Lokantar News

15/10/2026

अख्तियार दुरुपयोग अनुसन्धान आयोगले अर्कै व्यक्तिको नाम र हस्ताक्षर प्रयोग गरी झुटो उजुरी दिएको आरोपमा दीपक पुन मगरलाई २ हजार रूपैयाँ जरिवाना गरेको छ ।

आयोगका अनुसार आफूलाई प्रहरीको डीआईजी बताउने व्यक्तिले सहकारीबाट लिएको ऋण भुक्तानी माग्दा मुद्दा मिलाइदिने भन्दै ४० लाख रूपैयाँ मागेको र १५ लाख रूपैयाँ नगद तथा थप चेकसमेत लिएर धम्की दिएको भन्दै एबी राई (आङबाबु राई)को नामबाट आयोगमा उजुरी परेको थियो ।

उक्त उजुरीमाथि अनुसन्धान गर्ने क्रममा उजुरीमा उल्लेखित आङबाबु राईले आफूले उजुरी नदिएको र त्यसमा रहेको हस्ताक्षरसमेत आफ्नो नभएको बयान दिएका थिए ।

विस्तृत :
https://lokaantar.com/story/331376/2026/10/15/governance/ciaa-

15/10/2026

राष्ट्रिय सतर्कता केन्द्रले चालु आर्थिक वर्षमा ४४२ वटा सरकारी निकायको अनुगमन गरेको छ भने अनुशासन उल्लंघन गर्ने ६ हजार ३८५ जना कर्मचारीमाथि कारबाही गर्न सम्बन्धित निकायलाई लेखी पठाएको छ ।

सार्वजनिक सेवा प्रवाहमा ढिलासुस्ती, निर्णय प्रक्रियामा अनावश्यक विलम्ब र कर्मचारीको अनुशासनहीनतामाथि निगरानी बढाएको केन्द्रले विकास निर्माणका आयोजनाको प्राविधिक परीक्षणदेखि बजार अनुगमन गर्ने नियमनकारी निकायको कामकारबाहीसम्म निगरानी गर्न थालेको हो ।

विस्तृत :
https://lokaantar.com/story/331375/2026/10/15/governance/satarkata-kendra-

15/10/2026

नेपाली कांग्रेसको शेरबहादुर देउवा समूहले जनप्रतिनिधिहरूलाई १५औं महाधिवेशनमा स्वतः केन्द्रीय महाधिवेशन प्रतिनिधि बनाउने भएको छ ।

देउवा समूहले पार्टीका तर्फबाट निर्वाचित भएका पालिकाका प्रमुख तथा उपप्रमुख, प्रदेश सांसद, प्रतिनिधि सभा सदस्य र राष्ट्रिय सभा सदस्यहरूलाई स्वतः केन्द्रीय महाधिवेशन प्रतिनिधि बनाउने भएको हो ।

पूरा समाचार लोकान्तरमा:👇

15/10/2026

एसियाली पारा खेलकुदको पाँचौँ संस्करण अक्टोबर १८ देखि २४ तारिख (कात्तिक १ देखि ७ गते)सम्म जापानको आइची–नागोयामा आयोजना हुँदैछ ।

एसियाली खेलकुद प्रतियोगिता (एसियाड)को २०औँ संस्करण आयोजना गरेलगत्तै आइची–नागोयाले एसियाली पारा खेलकुद आतिथ्य गर्न लागेको हो ।

पूरा समाचार लोकान्तरमा:

15/10/2026

नेपाली कांग्रेसको १५ औं महाधिवेशनअन्तर्गत मुस्लिमतर्फ केन्द्रीय सहमहामन्त्रीमा डा. मो. फिरदोश आलम निर्वाचित भएका छन् ।

त्यस्तै, मुस्लिम खुला केन्द्रीय सदस्यमा डा. अताबुल मंसुरी, मो. इर्शाद अन्सारी र अब्दुल रज्जाक गद्दी निर्वाचित भएका छन् । मुस्लिम महिला केन्द्रीय सदस्यमा जमिला खातुन र सकिना खातुन विजयी भएका निर्वाचन समितिले जनाएको छ ।

विस्तृत :
https://lokaantar.com/story/331372/2026/10/15/politics/firdosh-alam-

15/10/2026

नेपाली कांग्रेसका पूर्व प्रमुख सचेतक रहेका श्यामकुमार घिमिरे १५ औं महाधिवेशनबाट केन्द्रीय सदस्य निर्वाचित हुन संघर्ष गरिरहेका छन् ।

खुलातर्फ ४५ जना निर्वाचित हुनेमा उनी ४६ नम्बरमा छन् ।

पूरा समाचार लोकान्तरमा:
https://lokaantar.com/story/331371/2026/10/15/main-news/shyam-ghimire

15/10/2026

अर्थमन्त्री डा. स्वर्णिम वाग्लेले नेपालले भोगेको प्राकृतिक विपत्तिपछिको पुनरुत्थान र जलवायु–उत्थानशील पुनर्निर्माणमा नेपाललाई सघाउन एसियाली विकास बैंकलाई आग्रह गरेका छन् ।

थाइल्याण्डको राजधानी बैंकमा जारी विश्व बैंक र अन्तर्राष्ट्रिय मुद्रा कोषको वार्षिक बैठकमा सहभागी हुन थाइल्याण्डको राजधानी बैंककमा रहेका अर्थमन्त्री डा. वाग्ले र एसियाली विकास बैंकका अध्यक्ष मासातो कान्दाबीचको भेटवार्ता सो आग्रह गरिएको हो ।

विस्तृत :
https://lokaantar.com/story/331370/2026/10/15/economy/finance-minister-wagle-

15/10/2026

म्याक्स टाइगरको क्यान खोल्दा चम्कियो भाग्य !

म्याक्स टाइगरको ‘एनर्जाइज्ड दशैं धमाका २०२६’ मा बुटवलका नरबहादुर ठोकरले यामाहा रे जेडआर स्कुटर र धनगढीका मोहन श्रेष्ठले यामाहा एफजेड एफआई मोटरसाइकल जितेका छन् ।

यसअघि बनेपाका कुमार राज र धादिङका संजोग रिमालले मोटरसाइकल तथा सुर्खेतका किशोर जंग शाहले स्कुटर जितिसकेका छन् ।

५ जना विजेता बनिसकेका छन् भने, अझै धेरै पुरस्कार बाँकीनै छ !

विस्तृत :
https://lokaantar.com/story/331369/2026/10/15/market/max-tiger-

15/10/2026

इन्साइट टेक्नोलोजीलाई ‘एआई इन साइबर सेक्युरिटी’ विधाको अन्तर्राष्ट्रिय अवार्ड

नेपाली साइबर सुरक्षा कम्पनी इन्साइट टेक्नोलोजी प्रालिले ‘एआई इन साइबर सेक्युरिटी’ विधामा अन्तर्राष्ट्रिय अवा.....

15/10/2026

पाकिस्तानको पेसावरमा कक्षा सञ्चालन भइरहेका बेला निजी विद्यालयको छत भत्किँदा २७ जना बालबालिका र एक शिक्षिकाको दर्दनाक मृत्यु भएको छ।

बिहीबार बिहान ८:५० बजे भएको यस हृदयविदारक दुर्घटनामा अन्य १९ जना घाइते भएका छन्। भग्नावशेषमुनि अझै केही विद्यार्थी पुरिएको आशङ्कामा उद्धार कार्य निरन्तर चलिरहेको छ।

गुणस्तरहीन निर्माण र सुरक्षा मापदण्डको चरम लापरवाहीले त्यहाँका स्कुलहरू बालबालिकाको चिहान बनिरहेका छन्। गत असार र साउनमा मात्रै यस्तै दुर्घटनामा परी पाकिस्तानमा १८ जना बालबालिकाले ज्यान गुमाएका थिए।