13/09/2025
अध्ययन अध्यापन सम्बन्धमा काठमाडौं महानगरको सूचना ।
मुलुक डेस्क, काठमाडौं । २०८२ भाद्र २८, शनिवार
मिति २०८२।०५।२४ गतेबाट देशमा सिर्जित अवस्था र परिस्थितिका कारण शिक्षण सिकाइ क्रियाकलाप प्रभावित भईरहेकामा जिल्ला प्रशासन कार्यालय, काठमाडौँबाट जिल्लामा लगाइएको कर्फ्यू तथा निषेधाज्ञा (निषेधित क्षेत्र सम्बन्धी आदेशबाहेक) मिति २०८२/०५/२८ गते देखि हटाईएको सूचना प्राप्त भएकाले जिल्ला प्रशासन कार्यालयबाट थप सूचना भएमा सोहीबमोजिम हुने गरी मिति २०८२।०५।२९ गतेबाट यस महानगरपालिका अन्तर्गत सञ्चालित विद्यालयहरुले देहायबमोजिम गर्नुहुन सूचित गरिन्छ ।
देहाय :
१. सबै शिक्षक तथा कर्मचारीहरु मिति २०८२।०५।२९ गते आईतवार देखि विद्यालयमा उपस्थित हुने, तर उक्त दिन विद्यार्थीलाई विद्यालयमा नबोलाउने,
२. विद्यालयमा उपस्थित भई विद्यालयको प्रशासनिक कार्यका साथै सरसफाई सम्बद्ध कार्यहरु गर्ने, विद्यालयमा कुनै प्रकारको क्षती देखिएमा काठमाडौँ महानगरपालिकामा सोको विवरण उपलब्ध गराउने, विद्यार्थीका अभिभावकहरुसँग सम्पर्क गरी विद्यार्थीको अवस्था बुझ्ने, अवस्था सामान्य नहुन्जेल आफ्ना बालबालिकालाई विद्यालयमा ल्याउन र लैजाने कार्य गर्न अनुरोध गर्ने,
३. अभिभावकले आफ्ना विद्यार्थी विद्यालयमा ल्याउने लैजाने गरी जिम्मा लिएमा र परिस्थिति पनि सामान्य देखिएमा त्यस्ता विद्यार्थीलाई मिति २०८२।०५। ३० गते सोमबार देखि विद्यालयमा ल्याई मनोसामाजिक परामर्श सँग सँगै अध्ययन अध्यापन गर्ने गराउने,
४. विद्यालयमा अभिभावकसँग आउन र जान नसक्ने विद्यार्थीलाई Virtual Class मार्फत सहजिकरण गर्ने ।
