30/06/2025
नेपाली चलचित्रको ६० वर्ष लामो इतिहासमा 'पुजार सार्की'ले चलचित्र विकास बोर्डको २५औँ वार्षिकोत्सवमा विशेष सम्मान प्राप्त गरेको छ, जसका लागि किङडम नेटवर्क निकै गौरवान्वित छ । यो चलचित्र नेपाली सिनेमाको इतिहासमा सर्वाधिक कमाउने २५ चलचित्रभित्र पर्न सफल भएको छ ।
यस विशेष अवसरमा, नेपाल सरकार र चलचित्र विकास बोर्ड परिवारप्रति हामी हार्दिक कृतज्ञता व्यक्त गर्दछौँ ।
'पुजार सार्की'लाई यो उचाइमा पुर्याउन महत्त्वपूर्ण भूमिका खेल्नुहुने निर्देशक दिनेश राउत, लेखक विकास सुवेदी, कलाकारहरू आर्यन सिग्देल, प्रदीप खड्का, पल शाह, अञ्जना बराइली, परीक्षा लिम्बु लगायत सम्पूर्ण कलाकारहरू, डीओपी राजेश श्रेष्ठ, तथा अन्य सबै प्राविधिक र रचनात्मक समूहका सदस्यहरूलाई हार्दिक धन्यवादका साथै बधाई दिन चाहन्छु । उहाँहरूको अमूल्य योगदानबिना यो सफलता सम्भव थिएन ।
आगामी दिनहरूमा पनि यस्तै उत्कृष्ट सहकार्यको अपेक्षा राखेका छौँ ।
