19/03/2024
रुपन्देहीको कञ्चन र आसपासका स्थानीय तहहरुमा अबैध रुपमा माटो उत्खनन
कञ्चन गाउँपालिकालाई थाहा छैन, वडा कार्यालयलाई पनि थाहा छैन। प्रहरी प्रशासनलाई त झन थाहा हुने कुरै भएन।
तर खेत सम्याउने बहानामा राती दिउस निर्वाध रुपमा ऐलानी जग्गाबाट धमाधम माटो उत्खनन गरी ट्याक्टरमा ओसार पोसार भइरहेको छ।
जग्गा नापजाँच ऐन २०१९ को दफा २, मालपोत ऐन ०३४ को दफा २, मुलुकी देवानी संहिता ऐन २०७४ को दफाहरू २९९, ३०० र ३०१ तथा २०७७ मंसिर १६ गतेको मन्त्रिस्तरको बैठकको निर्णयले सो कार्य नगर्न नगराउन भनेको छ। उक्त निर्देशन सहितको सर्कुलर पत्र पनि सबै स्थानीय तहमा आइपुगेको छ सायद।
तर माटोका किराहरुले आफुलाई पालिकाको प्रतिनीधि, वडाको प्रतिनीधि, आफै प्रहरी बनेर माटोको अबैध कारोवार गरेका छन।
यस किसिमको अबैध रुपमा माटो उत्खनन गर्दा थाहा नपाएको अभिनय गर्न ईलाका प्रहरी कार्यालय रुद्रपुर र मातहतका प्रहरी टोलीले, वडाका जनप्रतिनीधि र कर्मचारी, गाउँपालिकाका जनप्रतिनीधि र कर्मचारीहरुले के कति नगद वा जिन्सीमा सुबिधा लिएका छन?
केही थाहा छ भने कमेन्ट गर्नुस ल
