09/10/2025
“स्कुल यस्तै चन्छ ?” — स्थानीय सरकारसँग बिजलपुराबासीको १३ बुँदे शैक्षिक माग
बर्दिबास, असोज २३ गते ।
महोत्तरीको बर्दिबास नगरपालिका–१३ डाँडाटोल बिजलपुरास्थित श्री जनता माध्यमिक विद्यालय ६६ वर्ष पुरानो शैक्षिक संस्था हो । तर, यस विद्यालयको शैक्षिक अवस्था पछिल्ला वर्षमा दिन प्रतिदिन कमजोर हुँदै गएको भन्दै स्थानीय बासिन्दाहरू आन्दोलित भएका छन् ।
शैक्षिक सुधारका लागि ‘बिजलपुरा रूपान्तरण अभियान’ ले असोज १२ गते स्थानीय बासिन्दा, शिक्षक र अभिभावकहरूको सहभागितामा बैठक आयोजना गर्दै विद्यालय प्रशासन र स्थानीय सरकारलाई सम्बोधन गरिएको १३ बुँदे मागपत्र सार्वजनिक गरेको छ।
बैठकका संयोजक राजकरण महतोका अनुसार विद्यालय सुधार अब ढिलो गर्न नहुने भन्दै स्थानीय तहले तत्काल ठोस पहल गर्नुपर्ने माग गरिएको छ।
🔹 स्थानीयको १३ बुँदे माग यस्तो छः
१. विज्ञसहितको विद्यालय व्यवस्थापन समिति गठन प्रक्रिया तत्काल सुरु गर्नुपर्ने।
२. शिक्षण–सिकाइ प्रक्रियाको अनुगमन टोली गठन गरी नियमित अनुगमन गर्नुपर्ने।
३. बाल क्लबहरूलाई सक्रिय बनाउन र नियमितता दिन प्रक्रिया सुरु गर्नुपर्ने।
४. हरेक महिनामा गेस्ट लेक्चर कार्यक्रम सञ्चालन गरी विद्यार्थीलाई प्रेरित गर्नुपर्ने।
५. विद्यालयबाट पास भएका विद्यार्थीहरूको पूर्वविद्यार्थी मञ्च गठन गर्नुपर्ने।
६. प्रधानाध्यापकको पहलमा सर्वपक्षीय बैठक गरी विद्यालय सुधार योजना बनाउनुपर्ने।
७. विद्यार्थीका लागि अक्षय कोष स्थापना गरी छात्रवृत्ति वितरण गर्नुपर्ने।
८. अभिभावक भेला कार्यक्रमलाई नियमित र प्रभावकारी बनाउनुपर्ने।
९. शिक्षक–अभिभावक संघका बैठकहरू नियमित हुनुपर्ने।
१०. विद्यालय सुधारका लागि आमा समूह गठन गरेर टोलस्तरमा सक्रियता बढाउनुपर्ने।
११. विद्यालयको विकासका लागि जनसमुदाय र सरोकारवालाबाट आर्थिक सहयोग जुटाउन समन्वय समिति बनाइनुपर्ने लगायत ।
स्थानीयहरूले विद्यालयको गुणस्तर सुधार बिना नयाँ पुस्ताको भविष्य अन्धकार हुने भन्दै नगरपालिकाले तत्काल ध्यान दिनुपर्ने चेतावनी दिएका छन्।
