12/06/2026
तत्कालीन नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल (प्रचण्ड) र डा.बाबुराम भट्टराईविरुद्ध अर्को फैसला सुनाएको छ । सर्वोच्चका न्यायाधीशत्रय सपना प्रधान मल्ल,सुनिलकुमार पोखरेल र शान्तिसिंह थापाको पूर्ण इजलासले परमादेश जारी गरेको हो ।
सर्वोच्चबाट परमादेश जारी भएपछि मुद्दा दायरकर्ता लेनिन विष्टले लडाइँ जितेको भन्दै सामाजिक सञ्जालबाट खुशी व्यक्त गरेका छन् । उनले लेखेका छन्,‘पूर्व बालसेनाको न्यायको ऐक्यबद्धताको लागि सहयोग गर्ने सबैलाई बधाई, आज हामीले एउटा ठूलो लडाइँ जितेका छौं, आज सर्वोच्चको फूल बेञ्चले परमादेश जारी गरेको छ ।’
विष्टसमेतले २०८२ वैशाख ११ गते आफूहरुलाई बालसेनाको रुपमा प्रयोग गरेर ‘युद्ध अपराध’ गरेको आरोप लगाउँदै पूर्व प्रधानमन्त्रीहरुविरुद्ध रिट दायर गरेका थिए । दर्ता नम्बर ०८१–डब्ल्युएफ–००२५ भएको रिटमा गत फागुन २८ गते नियमित सुनुवाईको आदेश भएको थियो । यता, विष्टले नेदरल्याण्डको हेगस्थित अन्तर्राष्ट्रिय न्यायालयमा पनि मुद्दा दायर गरेका छन् ।
