07/08/2026
वैदेशिक रोजगारीमा श्रमिक पठाउने कार्य बन्द गर्ने घोषणा
वैदेशिक रोजगार क्षेत्रका विभिन्न नीतिगत सुधारको माग गर्दै नेपाल वैदेशिक रोजगार व्यवसायी सङ्घले आजैदेखि लागू हुने गरी १५ बुँदे माग राखेर वैदेशिक रोजगारीमा श्रमिक पठाउने कार्य बन्द गर्ने घोषणा गरेको छ ।
सङ्घले आज काठमाडौंमा पत्रकार सम्मेलन गरी देशको अर्थतन्त्रमा रेमिट्यान्सको ठूलो योगदान गरीरहेको क्षेत्रमा नीतिगत जटिलता, अव्यावहारिक व्यवस्था र समयसापेक्ष सुधार नहुँदा यो क्षेत्रका समस्या समाधान हुन नसकेको कारण म्यानपावरले कामदार पठाउन बन्द गरेको अध्यक्ष डिकबहादुर खत्रीले जानकारी गराउनुभयो ।
