टेस्ट राष्ट्रका बढीमा ४ जना खेलाडी मात्र राख्न पाइने कोटा प्रणाली खारेज भएको छ। अब एनपीएलका फ्रेन्चाइजहरूले निर्वाध रूपमा चाहेजति विदेशी खेलाडीहरू अनुबन्ध गर्न पाउनेछन्। कोटा प्रणाली हटेसँगै अब विश्वका चर्चित र प्रभावशाली टी-२० स्टारहरू एनपीएलको मैदानमा देखिने बाटो खुलेको छ भने यसले प्रतियोगिताको साख, व्यावसायिकता र ब्रान्ड भ्यालुलाई नयाँ उचाइमा पुर्‍याउनेछ।

नेपालमा आउने विदेशी स्टार खेलाडीहरूमध्ये तपाईं कुन खेलाडीलाई NPL मा खेलेको हेर्न चाहनुहुन्छ?

16/10/2026

नेपाली क्रिकेटका लागि ऐतिहासिक क्षण: पहिलोपटक 'ICC Asia Conference' नेपालमा आयोजना हुने!

नेपाल क्रिकेट संघ (क्यान) र अन्तर्राष्ट्रिय क्रिकेट परिषद् (ICC) को संयुक्त आयोजनामा आगामी नोभेम्बर १९ देखि २१ सम्म 'ICC एशिया कन्फरेन्स २०२६' नेपालमा हुने भएको छ।

सम्मेलनका मुख्य आकर्षणहरू:

ग्लोबल प्रतिनिधिहरूको जमघट: एशियाका टेस्ट खेल्ने र एसोसिएट राष्ट्रका प्रतिनिधिहरूसँगै विश्व क्रिकेट समुदायका प्रमुख व्यक्तिहरूको सहभागिता रहनेछ।

क्रिकेट विकासमा छलफल: क्षेत्रमा क्रिकेटको प्रवर्धन, विकास र क्षेत्रीय सहकार्य सुदृढ गर्ने विषयमा विस्तृत छलफल हुनेछ।

खेलकुद पर्यटन (Sports Tourism): यो ऐतिहासिक आयोजनाले अन्तर्राष्ट्रिय मञ्चमा नेपालको छवि उच्च बनाउनुका साथै पर्यटन प्रवर्धनमा ठूलो सहयोग पुग्ने विश्वास लिइएको छ।

NPL को प्रत्यक्ष अनुभव: नेपाल आउने विदेशी प्रतिनिधिहरूले सिद्धार्थ बैंक नेपाल प्रिमियर लिग (NPL III) को एलिमिनेटर र फाइनल खेल रंगशालामै पुगेर प्रत्यक्ष अवलोकन गर्नेछन्।

16/10/2026

मन्त्रिपरिषद्का १३ निर्णय: बाढीपहिरो प्रभावित क्षेत्र ‘संकटग्रस्त’ घोषित, पीडितलाई मासिक रु. १५ हजारसम्म राहत र गहुँको नयाँ मूल्य निर्धारण!

पूरा समाचार कमेन्टमा

16/10/2026

नेपालमा सडक भासिने र पुल बगाउने समस्यालाई इलोन मस्कको नयाँ प्रविधिको जवाफ?

इलेक्ट्रिक कार निर्माता कम्पनी 'टेस्ला' (Tesla) ले आफ्नो नयाँ पुस्ताको 'रोडस्टर' (Roadster) सार्वजनिक गर्दै सवारी प्रविधिमा नयाँ बहस छेडेको छ। कम्पनीका प्रमुख इलोन मस्कले प्रस्तुत गरेका विशेषताहरू अटोमोबाइल दुनियाँमा अचम्म मानिएका छन्।

अटो जगतलाई चकित पार्ने टेस्लाका दाबीहरू:

- अभूतपूर्व गति: मात्र ०.८१ सेकेन्डमा ० देखि १०० किमी/घण्टाको गति लिने क्षमता।

- अन्तरिक्ष प्रविधि: स्पेस-एक्स (SpaceX) थ्रस्टरको मद्दतले कार भुइँबाट केही बेर हावामा उड्न वा फड्को मार्न सक्ने।

- सक्सन प्रविधि: गाडीलाई उल्टो (Upside down) समेत गुडाउन सकिने।

हाम्रो देशमा वर्षायाममा पुल भासिने र बाटो थुनिने समस्या बारम्बार दोहोरिइरहँदा यस्ता प्रविधिले कौतूहलता बढाएका छन्। यद्यपि, यी दाबीहरू कत्तिको व्यावहारिक छन् भन्ने कुरा सन् २०२८ मा उत्पादन सुरु भएपछि मात्रै स्पष्ट हुनेछ।

16/10/2026

काठमाडौँ उपत्यकाबासीका लागि काठमाडौँ महानगरपालिकाले एउटा महत्त्वपूर्ण नागरिक सूचना जारी गरेको छ। आगामी कात्तिक १ गतेदेखि ४ गतेसम्म उपत्यकाको फोहोर व्यवस्थापन कार्य प्रभावित हुने भएको छ।

महानगरपालिका वातावरण व्यवस्थापन विभागका अनुसार उल्लिखित दिनहरूमा नेपालीहरूको महान् पर्व दसैँका मुख्य दिनहरू पर्ने भएकाले सरसफाइ कर्मचारीहरू पनि पर्व मनाउन जाने हुँदा बञ्चरेडाँडास्थित अन्तिम फोहोर व्यवस्थापनस्थलमा फोहोर लैजाने र व्यवस्थापन गर्ने कार्य प्रभावित हुनेछ।

वातावरण व्यवस्थापन विभागकी प्रमुख सरिता राईले यी ४ दिनमा आफ्नो घर, कार्यालय तथा व्यवसायबाट उत्पादन हुने फोहोरलाई कुहिने र नकुहिने गरी छुट्टाछुट्टै वर्गीकरण गरेर आफ्नै घर वा कम्पाउन्डभित्र सुरक्षित रूपमा राख्न सबै उपत्यकाबासीलाई अनुरोध गरेकी छन्।

जथाभावी रूपमा सडक, गल्ली वा सार्वजनिक स्थानमा फोहोर नफ्याँक्न आग्रह गर्दै महानगरले कात्तिक ४ गतेपछि भने नियमित रूपमा फोहोर उठाइने र व्यवस्थापन गरिने जनाएको छ।

16/10/2026

मोरङको रतुवामाई नगरपालिकामा गाँजा तस्करहरूलाई पक्राउ गर्न प्रहरीले गोली चलाएको छ। तस्करी रोक्ने क्रममा प्रहरीको गोली लागेर एक भारतीय नागरिक घाइते भएका छन् भने दुई जना पक्राउ परेका छन्।

मोरङ प्रहरीका अनुसार रतुवामाई - ५ गोबिन्दपुरस्थित बक्रा खोला बगर क्षेत्रमा केही दिनअघि पनि ठुलो मात्रामा गाँजा बरामद भएको थियो। सोही स्थानमा पुनः गाँजाको अवैध कारोबार हुन सक्ने विशेष सूचनाका आधारमा इलाका प्रहरी कार्यालय सिजुवाबाट खटिएको गस्ती टोलीले बिहीबार राति तस्करहरूलाई फेला पारेको थियो।

राति करिब ९:२५ बजे भारी परिमाणमा गाँजा बोकेर भारततर्फ जाँदै गरेका मानिसहरूसँग प्रहरीको जम्काभेट भएको थियो। प्रहरीले नियन्त्रणमा लिन खोज्दा तस्करहरू भाग्न खोजेपछि स्थिति नियन्त्रणमा लिन प्रहरीले एक राउन्ड हवाई फायर गरेको थियो।

हवाई फायर गर्दा पनि तस्करहरू नरोकिएपछि प्रहरीले पुनः चलाएको गोली भारतको अररिया जिल्ला जोगबनीका ३९ वर्षीय प्रमोद चौधरीको देब्रे खुट्टाको पिँडुलामा लागेको छ। गोली लागेर घाइते भएका चौधरी र उनीसँगै रहेका भारतकै महगामा ग्राम पञ्चायतका ५० वर्षीय राजेन्द्रप्रसाद यादवलाई प्रहरीले पक्राउ गरेको छ।

उनीहरूको साथबाट प्रहरीले करिब १०० किलो गाँजा पनि बरामद गरेको छ। गोली लागेर घाइते भएका चौधरीको अवस्था सामान्य रहेको र दुवैजनामाथि थप अनुसन्धान भइरहेको मोरङ प्रहरीका प्रवक्ता डीएसपी मकेन्द्रकुमार मिश्रले जानकारी दिएका छन्।

16/10/2026

चाडबाडको बेला सार्वजनिक गाडी वा भीडभाडमा हिँड्दै हुनुहुन्छ भने अति नै सचेत हुनुहोला!
सवारी साधनमा यात्रा गरिरहेका एक वृद्ध बुवाको दौरा नै काटेर पाकेटमारले थैलीमा रहेको साढे २ तोला सुन र २७ हजार भारतीय रुपैयाँ चोरेको दुखद घटना बाहिरिएको छ!
चाडपर्वको बेला गाडीहरूमा कपडा काट्ने, खल्ती र झोलाबाट सामान चोर्ने गिरोहहरू निकै सक्रिय हुन्छन्। त्यसैले यात्रा गर्दा नगद र गहनाको विशेष ख्याल राखौँ, अन्यथा क्षणभरमै पाकेटमारको सिकार बन्नुपर्ला!

Lekha Khabar

17/10/2026

17/10/2026

16/10/2026

16/10/2026

16/10/2026

16/10/2026

16/10/2026

16/10/2026

16/10/2026

Address

Website

Alerts

Shortcuts

Share

Category

Listing takedown request