Harprahar

11/09/2025

जेनजीको आन्दोलनमा आगजनीमा परेको बाँकेको नेपालगञ्ज उपमहानगरपालिकाका ध्वस्त भएका भौतिक सामाग्रीहरुलाई सरसफाइ गरिँदै । तस्बिरः रुपनी जि एम / रासस

11/09/2025

झरिमा छाता

काठमाडौं मनमैजु लोकतान्त्रिक चोक सडकमा पानी परेको बेला छाता ओढेर आफ्नो गन्तव्य जादै सर्वसाधारण ।तस्बिर : हरिराम भेटुवाल

11/09/2025

नुवाकोट जिल्लाका प्रमुख जिल्ला अधिकारीबाट जारी भएको आदेस।

11/09/2025

11/09/2025

काठमाडौं बिहानै पानीको वर्षा हुदा तारकेश्वर १० मनमैजु लोकतान्त्रिक चोक सडक दृश्य ।

11/09/2025

काठमाडौंमा बिहानै वर्षा जनजिवन प्रभावित ।

10/09/2025

नेपाली सेना काठमाडौ ललितपुर भक्तपुर जिल्लाहरुमा निषेधाज्ञा तथा कर्फ्यु सम्बन्धि जानकारी ।

10/09/2025

अखिल नेपाल राष्ट्रिय स्वतन्त्र विधाथी यूनियनको प्रेस विज्ञप्ति।

10/09/2025

काठमाडौंमा कर्फ्यु लागेपछि बुधबार दिउँसो सुनसान दरवारमार्ग- भद्रकाली सम्म सडक दृश्य यस्तो ।

10/09/2025

विमानस्थलमा यात्रुको भीड

आन्दोलनका कारण बन्द भएको त्रिभुवन अन्तर्राष्ट्रिय विमानस्थल बुधबार साँझदेखि सुचारु भएपछि यात्रुहरूको भीड लागिएको छ। तस्बिरः विमलबहादुर बिष्ट

10/09/2025

प्रेस चौतारी नेपालको विज्ञप्ति

जेन्जी पुस्ताको नाममा भएको आन्दोलन पश्चात देशमा उत्पन्न असहज परिस्थितिप्रति प्रेस चौतारी नेपाल गम्भीर बनेको छ । केही महिनाअघि सुरक्षाकर्मीमाथि गाडी चढाउँदा पनि गोली नचलाउने प्रहरीले यसपटकको आन्दोलनमा स्कूले पोशाकमा रहेका विद्यार्थीमाथि गोली चलाउनु, सोहीक्रममा २३ जना निहत्था नागरिकको ज्यान जानु तथा आन्दोलनको दोस्रो दिन प्रधानमन्त्रीले राजीनामा दिएपछि पनि सार्वजनिक सम्पत्ति तथा निजी सम्पत्तिको ठूलो मात्रामा आक्रमण, तोडफोड, आगजनी तथा लुटपाटका घटना हुनुले प्रेस चौतारी नेपाल स्तब्ध भएको छ । यो संकटपूर्ण घडीमा देश र जनतालाई शिरमा राखेर वर्तमान संसद र संविधानकै परिधिमा रहेर सरकार गठन लगायतका प्रक्रिया अगाडि बढाउन तथा संविधान प्रदत्त नागरिक अधिकार, प्रेस तथा अभिव्यक्ति स्वतन्त्रता तथा मानवअधिकारको विश्वव्यापी मान्यताहरुको अभ्यास गर्न हामी अनुरोध गर्दछौं ।

यो आन्दोलनको दौरानमा सञ्चारकर्मी तथा सञ्चारमाध्यममाथि समेत आक्रमणका घटना भएका छन् । जनतालाई सुसूचित गराउन खटिएका सञ्चारकर्मीमाथिको आक्रमणको घटना तथा सञ्चारमाध्यममा भएका तोडफोड, आगजनी र आतंकपूर्ण गतिविधिको हामी कडा शब्दमा भत्र्सना गर्दछौं ।

यसैक्रममा लोकतन्त्रको रक्षा, प्रेस तथा अभिव्यक्ति स्वतन्त्रताको पक्षमा निरन्तर सक्रिय प्रेस चौतारी नेपालका अध्यक्ष गणेश पाण्डे, निवर्तमान अध्यक्ष गणेश बस्नेत र केन्द्रीय सदस्य सुमन ढुंगानालाई जेन्जी पुस्ताको आन्दोलनका नाममा विभिन्न अराजक व्यक्तिहरूबाट धम्की दिइएको घटनाप्रति हामी गम्भीर बनेका छौँ । उहाँहरुसहित अन्य पत्रकार साथीहरुमाथि पनि धम्की तथा चेतावनीहरु आइरहेको विवरण प्राप्त भएका छन् । लोकतन्त्रमा प्रत्येक नागरिकलाई आफ्ना विचार राख्ने पूर्ण अधिकार छ । त्यसैले उहाँहरूमाथिको धम्की लोकतान्त्रिक मूल्य र प्रेस स्वतन्त्रतामाथिको गम्भीर प्रहार भएको हाम्रो निष्कर्ष छ । पत्रकारलाई डरधम्की देखाएर चुप पार्ने प्रयास हामीलाई कदापि स्वीकार्य छैन । यस्ता आपराधिक मनोवृत्तिका व्यक्तिमाथि कानुनी कारबाही गर्न र सुरक्षा प्रदान गर्न हामी राज्यसँग जोडदार माग गर्दछौं ।

प्रेस चौतारी नेपाल प्रेस स्वतन्त्रता, लोकतन्त्र र शान्तिपूर्वक लेख्न तथा बोल्न पाउने अधिकारको पक्षमा निरन्तर लडिरहनेछ । हामी समाचार संकलनका क्रममा घाइते सञ्चारकर्मीहरूको शीघ्र स्वास्थ्य लाभको कामना गर्दै उपचारको यथोचित व्यबस्था गर्न राज्यलाई अनुरोध गर्दछौं । साथै, निर्वाध रूपमा समाचार संकलनका लागि सहज वातावरण बनाउन नेपाली सेनासहित राज्यका सबै निकायलाई अपील गर्दछौं । संकटपूर्ण अवस्थामा पनि समाचार संकलन, प्रकाशन तथा प्रशारणमा संक्रिय सम्पूर्ण पत्रकार तथा सञ्चारमाध्यमप्रति आभार व्यक्त गर्दै सुरक्षित रहेर सञ्चारकर्ममा लाग्नहुन अनुरोध गर्दछौं ।

हिरामान लामा
महासचिव

10/09/2025

काठमाडौं धार्मिक एवं पर्यटकिय स्थल स्वयम्भूनाथ।