Muluk Times, pulchowk, Lalitpur (2025)

09/06/2025

श्री पशुपतिनाथ मन्दिर, काठमाडौं, नेपाल ।
तस्बिर: संजीव सिंह । मुलुक टाइम्स

09/06/2025

महोत्तरी गाउँपालिका अध्यक्षलाई उत्कृष्ट पालिका पुरस्कार ।
https://muluktimes.com.np/2025/06/09/13249/

मुलुक डेस्क, महोत्तरी । २०८२ जेष्ठ २६, सोमवार

मधेश प्रदेशको महोत्तरी जिल्लाअन्तर्गतका महोत्तरी गाउँपालिकाले शिक्षा क्षेत्रमा उल्लेखनीय प्रगति गरेको भन्दै प्रिन्सिपल एसोसिएशन अफ नेपाल (पान)ले पुरस्कारसहित सम्मान गरेको छ।

महोत्तरी गाउँपालिकाका अध्यक्ष दिलिप कुमार पाण्डेयलाई शिक्षा क्षेत्रमा नेतृत्व, पहल, योगदान र उल्लेखनीय प्रगति गरेकोमा प्रिन्सिपल एसोसिएशन अफ नेपाल (पान)ले यस वर्षको उत्कृष्ट पालिका पुरस्कारबाट पुरस्कृत र सम्मानित गरेको हो । पानले प्रत्येक वर्ष नेपालभरिबाट शिक्षा क्षेत्रमा योगदानबारे २५ वटा शैक्षिक मापदण्डका आधारमा मूल्याङ्कन गरी उत्कृष्ट पालिका पुरस्कारबाट पुरस्कृत गर्दछ ।

यस वर्षको मूल्याङ्कन समितिको अध्यक्ष प्रा.डा. विद्यानाथ कोइराला थिए । पानद्वारा पोखरामा आयोजित आफ्नो दोस्रो राष्ट्रिय सम्मेलनमा महोत्तरी गाउँपालिकाका अध्यक्ष दिलिप कुमार पाण्डेयलाई उक्त पुरस्कार र सम्मान प्रदान गरिएको हो । महोत्तरी गाउँपालिकाले शिक्षा, स्वास्थ्य, सरसफाई र किसानहरुलाई सुविधा हुने क्षेत्रमा राम्रो काम गरेको छ । पशु सेवा केन्द्रको निर्माणदेखि जनचेतना र जानकारीमूलक कार्यक्रमहरु अगाडि बढाएको छ ।

२०८२–८३ मा पर्सादेखि महोत्तरी–सनुखरासम्मको सडक, महोत्तरीदेखि परकौलीचोकसम्मको सडक र गोरीगम्मादेखि रातोपुलसम्म पक्की नाला सहितको सडकको निर्माण सांसद गोमा लाभको प्रयासले शहरी विकास मन्त्रालयको योजना अन्तर्गत बन्ने भएको छ । यी तीनवटै योजनामा ३–३ करोडको गरी ९ करोड बजेट राखिएको छ ।

08/06/2025

२१ औं शताब्दीको लाजमर्दो अवस्था !

हुलाकी राजमार्ग अन्तर्गत रौतहटको राजदेवी नगरपालिका ५, स्थित बागमती खोलामा डुङ्गाको सहाराले खोला तर्दै स्थानीय र यात्रीहरू । ठेक्का लागेको वर्षौसम्म पनि खोलामा पक्की पुल निर्माण नहुँदा यहाँ दुई पाङ्ग्रे सवारीले प्रतिगोटा सय रुपैयाँ, र प्रतिव्यक्ति ४० रुपैयाँ र स्थानीय किसानले वार्षिक आपसी समझदारीमा वाली ‘अन्न’ दिएर डुङ्गामा वारपार गर्ने गर्दछन् ।

तस्बिरः सिंह बहादुर थापा/रासस

08/06/2025

नबिल बैंकको प्रमुखमा मनोज कुमार ज्ञवाली नियुक्त ।

मुलुक डेस्क, काठमाडौं। २०८२ जेष्ठ २५, आइतवार

नबिल बैंक लिमिटेडको प्रमुख कार्यकारी अधिकृत (सिइओ)मा मनोज कुमार ज्ञवाली नियुक्त भएका छन् । बैंकको सञ्चालक समितिको ६८२ औं बैठकले ज्ञवालीलाई चार वर्षका लागि प्रमुख कार्यकारी अधिकृत पदमा नियुक्त गरेको हो ।

यस अघि कायममुकायम सिइओको भूमिका निर्वाह गर्दै आएका थिए । उनले नेपाल राष्ट्र बैंक लगायत विभिन्न वाणिज्य बैंकको व्यवस्थापन तहमा नेतृत्वदायी भूमिकामा रही बैंकिङ क्षेत्रको अनुभव बटुलीसकेका छन् ।

सीएसमेत रहेका ज्ञवालीसँग बैंकहरुको नियमनकारी निकाय नेपाल राष्ट्र बैंक, ग्लोबल आइएमई बैंक, ग्लोबल आइएमई क्यापिटल र ज्योति विकास बैंकसहित पुँजीबजार तथा बैंकिङ क्षेत्रमा २६ वर्ष लामोे अनुभव छ । ज्ञवालीको कुशल र सक्षम नेतृत्वमा आगामी दिनमा नबिल बैंक लिमिटेडले विभिन्न वित्तीय सूचकाङ्कहरूमा अग्रणी स्थान हासिल गर्दै थप उचाइ प्राप्त गर्ने आशा गरिएको छ ।

त्यस्तै सोही समितीले नायब महाप्रबन्धक आदर्श बजगाँइलाई नायब प्रमुख कार्यकारी अधिकृतमा बढुवा गरेको छ भने प्रमुख कानुन विभाग भिष्म न्यौपानेलाई कम्पनी सचिवको जिम्मेवारी दिएको छ ।

नबिल बैंक लिमिटेड नेपालको निजी क्षेत्रको अग्रणी बैंक हो । बैंकले जिम्मेवार संस्थाका रूपमा समग्र देश तथा समाजको विकासमा योगदान गर्न प्रतिबद्ध छ । नबिलले २४ लाखभन्दा बढी सेवाग्राहीहरूलाई देशभरिको २६८ शाखा र ३२० एटिएम मेसिनबाट सेवा प्रदान गर्दै आएको छ । नेपाली बैंकिङ क्षेत्रमा नवीनतम सेवाको सुरुवात गर्न अग्रणी भूमिका खेलेको नबिल नेपालको बैंकिङ विकासको इतिहासमा कोसेढुङ्गाको रूपमा काम गर्दै आएको छ ।

08/06/2025

सर्लाही र रौतहट जोड्ने बागमती नदी माथिको पुल !

वर्षौं देखि अलपत्र रहेको मधेशको ‘लाइफ लाइन’ हुलाकी राजमार्गको सर्लाही र रौतहटलाई जोड्ने बागमती नदी माथिको पुल ।
तस्बिर: सिंहबहादुर थापा /रासस

07/06/2025

जुम्लाको गुठीचौरको मानिसाङ्घुमा प्रसूति केन्द्रको शिलान्यास

हिमानी ट्रस्टद्वारा जुम्लाको गुठीचौरको मानिसाङ्घुमा मातृ स्वास्थ्य सुधारका लागि निर्माण हुन लागेको प्रसूति केन्द्रको आज शिलान्यास गरिएको छ । उक्त अवसरमा पुर्व युवराज्ञी हिमानी शाह र हृदयेन्द्र शाहले निर्माण हुन लागेको प्रसूति केन्द्रको शिलान्यास गरिएका थिए ।

07/06/2025

इद-उल- अज्मा (बकर इद)

मुस्लिम धर्मावलम्बी आज बकर इद मनाउँदै छन् । रमजान पर्वको ७० औँ दिनमा बकर इद मनाउने धार्मिक परम्परा रहि आएको छ ।

07/06/2025

अमेरिकामा एकै परिवारका चार नेपाली गोली लागेर मृत ।

मुलुक डेस्क, काठमाडौं । २०८२ जेष्ठ २४, शनिवार

अमेरिकाको भर्जिनियामा एकै परिवारका चार नेपाली मृत अवस्थामा भेटिएको छ । उनीहरू गोली लागेको अवस्थामा मृत भेटिएको हो । मृतकमध्ये ३८ वर्षीय सन्तोष परियार, ३६ वर्षीय अन्जु श्रेष्ठ, २ वर्षीय बालक र ८ वर्षीय बालिका छन् ।

म्यानेससपार्क प्रहरीका अनुसार उनीहरू घटना भएको घरको तल्लो तलामा भाडामा बस्दै आएका थिए । स्थानीय समयअनुसार बिहीबार राति १०ः४० बजे घरधनीले प्रहरीलाई आफ्नो घरमा भाडामा बसेका व्यक्तिहरूको अवस्था बुझ्न अनुरोध गरेपछि पुगेको प्रहरी टोलीले उनीहरूलाई मृत भेटेको थियो । प्रारम्भिक अनुसन्धानमा सबैको मृत्यु गोली लागेर भएको देखिएको प्रहरीद्वारा जारी विज्ञप्तिमा उल्लेख छ । सवै शवहरू म्यानेससको मेडिकल एक्जामिनरको कार्यालयमा परीक्षणका लागि पठाइएको प्रहरी विभागले जनाएको छ ।

07/06/2025

कोशी प्रदेश प्रमुख खापुङले बकर इदको शुभकामना !

कोशी प्रदेशका प्रदेश प्रमुख परशुराम खापुङले इद–उल–अज्हा (बकर इद) पर्व २०८२ को शुभकामना सन्देश दिनुभएको छ ।

शुभकामना सन्देशमा प्रदेश प्रमुख खापुङले मुस्लिम समुदायको महान् पर्व इद–उल–अज्हा (बकर इद)को अवसरमा सम्पुर्ण नेपाली मुसलमान दिदीबहिनी तथा दाजुभाइहरूमा सुख, शान्ति तथा समृद्धिको लागि हार्दिक शुभकामना व्यक्त गर्नुभएको छ ।

इस्लाम धर्मवलम्बीहरूले मनाउने यस पर्वले मेलमिलाप, एकता र सहकार्यको वातावरण निर्माणमा सहयोग पुर्याउँदै यस्ता चाडपर्वका माध्यमबाट विभिन्न जातजाति तथा समुदायको मौलिक संस्कृति र परम्पराको संरक्षण सम्वद्र्धन हुनुका साथै जातीय, धार्मिक एवं सांस्कृतिक विविधताबीच आपसी सद्भाव, सहिष्णुता र मेलमिलाप अभिवृद्धि हुनेमा पनि प्रदेश प्रमुखज्यूले विश्वास व्यक्त गर्नुभएको छ ।

07/06/2025

साइकल यात्राले “स्वस्थ शरीर, स्वच्छ शहर” : मन्त्री यादव

मुलुक डेस्क, काठमाडौं । २०८२ जेष्ठ २४, शनिवार

खानेपानीमन्त्री प्रदीप यादवले सडक जाम, प्रदूषण र अस्वस्थ जीवनशैलीको समस्याबीच आज साइकल यात्राको महत्व झनै बढ्दै गएको बताउनु भएको छ । आज काठमाडौँमा मारवाडी समिति नेपाल अन्तरगतको संस्था मारवाडी युवा मञ्चद्वारा विश्व साइकल दिवश तथा विश्व वातावरण दिवशको अवसर पारेर “वातावरणको रक्षा, हाम्रो दायित्व हाम्रो प्रतिवद्धता” भन्ने नाराका साथ आयोजना गरिएको साइकल यात्रा कार्यक्रमलाई सम्बोधन गर्नु हुँदै मन्त्री यादवले साइकल यात्राले स्वास्थ्य र सफाइको सन्देश दिने बताउनुभयो ।

मन्त्री यादवले भन्नुभयो, “साइकल यात्राले गन्तव्य मात्र होइन, स्वस्थ शरीर र स्वच्छ शहरको सन्देश पनि पुर्‍याउँछ । हामी सबैले व्यक्तिगत तथा सामूहिक दुवै तहमा हरित भविष्यको कल्पना गर्नुपर्छ ।” मन्त्री यादवले सरकारले वातावरणमैत्री यातायातको प्रवद्र्धन गर्न आवश्यक नीति तथा पूर्वाधारमा लगानी गर्ने बताउनु हुँदै विद्यालय, कार्यालय, तथा स्थानीय तहहरूमा समेत साइकल प्रयोगलाई प्रोत्साहन गर्नु पर्ने समेत आग्रह गर्नुभयो ।
उहाँले भन्नुभयो, “स्वस्थ जीवन, हरित वातावरण र साकार सकारात्मक सोच प्रवद्र्धन गर्ने यस्तो प्रेरणादायी कार्यक्रम सबै ठाउँमा गर्न आवश्यक छ । साइकल प्रयोगलाई प्रोत्साहन गर्न हामी सबै लाग्नु पर्छ ।”

साइकल यात्राले शारीरिक तन्दुरुस्ती सहित वातावरणीय चेतनाको प्रवाह पनि गर्ने भएकाले आजको युगमा यो अत्यन्त सान्दर्भिक रहेको मन्त्री यादवले बताउनुभयो । कार्यक्रममा विशिष्ट अतिथि एवं मारवाडी सेवा समितीका अध्यक्ष प्रमोदकुमार चौधरीले साइकल प्रयोग गर्नाले व्यक्तिगत तन्दुरुस्ती बढ्नुका साथै यसले शहरको ध्वनि र वायु प्रदूषण पनि घटाउने बताउनुभयो । कार्यक्रममा पशुपती गौशाला धर्मशालाका अध्यक्ष रमेश तापडिया, मारवाडी महिला मञ्चकी अध्यक्ष श्रीमती रेखा खेतान, कार्यक्रम संयोजक अरुण गोयल, मारवाडी सेवा समितिका पदाधिकारीहरु, मारवाडी युवा मञ्चका पदाधिकारीहरु तथा कार्यसमिती सदस्यहरुको सहभागीता रहेको थियो ।

आजको उक्त कार्यक्रममा दजर्नौ साइकल यात्रीहरूको सहभागिता रहेको थियो । काठमाडौँको बिवाईडी पार्किङ नक्सालबाट सुरु भएको उक्त यात्रा यहाँका विभिन्न क्षेत्र हुँदै ललितपुरको पाटन दरवार क्षेत्रमा गएर समापन गरिएको कार्यक्रम संयोजक अरुण गोयलले जानकारी दिनुभयो । आज काठमाडौँमा मारवाडी समिति नेपाल अन्तरगतको संस्था मारवाडी युवा मञ्चद्वारा विश्व साइकल दिवश तथा विश्व वातावरण दिवशको अवसर पारेर “वातावरणको रक्षा, हाम्रो दायित्व हाम्रो प्रतिवद्धता” भन्ने नाराका साथ आयोजना गरिएको साइकल यात्रा कार्यक्रमलाई सम्बोधन गर्नु हुँदै मन्त्री यादवले साइकल यात्राले स्वास्थ्य र सफाइको सन्देश दिने बताउनुभयो ।

कार्यक्रममा पशुपती गौशाला धर्मशालाका अध्यक्ष रमेश तापडिया, मारवाडी महिला मञ्चकी अध्यक्ष श्रीमती रेखा खेतान, कार्यक्रम संयोजक अरुण गोयल, मारवाडी सेवा समितिका पदाधिकारीहरु, मारवाडी युवा मञ्चका पदाधिकारीहरु तथा कार्यसमिती सदस्यहरुको सहभागीता रहेको थियो ।

आजको उक्त कार्यक्रममा दजर्नौ साइकल यात्रीहरूको सहभागिता रहेको थियो । काठमाडौँको बिवाईडी पार्किङ नक्सालबाट सुरु भएको उक्त यात्रा यहाँका विभिन्न क्षेत्र हुँदै ललितपुरको पाटन दरवार क्षेत्रमा गएर समापन गरिएको कार्यक्रम संयोजक अरुण गोयलले जानकारी दिनुभयो ।

07/06/2025

मधेश सरकार एआई र रोबोटिक युगमा ।

मधेश सरकार एआई र रोबोटिक युगमा प्रवेश गरेको छ । मधेश सरकारले निति र कार्यक्रम २०८२/८३ मार्फत School for AI & Robotics को स्थापना र भौतिक पूर्वाधार निर्माण, तथा AI for Efficiency: AI Tools सम्बन्धी साक्षरता तथा प्रशिक्षण कार्यक्रम ल्याएको छ।

मधेश सरकार आ.व. २०८२/८३ का केही नयाँ र रोचक योजनाहरू:-

हेलो मुख्यमन्त्री (Hello CM)

मुख्यमन्त्री महिला उज्जवला कार्यक्रम

मुख्यमन्त्री महिला सशक्तिकरण स्वयंसेविका कार्यक्रम

मुख्यमन्त्री राहत स्वयंसेवक उद्धार कार्यक्रम

गरीबसँग मुख्यमन्त्री कार्यक्रम

विद्यार्थीको साथ मुख्यमन्त्री कार्यक्रम

मुख्यमन्त्री सुरक्षित आवास कार्यक्रम

मधेश भ्रमण वर्ष २०८३

प्रादेशिक बजेटको विनियोजन र खर्चको पारदर्शिता प्रवर्द्धन तथा लेखाजोखा गर्न
"मेरो पैसा कहाँ जान्छ" अभियान

किसानको बारी, स्वयंसेवकको छहारी - महिला कृषि स्वयंसेविका कार्यक्रम

मधेशमा दुई बाली धान, समृद्धिको नयाँ विहान
चक्लाबन्दी खेतीको रूपमा चैते धानको क्षेत्र विस्तार

एक जिल्ला एक शित भण्डार

एक जिल्ला एक कस्टम हायरिंग सेन्टर

मधेशको संस्कृतिमा महत्वपूर्ण भूमिका खेलेको मयूरको संरक्षण कार्यक्रम

भेटनरी एम्बुलेन्सको व्यवस्था

एक निर्वाचन क्षेत्र एक रोजगार केन्द्र

मुख्यमन्त्री रोजगार प्रवर्धन कार्यक्रम

एक गाउँ एक उत्पादन कार्यक्रम
आयात घटाऔं, निर्यात बढाऔं

किसान लक्षित Loan Card को व्यवस्था

एक व्यक्ति एक विरूवा

मधेश बोटानिकल गार्डन
मधेश प्राणी उद्याण (चिडियाखाना)

पानी जम्ने क्षेत्र, तलाव, पोखरी, सिमसार क्षेत्रमा कमलको बीऊ छर्ने तथा जल वृक्षारोपन

एक घर एक विद्युतिय चुल्हो कार्यक्रम

School for AI & Robotics स्थापना तथा भौतिक पूर्वाधार निर्माण
AI for Efficiency: AI Tools सम्बन्धी साक्षरता तथा प्रशिक्षण कार्यक्रम

मधेश सांस्कृतिक ग्रामको निर्माण

प्रधेश पत्रकार पुरस्कार

07/06/2025

महोत्तरीद्वारा अल्पसंख्यकसँग प्रहरी ।

जिल्ला प्रहरी कार्यालय महोत्तरीद्वारा अल्पसंख्यकसँग प्रहरी कार्यक्रम सम्पन्न भएको छ ।

Muluk Times

09/06/2025

09/06/2025

08/06/2025

08/06/2025

08/06/2025

07/06/2025

07/06/2025

07/06/2025

07/06/2025

07/06/2025

07/06/2025

07/06/2025

Address

Telephone

Website

Alerts

Contact The Business

Shortcuts

Share

Category