Sajha Kura

03/08/2026

मेडिकल व्यवसायी दुर्गा प्रसाईं पक्राउ परेका छन्।

आइतबार साँझ भक्तपुरस्थित निवासबाट उनी पक्राउ परेकाे जिल्ला प्रहरी परिसर भक्तपुरका प्रमुख सूर्य बहादुर खड्काले जानकारी दिए। उनलाई अपराध अनुसन्धान कार्यालय टेकुबाट खटिएको टोलीले पक्राउ गरेको हो।
प्रसाईंलाई जिल्ला प्रहरी परिसर भक्तपुरमा राखिएको छ।

03/08/2026

नेपाल आयल निगमले पेट्रोलियम पदार्थको भाउ बढाएको छ । गएरातिदेखि लागू हुनेगरी पेट्रोल, डिजेल, मट्टीतेल र हवाई इन्धनको भाउ बढेको हो ।

पेट्रोलमा प्रतिलिटर तीन रुपैयाँ, डिजेल र मट्टीतेलमा पाँच रुपैयाँ तथा हवाई इन्धन आन्तरिकतर्फ २० रुपैयाँ र अन्तर्राष्ट्रियतर्फ प्रतिकिलोलिटर अमेरिकी डलर १३१ ले भाउ बढेको छ ।

नयाँ मूल्यसूचीअनुसार पेट्रोल, डिजेल र मट्टीतेलको भाउ काठमाण्डौ, पोखरा र दिपायलमा लिटरको २०० रुपैयाँ पुगेको छ । यस्तै सुर्खेत र दाङमा १९९ रुपैयाँ तथा चारआली, विराटनगर, जकपुर, अमलेखगन्ज, भलवारी, धनगढी र वीरगन्जमा १९७ रुपैयाँ ५० पैसा पुगेको छ ।

खाना पकाउने एलपी ग्यासको भाउ भने यसअघि जस्तै भरी सिलिण्डरको २ हजार ६० रुपैयाँ नै कायम छ ।

02/08/2026

02/08/2026

दामी

Makalu Base Camp Trek || Travel Documentary Journey to the footh...

02/08/2026

पूर्वी पहाडी जिल्ला संखुवासभामा दोस्रो राष्ट्रिय कोदो दिवसका अवसरमा कोदो रोपेर दिवस मनाईएको छ ।

शनिबार कृषि ज्ञान केन्द्र संखुवासभाको आयोजनामा खाँदबारी नगरपालिका–४ स्थित डाँडापांङ्मामा कोदो रोपेर दिवस मनाइएको हो। स्थानीय चण्डीहाङ राईको बारीमा कृषि ज्ञान केन्द्रकाकर्मचारीहरु, राष्ट्रिय कृषि आधुनिकीरण कार्यक्रममा कार्यालयका प्रतिनिधि, र स्थानीयहरुले कोदो रोपेर दिवस मनाएका हुन् ।

पहाडी जिल्लाहरूमा पछिल्लो समय कोदो रोप्ने प्रचलन घटदै गएकाले कृषकहरुमा कोदोको महत्व र यसमा पाईने पौष्टिकता बारे जनचेतना जगाउने उदेश्यले रैथाने बाली कोदो रोपाईं गरिएको दोस्रो राष्ट्रिय कोदो दिवस आयोजक कार्यालय कृषि ज्ञान केन्द्र संखुवासभाका कार्यालय प्रमुख छत्रबहादुर विश्वकर्माले बताए। उनले यस संखुवासभा जिल्लामा धान, मकै, गहुँ र कोदो मुख्य खाद्यान्न बालीअन्तर्गत रहेको तथा कोदोमा आइरन तत्वसमेत धेरै पाइने भएकाले रैथाने कोदो बालीको प्रवर्द्धन गर्न सरकार लागि परेको बताएका थिए ।

कृषि ज्ञान केन्द्र संखुवासभाको तथ्यांकअनुसार गत वर्ष संखुवासभामा ६ हजार ६ सय ६६ हेक्टर क्षेत्रफलमा कोदो खेती गरिएको थियो भने ८ हजार ७ सय ३२ मेट्रिकटन कोदो उत्पादन भएको थियो भने उत्पादकत्वप्रति हेक्टर १।३१ मेट्रिकटन रहेको छ । यो वर्ष धमाधम कोदो रोपाइँ भइरहेको हुँदा तथ्यांक आउन बाँकी रहेको कार्यालयले जनाएको छ।

02/08/2026

हालसमम संखुवासभामा ७५ प्रतिशत धान रोपाइँ
श्रावण १७

संखुवासभामा साउन दोश्रो हप्ता सम्म ७५ प्रतिशत धान रोपाइँ सकिएको कृषी ज्ञान केन्द्र संखुवासभाले जनाएको छ । जिल्लाको माथिल्लो भेगका हिमालि क्षेत्रहरु र पहाडी क्षेत्रहरुमा करिव करिव धान रोपाईं सकिएको छ भने होचा स्थानहरुमा धमाधम रोपाईंको काम भैरहेको ज्ञान केन्द्र संखुवासभाले जनाएको छ ।

कृषि ज्ञान केन्द्र संखुवासभाका कार्यालय प्रमुख छत्रबहादुर विश्वकर्माका अनुसार हालसम्म ७५ प्रतिशत बढिमा राेपाईं सम्पन्न भएको छ। कार्यालयका तर्फबाट हरेक सोमबार प्रदेशमा उद्यावधिक तथ्यांक पठाउने काम गरिँदै आएको उनको भनाई छ।

02/08/2026

अत्यधिक रक्तस्रावपछि सुत्केरीको हेलिकाेप्टरबाट उद्धार
संखुवासभाको खाँदबारी नगरपालिका १ निवासि एक सुत्केरी महिलाकाे अत्यधिक रक्तस्राव भै ज्यान जोखिममा परेपछि हेलिकाेप्टरबाट उद्धार गरिएको छ।

आइतबार खाँदबारी– १ बस्ने ३० वर्षीया प्रभा ढुंगानालाई जिल्ला अस्पताल खाँदबारीमा भर्ना गरिएकोमा अत्यधिक रक्तस्राव भएपछि नेपाली सेनाको हेलिकाेप्टरबाट उद्धार गरिएको जिल्ला प्रहरी कार्यालय संखुवासभाका डिएसपी कुमारप्रसाद मैनालीले बताए।

उनका अनुसार सुत्केरी बेथा लागेपछि ढुंगानालाई आइतबार बिहान सवा १० बजे जिल्ला अस्पतालमा अप्रेसन गरी प्रसूति गराइएको थियो। अप्रेसनपछि अत्यधिक रक्तस्राव भई ज्यान जोखिममा परेपछि दिउँसो पौन ४ बजे राष्ट्रपति महिला उद्धार कार्यक्रमअन्तर्गत हेलिकाेप्टरबाट थापाथली प्रसूति गृह काठमाडौं पठाइएको प्रहरीले जनाएको छ।

02/08/2026

कीर्तिमानी आरोही निर्मल पुर्जाको शव निकालियो
श्रावण १७
पाकिस्तानको ब्राेड पिकमा हिमपहिरोमा परेर ज्यान गुमाएका विश्व प्रसिद्ध नेपाली आरोही निर्मल पुर्जा उर्फ ‘निम्स दाइ’ को शव निकालिएको छ ।
गएकाे बिहीवार आरोहणका क्रममा हिमपहिरोमा परेर बेपत्ता भएका पुर्जाको शव हिजो भेटिएको थियो । तर प्रतिकूल मौसमका कारण आज मात्रै उहाँको शव निकालेको पाकिस्तानी निकायलाई उद्धृत गर्दै बीबीसीले जनाएको छ ।
पाकिस्तानको आरोहणसम्बन्धी अग्रणी संस्था अल्पाइन क्लब अफ पाकिस्तान (एपीसी) का अनुसार निम्सको शव ५ हजार ७०० मिटर उचाइमा फेला परेको थियो । पुर्जासहित हिमपहिरोमा बेपत्ता भएका १० मध्ये ८ जनाको शव उद्धारकर्ताहरूले फेला पारेका छन् ।
नेपाली आरोहीहरू पुरबहादुर गुरुङ ‘युक्ता’ र ग्यालु शेर्पाको शव घटनास्थलबाट सुरक्षित ठाउँमा झारिसकिएको पराराष्ट्र मन्त्रालयले जनाएको छ ।
बीबीसीका अनुसार नेपाली आरोहीहरू निर्मल पुर्जा, किली पेम्बा शेर्पा ’किलु’ र निमा शेर्पाको शव उद्धारकर्ताले आज फेला पारेर अहिले क्याम्प १ तर्फ ल्याइरहेका छन् । थप एउटा शव भएको ठाउँ स्थलगत उद्धारकर्ताहरूले फेला पारे पनि सनाखत भने हुन सकेको छैन ।
हराइरहेका नेपाली आरोहीमध्ये नवाङ थिन्डु शेर्पा र पाकिस्तानका सोहेल साखीको अवस्था थाहा हुन सकेकाे छैन । हराइरहेका आरोही ओमानकी नाधिरा अहमद अब्दुल्लाह अल हार्थी र चीनका ह्याङ झोङको शव भने भेटिएको छ ।

02/08/2026

अत्याधिक रक्तश्राबका कारण खाँदबारी १ निवासि सुत्केरी प्रभा ढुङ्गानालाई आज राष्ट्रपति सुत्केरी हेलिकप्टर हवाई उद्धार कार्यक्रम अन्तर्गत खाँदबारीबाट थप उपचारका लागि प्रसुति गृह काठमाण्डाै लगिँदै ।

02/08/2026

लघुवित्त पीडित र नेपाल सरकार बिच पाँच बुँदे सहमति । के के छन् बुँदाहरु