12/08/2026
अहिलेसम्म कच्ची सडकसमेत नपुगेका यी ८ स्थानीय तह
७५३ स्थानीय तहमध्ये कति वटा स्थानीय तहमा सडक पुगेको होला ? धेरैलाई लाग्छ, सरकारले वडासम्म सडक पुर्याउने अभियान चलाइरहेको छ, स्थानीय तहसम्म त पहिल्यै सडक पुगिसकेको छ। तर यथार्थ त्यस्तो छैन।
अहिलेसम्म पनि ८ स्थानीय तहमा सडक पुगेको छैन। सोलुखुम्बुको खुम्बु पासाङल्हामु, मनाङको नार्पाभूमि, कालिकोटको महावै, डोल्पाको छार्का ताङसोङ र शे-फोक्सुन्डो, बैतडीको सिगास, दार्चुलाको अपिहिमाल र बझाङको साइपाल गाउँपालिकामा अहिलेसम्म कच्ची सडक पनि पुगेको छैन।
भौगोलिक विकटता, कडा चट्टान, सरकारको सीमित साधन र स्रोतका कारण यी स्थानीय तहमा कच्ची सडक सञ्जालले समेत जोड्न सकेको छैन।
