Hello Lahan

14/07/2025

लहानकी पूजा कुमारी रामले चमार समुदायबाट वकिल बनेर नयाँ इतिहास रचेकी छिन्। उनी सायद यो प्रतिष्ठित पेशामा चमार समुदायबाट प्रवेश गर्ने पहिलो महिला हुन्।
यस्तो प्रेरणादायी उपलब्धिमा हार्दिक बधाई तथा उज्ज्वल भविष्यको शुभकामना! 🙌🌟

10/07/2025

अदालतको आदेशले हाल लहान नगरपालिकामा देखिएको राजनीतिक तथा प्रशासनिक अन्यौललाई कानुनी स्वरूपमा स्पष्टता दिन थालेको छ। तर अर्कातर्फ नगर प्रमुख पक्षधरले भने १६ औं नगरसभा बहुमतले पारित भएको दाबी गर्दै निर्णय वैधानिक भएको बताउँदै आएका छन्।

सितल साह , सिरहा , लहान, असार २५ – लहान नगरपालिकामा नगर प्रमुख महेश चौधरी र उप प्रमुख रामचलितर महतोबीचको विगत केही स.....

05/07/2025

रवि लामिछानेमाथि भनिएको राजनीतिक प्रतिशोधको विरुद्ध जनताको हस्ताक्षर अभियान अन्तर्गत, लहान नगरपालिका–१ स्थित पशुपति मा.वि., NIC बैंक अगाडि हस्ताक्षर संकलन कार्यक्रम सञ्चालन हुँदैछ।
तपाईंहरू पनि आएर हस्ताक्षर गरी अभियानमा सहभागी हुन सक्नुहुन्छ। विदेशमा रहनुभएकाहरूले तल दिइएको नम्बरमा सम्पर्क गरी प्रक्रिया अनुसार हस्ताक्षर गर्न सक्नुहुन्छ।

साथै, आज अषाढ २१ गते, राष्ट्रिय स्वतन्त्र पार्टीका उप–सभापति माननीय डा. स्वर्णिम वाग्ले लहान आउँदै हुनुहुन्छ।

राष्ट्रिय स्वतन्त्र पार्टी, नगर सभापति – Law Mandal
Contact:- 9827782337, 9824753377

Source: Growing Lahan

05/07/2025

सरकारका कुरा : लहान नगरपालिका उपप्रमुख रामचलितर महतोसँग गरिएकाे कुराकानी ।।

Source: Himalaya TV

04/07/2025

लहान नगरपालिका र नगर प्रमुख चौधरीमाथि ठेकेदार कम्पनी द्वारा जिल्ला अदालतमा उजुरी ।।

लहान नगरपालिका र ठेकेदार कम्पनी सूर्य विकास जे.भी.बीचको करार अनुसारको सडक स्तरोन्नतिको काम सम्पन्न भइसकेपछि पनि पालिकाले भुक्तानी नदिएको भन्दै कम्पनीले जिल्ला अदालत सिरहामा लहान नगरपालिका र नगर प्रमुखलाई महेश प्रसाद चाैधरीलाई बिपक्षी बनाई मुद्दा दायर गरेको छ। करार अनुसार सन् २०७५ असोज ९ गते आठ करोड छब्बिस लाख रुपैयाँको सम्झौता भई समयमै काम सम्पन्न गरिएको थियो।

तर, ३६ लाख ४६ हजार रुपैयाँभन्दा बढी भुक्तानी दिन पालिकाले पटक–पटकको अनुरोधपछि पनि बेवास्ता गरेको आरोप लागेको छ। मुद्दामा रु. ५१.७९ लाख भुक्तानीसहित दस्तुर, वकिल खर्च, भ्याट र ब्याज असुल गर्न माग गरिएको छ। फिरादमा सम्झौता कागजात, बिल र साक्षीहरू पनि समावेश गरिएको छ। ठेकेदार कम्पनीले काम गरेर पनि रकम नपाउनु अन्याय भएको भन्दै अदालतको फैसला स्थानीय तह र ठेकेदारबीचको पारदर्शितामा टेवा पुग्ने अपेक्षा गरिएको छ।

श्रोतः लहान टुडे

03/07/2025

लहान नगरपालिकालाई पूर्ण खोप सुनिश्चितता तथा दिगोपना घोषणा गरिएको छ। पालिकाका ३५ सय ३९ बालबालिकालाई १३ प्रकारको खोप लगाएपछि पूर्ण खोप सुनिश्चितता तथा दिगोपना घोषणा गरिएको स्वास्थ्य शाखाका प्रमुख विन्देश्वर चौधरीले जानकारी दिए।

सिरहा : सिरहाको लहान नगरपालिकालाई पूर्ण खोप सुनिश्चितता तथा दिगोपना घोषणा

02/07/2025

मधेस प्रदेशकी सांसद तथा जसपा की केन्द्रीय सदस्य ललिता दास (तत्मा) माथि लहानमा गएराति लुटपाट र हमलाको प्रयास भएको छ। जनकपुरबाट फर्कंदा राति साढे १२ बजे लहान चोकमा दुई युवाले उनलाई लखेटेर हातपात गर्न खोजेको उनले बताएकी छन्।

घर नजिकै भएकाले र हल्ला गर्दै भागेपछि उनी हमलाबाट जोगिएकी हुन्। घटनाबारे उनले प्रहरीलाई जानकारी दिएकी छन् तर डीएसपीले बेवास्ता गरेको गुनासो छ। सामाजिक सञ्जालमा उनले देशमा दलितमाथि हुने आक्रमण र असुरक्षा बढेको भन्दै चिन्ता व्यक्त गरेकी छन्।

02/07/2025

नेपाल पत्रकार महासंघ सिराहा शाखाले लहानका एमाले नगर अध्यक्ष राजकुमार साहलाई गालीगलौज तथा गैरजिम्मेवार अभिव्यक्तिको आधारमा कानुनी कारबाही गर्न माग गरेको छ।
महासंघका सचिव मुकेशकुमार यादवद्वारा जारी विज्ञप्तिमा अध्यक्ष मनोज बनैता यादवमाथि गरिएको अमर्यादित अभिव्यक्तिप्रति गम्भीर ध्यानाकर्षण भएको उल्लेख छ।
भिडियो सामग्री सत्यतथ्यमा आधारित भएमा त्यसको प्रसारण पत्रकारको कर्तव्य रहेको भन्दै, सो घटनालाई पत्रकार समुदायप्रतिको अपमान भनिएको छ।

01/07/2025

लहानको विकास ट्रेडर्सले उपप्रमुख रामचलितर महतोले २ लाख ५१ हजार रुपैयाँ बराबरको सुन उधारो लिएको भन्दै नगरपालिका कार्यालयमा उजुरी दिएको विषयमा महतोले उक्त उजुरी झूठो भएको बताउँदै आफूले कहिल्यै सुन नलिएको दाबी गरेका छन्। उनले यो आरोप नगरप्रमुख महेश चौधरीको निर्देशनमा लगाइएको र आफूलाई बदनाम गर्न गरिएको सुनियोजित षड्यन्त्र भएको बताएका छन्। महतोले प्रमाण भए पेस गर्न चुनौती दिंदै, नत्र चरित्र हत्या नगर्न चेतावनी दिएका छन्। सार्वजनिक भएको उजुरीमा मेयरले सो मुद्दा बोर्ड बैठकमा पेस गर्न आदेश दिएको छ।

29/06/2025

लहान नगरपालिकाका उपमेयर रामचलितर महतोले उधारोमा सुन किनेर पैसा नतिरेपछि लहान नगरपालिकामा उजुरी परेको छ । लहानस्थित विकास ट्रेडर्सले आइतबार नगरपालिकामा उजुरी दिएको हो ।

सिरहाको लहान नगरपालिकाका उपमेयर रामचलितर महतोले उधारोमा सुन किनेर पैसा नतिरेपछि लहान नगरपालिकामा उजुरी परेको छ...

29/06/2025

आज असार १५: दहि चिउरा खाने दिन तथा राष्ट्रिय धान दिबसको सबैमा शुभकामना ।। ❤️🌾

27/06/2025

लहान नगरपालिका समावेशी नगरव्यापी सरसफाइ सेवा प्रणाली विस्तार कार्यक्रमका लागि मधेस प्रदेशबाट छनोट भएको छ, जसका लागि नगरपालिकालाई हार्दिक बधाई।

देशका सातै प्रदेशका एक-एक नगरपालिकामा यो कार्यक्रम लागू गर्न सहमति भएको हो। यस सन्दर्भमा काठमाडौँमा आयोजित कार्यशालामा नेपाल नगरपालिका संघका अध्यक्ष भीम प्रसाद ढुंगाना, वाटर एड नेपालका सिनियर वास पोलिसी एडभाइजर गोविन्द श्रेष्ठ, लहान नगरपालिकाका मेयर महेश चौधरी र प्रमुख प्रशासकीय अधिकृत जयकान्त झाले सहमति पत्रमा हस्ताक्षर गरेका छन्।

गेट्स फाउण्डेसनको आर्थिक सहयोगमा सञ्चालन हुने कार्यक्रमको कार्यान्वयन युएन ह्याबिटाटमार्फत गरिनेछ।

लहान नगरमा यो कार्यक्रम प्रभावकारी रूपमा कार्यान्वयन भई सरसफाइ र फोहोर व्यवस्थापनमा दीर्घकालीन सुधार ल्याउनेमा आशावादी छौं। यो पहल सफल र उदाहरणीय बनोस् भन्ने शुभकामना!