11/07/2026
महावीर पुन बाट अन्तर्वार्ता दिनुको प्रष्टीकरण
सामाजिक सञ्जाल मार्फत अन्तर्वार्ता नदिने घोषणा गर्नु भएका मन्त्री महावीर पुन ले अन्तर्वार्ता दिनुको कारण सामाजिक सञ्जाल मार्फत पुन :प्रष्ट्याउनु भएको छ ।उहाँ भन्नु हुन्छ " धेरै साथीहरुको सल्लाह सुझाबको बाबजुद पनि मैले सोसल मिडियाका भाईबहिनीहरुलाई किनअन्तरबार्ता दिने गर्थें भन्ने कुरा सुन्नुहोस् ।
१. मैले धेरै पहिले देखि नै भन्ने गरेको कुरा के थियो भने औंलामा गन्न सकिने केहि मिडियाकर्मीहरु बाहेक अधिकांश मिडियाकर्मी भाइबहिनीहरुको जागीर छैन । कोहि कोहि मिडियाकर्मीहरु पुगिसरी भएर रहरले त्यता तिर लागे होलान। अधिकांस मिडियाकर्मी भाईबहिनीहरु जागीर नभए पछि बाध्य भएर सोसल मिडियालाई आम्दानी गर्न विकल्पको रुपमा केहि कमाई हुन्छ कि भनेर अपनाएका हुन । अनि बिभिन्न रमाइलो सामाग्रीहरु राख्न सक्यो भने कम्तिमा पनि हरेक महिनामा २०, ३० हजार रुपैंया कमाइ पनि हुँदो रहेछ । मैले पनि झन्डै दुई बर्ष देखि मेरो मासिक खर्चको लागि त्यहि उपाय अपनाई रहेको थिएँ र सफल पनि भएको छु । त्यो भन्दा अगाडी बाँच्नको लागि एकदमै घनिष्ट साथीहरुले मलाई सहयोग गरेका हुन् भन्ने कुरा मैले बारम्बार सार्बजनिक रुपमा भनिरहेकै हो। अब मलाई साथीहरुको सहयोग जरुरी छैन । किन भने फेसबुक, युट्युब, ट्विटर जस्ता सोसल मिडियाहरु म सहित आम्दानीको श्रोत नभएको गरीब मिडियाकर्मीहरुको सहारा बनेका छन् ।
२. जीबनयापनको लागि म आफैले पैसा नहुँदा भोगेको दुख कष्ट र तीतो अनुभवको आधारमा मैले सबै भुक्का मिडियाकर्मी भाईबहिनीहरुलाई मानवताको नाताले हृदय देखि नै माया गरेको हो र उनीहरुलाई कुनै भेदभाव नगरिकन सार्बजनिक ठाउँहरुमा, बाटोमा, कार्यक्रम स्थलमा जहाँ र जहिले भेटे पनि उनीहरुको प्रश्नको उत्तर दिएकै हो । मन्त्रालयको मेरो आफिसमा आउन पनि उनीहरुलाई संधै खुला गरेकै हो। मैले उनीहरुको लागि पाँच दश मिनटको अन्तरवार्ता दिंदा उनीहरुले थोरै भए पनि पाकेट खर्च कमाउन सक्छन भने किन नबोलिदिने भनेर अन्तरबार्ता दिए कै हो । मैले अन्तरबार्ता दिने प्रमुख कारण नै यहि थियो । अनि उनीहरुको सोसल मिडिया पेजहरु मैले बेला बेलामा शेयर पनि गरि दिएकै हो ।
३. धरोधर्म र भगवान कसम यो कारण बाहेक मैले ति भाईबहिनीहरुलाई अन्तरबार्ता दिने अर्को कारण नै छैन । उनीहरुले मलाई ठुलो मान्छे बनाउँछन कि भन्ने कुनै आशा गरेकै होइन । यो कुरा मैले धेरै साथीहरुलाई बेलाबेलामा भनेकै हो । तर नतिजा उल्टो आयो । भयो के भने पंचतन्त्रको कथा अनुसार एउटा साधुले मर्न लागेको बाघको बच्चालाई पालेछ र पछि बाघ ठुलो भए पछि यसो भनेछ - '"गुणले गुण खान्छ अब म तँलाई खान्छु भनेर खाएछ।" तर कसैले खुट्टा तानेर रोक्न सक्ने व्यक्ति पटक्कै होइन म र मलाई कसैले ढाल्न सक्दैन ।
४. त्यो अन्तर्वार्ताको दिन पनि ट्राफिक दण्ड जरिवानाको बारेमा मलाई केहि थाहा छैन भनेर बोल्न इन्कार गरेको हो । ५० हजारको कुरा मैले उनीहरु बाट नै सुनेको हो । त्यो कुरा सुने पछि मैले ठट्टा जस्तै गरेर प्रतिक्रिया दिएको हो । दुर्भाग्यबस मैले बोलेको केहि दिन पछि नै त्यो दुखद घटना हुन्छ भन्ने के थाहा त ? दुष्ट मिडियाकर्मीहरु बाट मैले जीन्दगीमा ठुलो पाठ सिकें । त्यसैले अब फटाहा र बैगुनी मिडियाकर्मीहरु बाट म धेरै धेरै पर पन्छिएँ । मेरो कुरा बुझ्ने साथीहरु पनि पन्छिनु होस् । म मिडियामा नबोल्दा मलाई फिटिक्कै घाटा छैन । बरु घाटा मिडियाकर्मीहरुलाई नै हुन्छ । मिडियाकर्मी भाईबहिनीहरु, बाई बाई छ ल! टाटा!!
मृतात्माले शान्ति पाओस् र उनको परिवारलाई मैले पनि सोसल मिडिया बाट जुन महिनामा आएको पैसाले सहयोग गर्नेछु "।
