25/08/2026
फेरि उज्यालो बन्यो खल्ला मसेट्टी
कञ्चनपुरको भीमदत्त नगरपालिका–९ खल्ला मसेट्टीमा आठ दिनदेखि अवरुद्ध विद्युत् सेवा स्थानीयको सामूहिक प्रयासपछि पुनः सञ्चालनमा आएको छ।
गत १ गतेदेखि बन्द रहेको विद्युत् लाइन मर्मतका लागि स्थानीयवासी, नेपाल सशस्त्र प्रहरी बल टुँडिखेलका सुरक्षाकर्मी तथा नेपाल विद्युत् प्राधिकरणबाट खटिएका कर्मचारी र श्रमिकहरूले श्रमदान गरेका थिए। सबैको निरन्तर मेहनतपछि आज बस्तीमा पुनः बिजुली बलेको हो।
लामो समयपछि विद्युत् सेवा सुचारु हुँदा स्थानीयमा खुसी छाएको छ। समस्या समाधानका लागि पहल तथा सहजीकरण गर्ने जिल्ला प्रशासन कार्यालय, नेपाल विद्युत् प्राधिकरण कञ्चनपुर, सुरक्षाकर्मी, वडा जनप्रतिनिधि, प्राविधिक तथा स्थानीय जनसमुदायप्रति पहलकर्ता दिपेन्द्र सिंह ऐरीले धन्यवाद व्यक्त गरेका छन्।
स्थानीय, सुरक्षाकर्मी र प्राधिकरणका कर्मचारीबीचको सहकार्यले सेवा पुनः सञ्चालन गर्न सम्भव भएको ऐरीले बताएका छन्।
