13/07/2026
~अक्षरका भानु~
---------------------------
चटक्क दौरा सुरुवाल,
त्यसमाथि पटुकी ।
आदिका हातमा रामायण,
शिरमा बिर्के टोपी ।।
लयबद्ध भाषा शैली,
मुखरविन्दमा झुन्डिने ।
गाउँ गाउँ सिकाई काव्य,
घरघर पुग्दै गुञ्जिने ।।
जनजन र मनमनमा,
हुँदैन कहिल्यै विस्मृति ।।
शब्द बनेर बाँचेका छन्,
तिम्रा अमर ती कृति ।।
घाँसीबाट सिक्यौ जीवन,
श्रमको अनुपम मूल्य ।
साधारणमा असाधारण देख्ने,
त्यही बन्यो तिम्रो मूल मर्म ।।
शब्द तिम्रा श्वास बनेका,
भाव तिम्रा अमृतधार।
युग बदलिए पनि मेटिँदैन,
तिम्रो सिर्जनाको संसार ।।
जबसम्म हिमाल अटल रहन्छ,
जबसम्म बग्छन् यी खोला।
तबसम्म नेपाली हृदयभित्र,
गुञ्जिरहने तिमी नै हाेला ।।
तिमी केवल एक कवि होइनौ,
भाषाको अमर अभियान ।
नेपाली आत्माको उज्यालो,
हाम्रा आदिकवि भानु महान् ।।
तिम्रा अक्षर दीप बनेर,
पुस्तौँपुस्ता उज्यालो रहन्छ ।।
शब्दहरूबाट माेती भनेर,
युगाैंसम्म अमर रहन्छ ।।
नेपालीको ढुकढुकीमा,
तिम्रो बास सधैं रहोस् ।
भाषा, साहित्य, संस्कृतिको,
दीप सधैं बलिरहोस् ।।
- शम्भुप्रसाद ढुंगाना
Visit: www.shambhudhungana.com.np
