09/09/2022
~लाः छकु वयका, समयबजि~ ❤️❤️
संस्कृति जातिको पहिचान हो । प्रत्येक जातिको आ–आफ्नै मौलिक संस्कृति हुन्छ । संस्कृतिले विभिन्न जातजाति, भाषाभाषी र धर्म आदिको विशेषतालाई चिनाउँछ । नेवा संस्कृतिमा निकै लोकप्रिय ‘समयबजि' लाई लिन सकिन्छ ।यंयापुन्हिका दिन पितृ तर्पणका कार्य सम्पन्नका लागि समयबजि दान दिने चलन छ ।
यंया पु्न्हिको दिनलाई स्थानीय नेवारहरु समयबजि पुन्हि पनि भन्ने गर्छन् । यो दिनमा घरघरमा समयबजि तयार गरी खाने र बाँड्ने गरिन्छ । यो दिनमा समूह मिलेर ला छकू वयक समबजि भन्दै टोलटोलमा समयबजि माग्ने चलन पनि रहेको छ । स्याःबजि (एक प्रकारको च्युरा), हाकु मुस्या (कालो भटमास), पालु कुचा (अदुवाको टुक्रा), छोयला र वो (बारा) को पञ्च तत्व स्वरुपको तान्त्रिक खानेकुरा हो समयबजि ।स्याःबजि भन्नाले आकाशको प्रतीक, हाकु मुस्या भन्नाले वायुको प्रतीक, अदुवाका टुक्रा तेजको प्रतीक, माछा । मासु जलको प्रतीक र बारा पृथ्वीको प्रतीकको रुपमा लिएका छन् ।
❤️
