04/07/2025
लागुऔषध सहित २ जना मानिसहरु पक्राउ:-
मिति २०८२।०३।१९ गते अन्दाजी १६:१५ बजेको समयममा जिल्ला सिरहा लहान नगरपालिका वडा नं. ११ पडरीया टोल स्थित मिथलेश कुमार चौधरीको घरमा लागुऔषधको कारोवार भइरहेको छ, भन्ने गोप्य सुचनाको आधारमा जिल्ला प्रहरी कार्यालय सिरहा र इलाका प्रहरी कार्यालय लहान सिरहाबाट संयुक्त रुपमा खटिएको विशेष प्रहरी टोलीले मिथलेश कुमार चौधरीको घर वतनमा चेकजाँच तथा खानतालशी गर्दा निज मिथलेश कुमार चौधरी समेतको साथबाट र घरबाट निम्न बमोजिम लागुऔषध ब्राउन सुगर लगायतका सामानहरु फेला परेकोले रीतपूर्वक बरामद गरी निज मिथलेश कुमार चौधरी समेतलाई पक्राउ गरी अनुसन्धान कार्य भइरहेको ।
पक्राउ परेको मानिसहरु तथा निजहरुको साथ बाट बरामद भएको समानहरुः-
१) जिल्ला सिरहा लहान नगरपालिका वडा नं. ११ पडरीया बस्ने बर्ष २८ को मिथलेश कुमार चौधरीको साथबाट खैरो हेरोइन जस्तो देखिने पदार्थ प्लाष्टिकको पोकामा प्लाष्टिक सहित ११३.९१ ग्राम (प्लाष्टिक बाहेक १०९ ग्राम,) र नगद रुपैया ७,३१० (सात हजार तिन सय दश), मोवाईल थान १ र निजकै घरको कोठामा रहेको काठको दराज भित्र नेपाली नगद रु. २,७५,३००।- (दुई लाख पचहत्तर हजार तिन सय) र भारतीय रु. १,२५० (एक हजार दुई सय पचास) र सुनको जस्तो देखिने तिलहरी थान-१ र नेकलेश थान-१, डिजिटल तराजु थान-१, प्लाष्टिक काट्न प्रयोग गरेको कैंची थान-१ समेत फेला परेको।
२) सोही स्थान बस्ने बर्ष २४ को राज नन्दन चौधरीको साथबाट लागू औषध खैरो हेरोइन जस्तो देखिने पदार्थ प्लाष्टिक सहित १०.७१ ग्राम (प्लाष्टिक बाहेक ९.६१ ग्राम), नगद रु. २,१००।- (दुई हजार एक सय), मोवाईल थान-१ फेला परेको ।
३) मिति २०८२।०३।२० गते सम्मानित सिरहा जिल्ला अदालतमा पेश गरी मिति २०८२।०३।१९ गते देखि लागु हुने गरी दिन ५ को म्याद लिइ अनुसन्धान कार्य भइरहेको।
