CBC, Lalitpur (2026)

11/06/2026

चलचित्र बादलपारि
ओ.बी.फिल्म्सको ब्यानरमा निर्माण भएको चलचित्र बादलपारि वि.सं. २०५८ साल बैशाख १८ गते प्रदर्शनमा आएको हो। यस चलचित्रलाई उगेन छोपेलले निर्देशन गरेका हुन् भने यसका निर्माता विनोद शेरचन हुन्। चलचित्रको मूल कथा पनि स्वयं निर्माता विनोद शेरचनकै रहेको छ।

चलचित्रमा संबाद बज्रेस खनाल, पटकथा उगेन छोपेल र बज्रेस खनाल मुख्य सहायक निर्देशकको रूपमा राजेन्द्र उप्रेती र कमल मैनालीले काम गरेका छन्।

कलाकारहरू अभिनेता भुवन के।सी।, जल शाह, दिलीप रायमाझी मुख्य भूमिकामा देखिएका छन्। उनीहरूका साथमा वरिष्ठ अभिनेता नीर विक्रम शाह, सुभद्रा अधिकारी, सन्तोष पन्त, रवि शाह, उत्तम के।सी।, उमेश मायालु र रतन सुवेदी जस्ता स्थापित कलाकारहरूको सशक्त अभिनय रहेको छ।

चलचित्रमा वरिष्ठ सङ्गीतकार शम्भुजीत बास्कोटाको सङ्गीत निर्देशन रहेको छ। यसैगरी वसन्त श्रेष्ठको नृत्य निर्देशन, राजेन्द्र खड्गीको द्वन्द्व निर्देशन, हरि रायको छायाङ्कन, रजनीनाथ पन्तको सम्पादन र श्याम नेपालीको ध्वनि चलचित्रमा रहेको छ।

10/06/2026

पहिला चलचित्रको प्रचार यसरी हुन्थ्यो
कतिलाई याद छ ?

10/06/2026

चलचित्र फेरि तिम्रो याद आयो
हाङ्कुज फिल्म प्रोडक्सनको ब्यानरमा विदुर गौतमको प्रस्तुति र मीना शर्मा गौतमको निर्माणमा बनेको चलचित्र फेरि तिम्रो याद आयो वि।सं। २०५८ साल वैशाख १० गते २३ अप्रिल, २००१ प्रदर्शनमा आएको हो। यस चलचित्रलाई रमेश बुढाथोकीले निर्देशन गरेका हुन्। नयनराज पाण्डेको कथा र पटकथा रहेको यस चलचित्रमा कुमार दाहालले सहायक निर्देशकको रूपमा काम गरेका छन्।

कलाकारहरू नयाँ प्रस्तुतीमा अमृतजङ्ग बस्नेत र श्रुति अर्याल, मोनिका र सौरभ कार्की मुख्य भूमिकामा देखिएका छन्। साथमा वरिष्ठ अभिनेता हरिहर शर्मा, सानु ताम्राकार, रामचन्द्र अधिकारी र सुरवीर पण्डितको पनि सशक्त अभिनय रहेको छ। अथिती कलाकारमा गणेश उप्रेती, श्रीषा कार्की, दिनेश डिसी,नबिन श्रेष्ठको अभिनय समेत रहेको छ ।

चलचित्रमा वरिष्ठ सङ्गीतकार शम्भुजीत बास्कोटाको सङ्गीत निर्देशन रहेको छ। चलचित्रका गीतहरू किरण खरेल, नयनराज पाण्डे, रमेश बुढाथोकी र लय सङ्ग्रौलाले लेखेका हुन्। ती गीतहरूमा प्रसिद्ध पार्श्व गायक गायिकाहरू साधना सरगम, दीपा नारायण झा, शान, जसविन्दर नरुला, जोजो र हेमा सरदेसाईको स्वर सजिएको छ।यसैगरी शान्ता नेपाली र राजु शाहको नृत्य निर्देशन, राजेन्द्र खड्गीको द्वन्द्व निर्देशन, रामशङ्कर प्रधानको छायाङ्कन र अनिल गौतमको सम्पादन रहेको छ। गोपाल भुटानीको कला निर्देशन, सरोजिनी श्रेष्ठको कलर, राजकृष्ण श्रेष्ठको डबिंग र महामाया स्टुडियोमा पोस्टप्रोडक्सनको काम गरिएको छ भने पोष्टर डिजाइन विनोद बुढाथोकीले गरेका हुन्।

09/06/2026

चलचित्र नौ डाँडा पारि
चलचित्र नौ डाँडा पारि वि.सं. २०५८ साल वैशाख १ गते १४ अप्रिल, २००१ प्रदर्शनमा आएको हो। यस चलचित्रलाई निर्देशक कृष्णमुरारी ढुङ्गेलले निर्देशन गरेका हुन् भने यसका निर्माताहरू विमल शेरचन र श्रीजना अधिकारी हुन्।

कलाकारहरू दिलीप रायमाझी नयाँ प्रस्तुतीमा सज्जा मैनाली र मनोजकुमार अधिकारी उनीहरूका साथमा गोपालराज मैनाली, रवि शाह, नबिन श्रेष्ठ, उत्तम के.सी., सानु कुमार ताम्राकार, रमा थपालियाको पनि यस चलचित्रमा अभिनय रहेको छ।

चलचित्रमा वरिष्ठ सङ्गीतकार शम्भुजीत बास्कोटाको सङ्गीत निर्देशन रहेको छ भने गीतका शब्दहरू आनन्द अधिकारीले लेखेका हुन्। स्वर शम्भुजीत बास्कोटा, रामकृष्ण ढकाल, देबिका प्रधान, याम बराल, दीपा झा, पबित्रा सुब्बा उमेश पाण्डेको रहेको छ । नृत्य निर्देशक भुवन श्रेष्ठ, द्धन्द निर्देशक एनबि महर्जन, छायांकन मुरारी ठाकुर,अविनाश श्रेष्ठको कथा, पटकथा संबाद र चलचित्रको सम्पादन नरेन्द्र खड्काले गरेका हुन्। ।

09/06/2026

मनीषा कोइरालाको नृत्यकला र नेपाली चलचित्रको पृष्ठभूमि:
मनीषा कोइरालाकी हजुरआमा सुशीला कोइरालाले वाराणसी गएर उदय शंकरलाई गुरु थापी नृत्य सिकिन् र पछि नेपालमा नृत्य स्कुल खोलिन्। बीपी कोइराला जेल परेपछि उक्त नृत्य स्कुल बन्द भयो। तत्कालीन राजा महेन्द्रले त्यस नृत्य स्कुलका लागि सहयोग गरे पनि यसले निरन्तरता पाउन सकेन। यो २०१६ सालको कुरा हो।
विसं २०४५ मा मनीषा कोइराला पहिलो पटक चलचित्रमा काम गर्न पोखरा आइन्। फुर्बा छिरिङ गुरुङको निर्देशन र राजविक्रम शाहको प्राविधिक सल्लाहमा बन्न लागेको उक्त चलचित्रको नाम सुरुमा 'प्रतीक्षा' थियो, जुन पछि 'फेरि भेटौंला' राखियो। चलचित्रको पटकथा र संवाद लेख्ने जिम्मा वरिष्ठ लेखक प्रकाश सायमीले पाउनुभएको थियो, तर उहाँ अर्को चलचित्र 'वाचा बन्धन' मा व्यस्त भएकाले पोखरा जान नसक्ने अवस्था आएको।
'फेरि भेटौंला' मा नायिकाको रूपमा मनीषाले ३०,००० रुपैयाँमा काम गर्ने सहमति भयो। उनको तीस दिनको सुटिङ सकियो र उनी काम सकेर काठमाडौँ फर्किइन्, तर गीतको सुटिङ बाँकी नै थियो। यसैबीच अध्ययनका सिलसिलामा उनी दिल्ली गइन्, त्यसपछि उनको सुटिङ युनिटसँग भेट हुन सकेन। चलचित्रको बाँकी सुटिङ सकियो र मनीषाको संवादमा अर्की कलाकार (शोभिता शाही) ले डबिङ गरिन्। मनीषाको अनुपस्थितिका कारण चलचित्रमा एउटा गीतको सुटिङ हुन सकेन, जसलाई पछि 'प्याचवर्क' प्रयोग गरेर पूरा गरियो।
'फेरि भेटौंला' मा काम गर्न मनीषालाई नेपाली कांग्रेसका कार्यकर्ता दिवस प्रधानाङ्गले कन्भिन्स गरेका थिए। तर, पछि दिवसजीमार्फत पनि काम अघि नबढेपछि निर्माता अरुण कायस्थको एकल प्रयासमा चलचित्र हलमा प्रदर्शन गरियो। काठमाडौँको विश्वज्योति हल पाएपछि चलचित्र चल्ने आशा थियो, तर चलचित्र व्यावसायिक रूपमा असफल (Big Flop) भयो।
'फेरि भेटौंला' पछि मनीषाले नेपाली चलचित्र जगतलाई फर्केर पनि हेरिनन्।
चलचित्रमा आउनुअघि मनीषाले आफ्नै मामा प्रेम उपाध्याय (हाल रास्वपाकी समानुपातिक सांसद विदुषी राणाका पिता) ले निर्माण गरेको 'मेघा' तेलको विज्ञापनमा खेलेकी थिइन्। 'मेघा' प्रसिद्ध उद्योगपति वसन्त चौधरीकी छोरीको नाम हो र यो चौधरी वेलफेयरकै उत्पादन थियो।
नेपालमा पत्रपत्रिकाका लागि मनीषाको पहिलो अन्तर्वार्ता नायिका अंशुमाला शाहीले 'चाँदनी' पत्रिकाका लागि लिएकी थिइन् भने टेलिभिजनका लागि भूषण दाहालले 'इमेज टेलिभिजन' को बिहानी प्रसारणका लागि लिएका थिए। साभार : प्रकाश सायमी
(तस्बिर: मीन रत्न बज्राचार्य)

09/06/2026

HAPPY BIRTHDAY MAHANAYAK
महानायक राजेश हमाललाई जन्मदिनको हार्दिक शुभकामना छ

09/06/2026

चलचित्र इतिहास बुझौं ❤️
प्राईभेट सेक्टरबाट नेपालमा बनेको पहिलो चलचित्रबारे जानकारी सहित कान्छि चलचित्र बारे केही महत्वपूर्ण कुरा यस्तो रहेछ
reviews

08/06/2026

चलचित्र आशीर्वाद १०० दिन मनाउन सफल सुपरहिट
चलचित्र आशीर्वाद वि.सं. २०५८ साल वैशाख १ गते १४ अप्रिल, २००१ प्रदर्शनमा आएको हो। लक्ष्मीपुजा फिल्म्सको दोश्रो प्रस्तुती गोपाल कर्माचार्यको यस चलचित्रलाई वरिष्ठ निर्देशक शम्भु प्रधानले निर्देशन तथा सम्पादन गरेका हुन् भने यसकी मुख्य निर्मात्री देवकुमारी बज्राचार्य हुन्।

चलचित्रको पटकथा तथा संवाद लेखन ब्रजेश खनालले गरेका हुन्,। चलचित्रमा मुख्य सहायक निर्देशकको रूपमा सानु शाक्यले काम गरेका छन् भने अनिल गौतम सह सम्पादकका रूपमा रहेका छन्।

कलाकारहरू राजेश हमाल, राम कृष्ण ढकाल, जल शाह, दिनेश शर्मा, सञ्चिता लुइँटेल, मिथिला शर्मा, मुकुन्द किशोर भट्टराई, नारायण त्रिपाठी, प्रदीप सिँह, जितु नेपाल , दमन रुपाखेती , कृष्ण शिवाकोटी लगायत कलाकारको मुख्य भुमिका रहेको थियो।भने बाल कलाकारहरू सलोन बस्नेत, चङ्की प्रधान, शंशयक प्रधान, रुबी घिमिरे र सचिन कर्माचार्यले बाल कलाकारका साथमा शिव श्रेष्ठ, करिश्मा मानन्धर, रवीन्द्र खड्का, दीपक क्षेत्री, गणेश मुनाल , दीपा झा अतिथि कलाकारका रूपमा प्रस्तुत भएका छन्। अतिथि कलाकारका रूपमा प्रस्तुत भएका छन्।

चलचित्रमा वरिष्ठ सङ्गीतकार शम्भुजीत बास्कोटाको सङ्गीत निर्देशन र फणीन्द्र राईको पाश्र्व सङ्गीत रहेको छ। चलचित्रका गीतहरू कालीप्रसाद रिजाल, दिनेश अधिकारी, रमण घिमिरे, आनन्द अधिकारी, शम्भुजीत बास्कोटा र नवराज लम्सालले लेखेका हुन्। ती गीतहरूमा गायक(गायिकाहरू रामकृष्ण ढकाल, साधना सरगम, दीपा झा, आदित्य नारायण झा, सागरिका, अमे दते र मनि दीपाको स्वर सजिएको छ। चलचित्रको कथा एक संघर्षशील गायकको कथाका रूपमा चित्रण छ
यसैगरी शान्ता नेपालीको नृत्य निर्देशन, राजेन्द्र खड्गीको द्वन्द्व निर्देशन, गोपाल भुटानीको कला निर्देशन र दीक खड्काको छायाङ्कन यस चलचित्रमा रहेको छ।

07/06/2026

चलचित्र औँठा छाप
चराचरपति फिल्म्सको ब्यानरमा निर्माण भएको चलचित्र औँठा छाप वि.सं. २०५८ साल वैशाख १ गते १४ अप्रिल, २००१ प्रदर्शनमा आएको हो। यस चलचित्रको कथा लेखन तथा निर्देशन गोपाल सुबेदीले गरेका हुन् भने यसका निर्मात्रीहरू लीलावती सुबेदी र उमा सुबेदी हुन्।
कलाकारहरू दिनेश शर्मा, प्रिया रिजाल, सपना श्रेष्ठ र दिपर्शन राणा मुख्य भूमिकामा देखिएका छन्।
चलचित्रमा धनकाजी गुरुङ र चिरन बरालको सङ्गीत तथा गीतका शब्दहरू रहेका छन्। ती गीतहरूमा गायक गायिकाहरू रामकृष्ण ढकाल, लोचन भट्टराई, आनन्द कार्की र रीमा गुरुङको स्वर सजिएको छ।यसबारे थप केही नयाँ जानकारी भए लेख्नुहोला

07/06/2026

नेपालमा भएको पहिलो चलचित्र अवार्डमा Best actor को अवार्डमा यस्तो सम्म भएछ !
शिव श्रेष्ठ र भूवन केसीको रोचक प्रशंग सुनौ

CBC

11/06/2026

10/06/2026

10/06/2026

09/06/2026

09/06/2026

09/06/2026

09/06/2026

08/06/2026

07/06/2026

07/06/2026

Address

Telephone

Website

Alerts

Contact The Business

Shortcuts

Share

Category