16/01/2025
काठमाडौँ । ‘मिलिनियम किड्स इन्टरनेशनल २०२५’ मा एकसाथ ४ विजेता छानिए । संसार अनलाइन न्युज
नेपाली बालबालिकाहरुको प्रतिभा प्रस्फुटन गर्न एउटा छुट्टै प्रकारको उक्त प्रतियोगितामा जुनियर केटी, केटा र सिनयर केटी, केटा गरेर एकसाथ ४ विजेता छानिएका हुन् । पुस २७ गते शनिबार जमलस्थित राष्ट्रिय नाचघरमा सम्पन्न प्रतियोगितामा जुनियर केटातर्फ अदृत कुँवर विजेता बन्दा जुनिएर केटीको उपाधि तोरिशा भण्डारीले हात पारिन् ।
त्यस्तै, सिनियर केटातर्फ निर्भय श्रेष्ठ मुख्य विजेता घोषित हुँदा सिनियर केटीतर्फ संस्कृति केसीले शीर्ष उपाधि हात पारिन् । शीर्ष विजेता सबैले उपाधिको साथमा विभिन्न अवसर समेत पुरस्कारको रूपमा प्राप्त गरे । नेपालमा आयोजना हुँदै आएको सौन्दर्य प्रतियोगीताहरु भन्दा भिन्न तवरबाट अन्तर्राष्ट्रिय स्तरको लाइट, स्टेज र साउण्ड सिष्टम सहित आयोजित प्रतियोगितामा जुनियर केटातर्फ सेकेन्ड रनरअप रुसेभ तमाङ, फष्ट रनरअप साश्वत भट्टराई छानिदा जुनियर केटीतर्फ दिप्ता श्रेष्ठ सेकेण्ड रनरअप र इभाना लामा फष्ट रनरअप बने । सिनियर केटातर्फ भने ज्याकोब सापकोटा सेकेण्ड रनर अप, प्रनित महर्जन फष्ट रनरअप बन्दा सिनियर केटीतर्फ इनोसी चौधरी सेकेण्ड रनरअप, रिहाना रिजाल फष्ट रनरअप विजेता बन्न सफल रहे ।
ज्ञानोदय बालबाटिका विद्यालयका प्राइमरी कोअर्डिनेटर मेनका खत्रा, भ्याली भ्यु स्कुलका ईसिए कोअर्डिनेटर सन्तोष चापागाईं, निर्देशक एलसी केटीएम एभेरेष्टका निर्देशक किरण कटुवाल,आरए इभेन्ट म्यानेजमेन्ट कम्पनीका निर्देशक आशिष थापा, बिकम नेपाल प्रोग्रामका म्यानेजर सन्ध्या नकर्मी, सिसिए इभेन्ट स्टुडेन्ट वेयलफेयर अक्षरा स्कुलका लिडर सबरिना मधिकर्मी, नीलिमा मास्के श्रेष्ठ ब्युटिफुल माइन्स प्रि स्कुलका फाउन्डर लगायतका श्रष्टाहरु निर्णायकको रुपमा रहेको प्रतियोगिता रेडियन्ट इभेन्ट म्यानेजमेन्ट एजेन्सीले आयोजना गरेको हो । प्रतियोगिताको कोरियोग्राफी अन्तर्राष्ट्रिय मोडल तथा फेसन कोच राज फैजुले गरेका थिए ।
विभिन्न आकर्षक शैलीमा बालबालिकाको स्टेज प्रस्तुति सहित आयोजित प्रतियोगिता बालबालिकालाई भविष्य निर्माणमा सक्षम बनाउने उद्देश्यले आयोजना गरिएको आयोजक रेडियन्ट इभेन्ट म्यानेजमेन्ट एजेन्सीका प्रबन्ध निर्देशक, अन्तर्राष्ट्रिय मोडल तथा फेसन कोच राज फैजुले जानकारी दिए । प्रतियोगीको ड्रेस डिजाइन श्रीषा बैदारले गरेकी थिइन् । प्रतियोगिताको यो तेस्रो संस्करण हो ।
बुद्धिजीवी, सेलिब्रेटी, उपत्यकाका विभिन्न स्कुलका प्रिन्सिपल विद्यार्थी लगायतको सहभागिता रहेको कार्यक्रमबाट आफूले भरपुर मनोरञ्जन प्राप्त गरेको र कार्यक्रम अन्तर्राष्ट्रिय स्तरको रहेको सहभागीले बताए ।
