https://www.facebook.com/105027106010229/

कालोझोला, Kathmandu, Malangwa (2026)

27/08/2026

संयुक्त अरब इमिरेट्सका क्रिकेट खेलाडी आसिफ खान प्रतिबन्धित पदार्थ सेवनसम्बन्धी नियम उल्लंघन गरेको पुष्टि भएपछि १५ महिनाका लागि प्रतिबन्धमा परेका छन् ।

आसिफले सन् २०२५ सेप्टेम्बर ८ मा गरिएको प्रतियोगिताबाहिरको परीक्षणमा प्रतिबन्धित पदार्थ मेस्टेरोलोनको चयापचयबाट बन्ने पदार्थ प्रयोग गरेको देखिएपछि अन्तर्राष्ट्रिय क्रिकेट परिषद (आइसीसी) को प्रतिबन्धित पदार्थविरुद्धको नियम उल्लंघन गरेको स्वीकार गरेका हुन् ।

३६ वर्षीय आसिफले अन्तर्राष्ट्रिय क्रिकेट परिषद्को प्रतिबन्धित पदार्थसम्बन्धी नियमको धारा २.१ उल्लंघन गरेको स्वीकार गर्दै विश्व प्रतिबन्धित पदार्थ नियन्त्रण निकाय र अन्तर्राष्ट्रिय क्रिकेट परिषद्सँग भएको सहमति सम्झौतामार्फत सजाय स्वीकार गरेको आइसीसीले जनाएको छ ।

उनको प्रतिबन्ध अवधि सन् २०२५ सेप्टेम्बर ८ देखि लागू भएको मानिनेछ र सन् २०२६ डिसेम्बर ७ सम्म रहनेछ । आसिफले सन् २०२६ अक्टोबर ८ देखि टोलीसँग प्रशिक्षण गर्न वा क्लब तथा अन्तर्राष्ट्रिय क्रिकेट परिषद्का सदस्य संस्थाका अभ्यासस्थल प्रयोग गर्न पाउनेछन् । तर प्रतिस्पर्धात्मक क्रिकेटमा भने डिसेम्बर ८ देखि मात्र फर्कन पाउनेछन् ।

नियमअनुसार सन् २०२५ सेप्टेम्बर ८ देखि डिसेम्बर २९ मा अस्थायी प्रतिबन्ध सुरु हुनुअघिसम्म आसिफले खेलेका व्यक्तिगत प्रदर्शनका सबै नतिजा रद्द गरिएको छ । यससँगै उनले प्राप्त गरेका पदक, अंक, पुरस्कार रकम तथा अन्य पुरस्कारसमेत गुमाउनेछन् ।

आसिफले सन् २०२२ मा अन्तर्राष्ट्रिय क्रिकेटमा पदार्पण गरेयता संयुक्त अरब इमिरेट्सका लागि ३८ एकदिवसीय र ५६ ट्वान्टी–२० अन्तर्राष्ट्रिय खेल खेलेका छन् ।
#

27/08/2026

रसुवाको भोटेकोशी नदीमा आएको भीषण बाढीबाट प्रभावित नागरिकको उद्धार, राहत तथा पुनःस्थापनाका लागि सरकारले आर्थिक सहयोग गर्न अपिल गरेको छ ।

सरकारले यसअघि नेपाली बैंकका खाता नम्बर सार्बजनिक गरेकोमा अब विदेशमा रहेका नेपाली तथा नेपालको विपद्को घडीमा सहयोग गर्न चाहने विदेशी नागरिक र संस्थाले सिधै नेपाल सरकारको खातामा सहायता रकम पठाउन सक्ने गरि वेब पोर्टल संचालनमा ल्याएको छ । सहयोगका लागि https://pmdrf.nchl.com.np/ वेब पोर्टल प्रयोग गर्न सकिने सरकारले जानकारी दिएको छ ।

भोटेकोशी बाढीका कारण रसुवा, नुवाकोट, धादिङ र गोरखालगायत जिल्लाका नदी तटीय क्षेत्र प्रभावित भएका छन् । विपद्बाट प्रभावित नागरिकलाई तत्काल सुरक्षित स्थानमा व्यवस्थापन गर्नुका साथै दीर्घकालीन रूपमा पुनःस्थापना गर्न आवश्यक भएकाले सरकारले प्रधानमन्त्री दैवी प्रकोप उद्धार कोष र प्रधानमन्त्री राहत कोषमा आर्थिक सहयोग गर्न आग्रह गरेको हो ।

प्रधानमन्त्री दैवी प्रकोप उद्धार कोष

हिमालयन बैंक लिमिटेड (डलर खाता) - खाता नम्बर : ०१९०५६३१२१००४६

स्ट्यान्डर्ड चार्टर्ड बैंक नेपाल लिमिटेड- खाता नम्बर : ०१०१३२४३८०१, ०२०१३२४३८०१

राष्ट्रिय वाणिज्य बैंक- खाता नम्बर : ११३०१००००३७६२००१, ११३०१०००००००६००६

एभरेस्ट बैंक लिमिटेड- खाता नम्बर : ००१००१०५२००२७०, ००१०११०२२०००१२

नेपाल बैंक लिमिटेड- खाता नम्बर : ००२११६००५१००३९०००००३, ००२००१००५१००३९०००००१

ग्लोबल आइएमई बैंक लिमिटेड- खाता नम्बर : ००४०१०१०००००५७, ००४११०१००००००५

नबिल बैंक- खाता नम्बर : १७१००१७५०५२८५

कृषि विकास बैंक लिमिटेड- खाता नम्बर : ०१००२०१००२९०७०१४

प्रधानमन्त्री राहत कोष

राष्ट्रिय वाणिज्य बैंक- खाता नम्बर : १४३०१०००००२५००६, १४३०१००००११६४००१

सरकारले विपद्बाट प्रभावित नागरिकको उद्धार, राहत तथा पुनःस्थापनामा सहयोग गर्न इच्छुक सबैलाई आफ्नो क्षमताअनुसार तोकिएका खातामा आर्थिक सहयोग गर्न आग्रह गरेको छ । विपद्को समयमा प्राप्त हुने सहयोगलाई प्रभावित नागरिकको तत्काल उद्धार तथा राहतसँगै पुनःस्थापना र पुनर्निर्माणमा उपयोग गरिने सरकारले जनाएको छ ।

27/08/2026

भोटेकोशी नदीमा आएको बाढीका कारण प्रभावित नुवाकोटका बट्टार र त्रिशूली बजार क्षेत्रमा विद्युत् सेवा पुनःसुचारु भएको छ ।

नेपाल विद्युत् प्राधिकरणले वैकल्पिक व्यवस्थामार्फत बालाजु–त्रिशूली र चपली–देवीघाट ६६ केभी प्रसारण लाइनलाई ११ केभीमा चार्ज गरी विद्युत् आपूर्ति सञ्चालनमा ल्याएको हो ।

बाढीका कारण नियमित विद्युत् आपूर्ति प्रणालीमा क्षति पुगेपछि प्राधिकरणले उपलब्ध प्रसारण संरचनाको वैकल्पिक प्रयोग गर्दै प्रभावित क्षेत्रमा विद्युत् सेवा पुनःस्थापना गर्ने काम अघि बढाएको थियो । उक्त व्यवस्थापछि बट्टार, त्रिशूली बजारलगायत आसपासका क्षेत्रमा विद्युत् आपूर्ति सुचारु भएको जानकारी प्राप्त भएको छ ।

प्राधिकरणले बाढीबाट क्षतिग्रस्त विद्युत् संरचनाको मर्मत तथा पुनःस्थापनालाई तीव्रता दिँदै प्रभावित सबै क्षेत्रमा विद्युत् सेवा नियमित बनाउने प्रयास जारी राखेको जनाएको छ ।

27/08/2026

चीनको जिरोङ जिल्लामा पहिरोको जोखिम कायमै रहेका बेला पहिरोले नयाँ ताल बनेपछि अर्को विपद्को खतरा बढेको छ ।

चीनको सञ्चारमाध्यम सिसिटिभीका अनुसार जिरोङ जिल्लामा अझै पहिरो, लेदो पहिरो र आकस्मिक बाढीको जोखिम रहेको छ । आगामी तीन दिनसम्म वर्षा हुने पूर्वानुमान रहेकाले पहिरोबाट थुप्रिएको माटो र ढुंगाले बनेका अस्थिर बाँधका कारण जोखिम थप बढेको हो ।

सिसिटिभीले लिएको भिडियोमा यसअघि पहिरो गएको स्थानमा नयाँ ताल बनेको देखिएको छ । चीनको जिरोङ बन्दरगाहनजिकै, तर नेपालको सीमाभित्र बनेको उक्त ताल भरिदै गएको छ ।

सिसिटिभीले तालमा करिब २० लाख घनमिटर पानी जम्मा भएको र पानी बाहिर बग्नसमेत सुरु भइसकेको उल्लेख छ । आगामी तीन दिनमा थप ३० लाख घनमिटर पानी तालमा जम्मा हुने अनुमान रहेकाले ताल फुट्न सक्ने उच्च जोखिम रहेको सिसिटिभीलाई उल्लेख गर्दै सिएनएनले लेखेको छ ।

27/08/2026

प्रधानमन्त्री वालेन्द्र शाहले आज बाढीबाट अत्यधिक प्रभावित नुवाकोटको विदुर तथा आसपासका क्षेत्रको स्थलगत निरीक्षण गरेका छन् ।

आज बिहान ९: ३० बजे सडकमार्ग हुँदै पूर्वाधार विकासमन्त्री सुनिल लम्सालसहित नुवाकोट प्रस्थान गरेका प्रधानमन्त्री शाह प्रभावित बस्तीहरूको भौतिक अवस्था र क्षतिको अवलोकन पश्चात् काठमाडौँ फर्किएको प्रधानमन्त्रीको सचिवालयले जानकारी दिएको छ ।

बुधबार रसुवाको भोटेकोशी हुँदै आएको बाढीलगत्तै उच्चस्तरीय बैठकहरू आह्वान गरी मातहतका निकायहरूलाई आवश्यक निर्देशन दिनुभएका उहाँले विदुर र त्यस आसपासका बाढी प्रभावित क्षेत्रको प्रत्यक्ष जानकारी लिएका हुन् ।

भ्रमणका क्रममा प्रधानमन्त्रीको टोलीले बाढीबाट पुगेको भौतिक क्षतिको स्थलगत अनुगमन गर्नुका साथै स्थानीय प्रशासन, सुरक्षा निकाय र जनप्रतिनिधिसँग विस्तृत छलफल गरेको थियो।

सो क्रममा प्रधानमन्त्री शाहले विस्थापित परिवारका लागि तत्काल राहत उपलब्ध गराउन, अवरुद्ध सडक तथा पूर्वाधारहरू शीघ्र सञ्चालनमा ल्याउन र दीर्घकालीन पुनर्स्थापनाको कामलाई तीव्रता दिन स्थानीय प्रशासन र सम्बद्ध निकायहरूलाई निर्देशन दिएका थिए । स्थलगत निरीक्षण र आवश्यक निर्देशन पश्चात् प्रधानमन्त्रीको टोली आजै काठमाडौँ फर्किएको छ ।

27/08/2026

वाको भोटेकोशी नदीमा आएको भीषण बाढीका कारण हालसम्म २७० जनाको शव फेला परेको छ ।

नेपाल प्रहरीका अनुसार विहिबार दिउसो साढे १ बजेसम्मको अपडेट अनुसार २७० जनाको शव फेला परेको हो । जसमा रसुवामा १७, नुवाकोटमा १२, धादिङमा २७, चितवनमा १०८, गोरखामा २०, तनहुँमा ९, नवलपरासी पूर्वमा ६२ र नवलपरासी पश्चिममा १५ जनाको शव फेला परेको छ ।

यसैबीच, रसुवाका विभिन्न स्थानमा कार्यरत प्रहरीमध्ये ठूलो संख्या अझै सम्पर्कमा नआएको नेपाल प्रहरीले जानकारी दिएको छ । टिमुरेमा कार्यरत २३ प्रहरीमध्ये १३ जना सम्पर्कमा आएका छन् । रसुवागढीमा कार्यरत ९ जनामध्ये १ जना, स्याफ्रुबेँसीमा कार्यरत ८ जनामध्ये ५ जना, मैलुङमा कार्यरत ८ जनामध्ये ३ जना, बेत्रावतीमा कार्यरत १० जनामध्ये ९ जना र हाकुमा कार्यरत ६ जनामध्ये ५ जना सम्पर्कमा आएका छन् । विवरणअनुसार हालसम्म २८ जना प्रहरी सम्पर्कमा नआएको जनाइएको छ ।

त्यसैगरी, बाढीपछि ३३ देशका ६४४ पर्यटक तथा नेपाली नागरिक अझै सम्पर्कविहीन रहेको नेपाल पर्यटन बोर्डले जानकारी दिएको छ ।

नेपाल पर्यटन बोर्डको बिहीबार दिउँसो १२ बजेसम्मको अपडेट जानकारी अनुसार बाढीमा सबैभन्दा धेरै भारतका १७८ जना सम्पर्कविहीन छन् भने नेपालका १२७ जना पर्यटक सम्पर्कविहीन रहेका छन् । देशअनुसार सम्पर्कविहीन हुने पर्यटकमा भारतका १७८ जना, नेपालका १२७ जना, अमेरिकाका ६५ जना, मलेसियाका ५१ जना, युक्रेनका ५३ जना, अष्ट्रेलियाका ३५ जना, बेलायतका ३३ जना, क्यानडाका २५ जना, सिंगापुरका ९ जना, जर्मनी र रुसका ८- ८ जना रहेको बोर्डले जनाएको छ ।

27/08/2026

एक लाख घुससहित पक्राउ परेका नुवाकोटको म्यागङ गाउँपालिकाका सूचना प्रविधि अधिकृत वीरेन्द्र तामाङविरुद्ध विशेष अदालत काठमाडौँमा मुद्धा दायर भएको छ ।

भुक्तानी रकमको कमिसनमा बार्गेनिङ गर्दै पटक–पटक दुःख हैरानी दिने र घुस माग्ने गरेको सूचना तथा उजुरीका आधारमा अख्तियार दुरुपयोग अनुसन्धान आयोग, टंगालबाट खटिएको टोलीले तामाङलाई सेवाग्राहीबाट एक लाख रुपैयाँ घुस लिइसकेको अवस्थामा उक्त रकमसहित नियन्त्रणमा लिएको थियो ।

अनुसन्धानका क्रममा तामाङले आर्थिक वर्ष २०८२/८३ मा म्यागङ गाउँपालिका, नुवाकोटअन्तर्गत सौर्य सडक बत्ती खरिद तथा जडानको काममा सहजीकरण गरिदिएबापत सेवाग्राहीसँग घुस मागेर एक लाख रुपैयाँ लिएको पुष्टि भएको अख्तियारले जनाएको छ ।

उक्त कार्य भ्रष्टाचार निवारण ऐन, २०५९ को दफा ३ बमोजिमको कसुर भएको भन्दै अख्तियारले तामाङविरुद्ध एक लाख रुपैयाँ बिगो कायम गरी कैद तथा बिगो बराबर जरिवाना मागदाबी गरेको छ । अख्तियारले आज विशेष अदालत, काठमाडौंमा तामाङविरुद्ध आरोपपत्र दायर गरेको जनाएको छ।

27/08/2026

रसुवाको भोटेकोशी नदीमा आएको बाढीपछि ३३ देशका ६४४ पर्यटक तथा नेपाली नागरिक अझै सम्पर्कविहीन रहेको नेपाल पर्यटन बोर्डले जानकारी दिएको छ ।

नेपाल पर्यटन बोर्डको बिहीबार दिउँसो १२ बजेसम्मको अपडेट जानकारी अनुसार बाढीमा सबैभन्दा धेरै भारतका १७८ जना सम्पर्कविहीन छन् भने नेपालका १२७ जना पर्यटक सम्पर्कविहीन रहेका छन् ।

देशअनुसार सम्पर्कविहीन हुने पर्यटकमा भारतका १७८ जना, नेपालका १२७ जना, अमेरिकाका ६५ जना, मलेसियाका ५१ जना, युक्रेनका ५३ जना, अष्ट्रेलियाका ३५ जना, बेलायतका ३३ जना, क्यानडाका २५ जना, सिंगापुरका ९ जना, जर्मनी र रुसका ८- ८ जना रहेको बोर्डले जनाएको छ ।

त्यस्तै, लात्भिया र दक्षिण अफ्रिकाका ६-६ जना, जापान र न्यूजील्याण्डका ५-५ जना, फ्रान्सका ४ जना, बेल्जियम र स्पेनका ३-३ जना, इटाली, आयरल्याण्ड, काजकिस्तान, नेदरल्याण्डस, पोर्चुगलका २-२ जना सम्पर्कविहिन रहेका छन् ।

त्यसैगरी, बेलारुस, बुल्गेरिया, हंगेरी, इजरायल, लिथुआनिया, फिनल्याण्ड, फिलिपिन्स, सर्बिया, स्विडेन र स्वीजरल्याण्डका एक एक पर्यटक सम्पर्कविहीन रहेको बोर्डले जनाएको छ । बोर्डले कुल ६४४ जना बाढीपछि हालसम्म फेला नपरेका वा सम्पर्कमा नआएका व्यक्तिका रूपमा राखिएको जनाएको छ ।

27/08/2026

परराष्ट्रमन्त्री शिशिर खनालले बंगलादेशका विदेशमन्त्री डा. खलिलुर रहमानसँग टेलिफोन वार्ता गरेका छन् ।

वार्ताका क्रममा दुवै विदेशमन्त्रीले विपद्पछि जारी खोज, उद्धार तथा राहत कार्यबारे छलफल गरेका छन् । परराष्ट्रमन्त्री खनालले बंगलादेश सरकारले नेपाललाई सहयोग गर्ने प्रस्ताव गरेकोमा धन्यवाद दिएका छन् । आवश्यक पर्ने विशेष सहयोगका विषयमा नेपालले बंगलादेशसँग निकट समन्वय कायम राख्ने पनि उनले बताएको मन्त्रालयले जनाएको छ ।

27/08/2026

जल तथा मौसम विज्ञान विभागले जनैपूर्णिमाको दिन देशका विभिन्न धार्मिक तथा पर्यटकीय क्षेत्रमा वर्षाको सम्भावना रहेको जनाएको छ ।

विभागको विशेष मौसम पूर्वानुमानअनुसार शुक्रबार रसुवाको गोसाइँकुण्ड क्षेत्रमा दिउँसो धेरै ठाउँमा अपराह्नदेखि मध्यम वर्षाको सम्भावना छ भने राति केही ठाउँमा मध्यम वर्षा तथा एक–दुई ठाउँमा भारी वर्षा हुनसक्ने पूर्वानुमान गरेको छ ।

त्यसैगरी, सिन्धुपाल्चोकको पाँचपोखरी क्षेत्रमा शुक्रबार दिउँसो धेरै ठाउँमा अपराह्नदेखि मध्यम वर्षा तथा राति धेरै ठाउँमा मध्यम र एक–दुई ठाउँमा भारी वर्षाको सम्भावना रहेको विभागले जनाएको छ ।

त्यस्तै, दोलखाको जटापोखरी क्षेत्रमा शुक्रबार दिउँसो केही ठाउँमा अपराह्नदेखि मध्यम तथा राति केही ठाउँमा मध्यम र एक–दुई ठाउँमा भारी वर्षाको सम्भावना छ भने शनिबार पनि उक्त क्षेत्रमा वर्षाको सम्भावना कायमै रहनेछ ।

यसैगरी, बाजुराको बडीमालिका, काठमाडौंको मणिचूड दह, जुम्लाको दानसाँघु, नवलपरासीको त्रिवेणीधाम, दोलखाको शैलुङ, धनुषाको जनकपुरधाम र ललितपुरको कुम्भेश्वर मन्दिर क्षेत्रमा पनि शुक्रबार र शनिबार विभिन्न समयमा हल्कादेखि मध्यम वर्षाको सम्भावना रहेको विभागले जनाएको छ ।

विभागले धार्मिक तथा पर्यटकीय क्षेत्रमा जाने सर्वसाधारणलाई मौसमको अवस्थाबारे जानकारी लिएर यात्रा गर्न आग्रह गरेको छ । विशेषगरी गोसाइँकुण्ड, पाँचपोखरी र जटापोखरी क्षेत्रमा एक–दुई स्थानमा भारी वर्षा हुनसक्ने भएकाले सतर्कता अपनाउन आवश्यक देखिएको छ ।

कालोझोला

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

Address

Website

Alerts

Shortcuts

Share

Category

Listing takedown request