https://www.facebook.com/178612312292093/

Rubaru News, Nepalganj (2026)

08/09/2026

बाढी प्रभावित बालबालिकालाई जमिअत ओलमा–ए–नेपालको न्यानो कपडा सहयोग
काठमाडौंको ठूलो भर्‍याङस्थित एलो गुम्बामा आयोजित एक कार्यक्रममा बाढीबाट प्रभावित बालबालिकाहरूलाई न्यानो कपडा वितरण गरिएको छ।
जमिअत ओलमा–ए–नेपालको पहलमा आयोजित कार्यक्रममा बाढी प्रभावित बालबालिकालाई आवश्यक न्यानो कपडा सहयोग गरिएको हो।
विपद्का कारण प्रभावित परिवारका बालबालिकालाई राहत तथा सहयोग पुर्‍याउने उद्देश्यले गरिएको यस कार्यले मानवीय सहयोग र सामाजिक सद्भावको सकारात्मक सन्देश दिएको छ।

08/09/2026

भोटेकोशी बाढीको विषयमा जातीय सद्भाव खलबल्याउने अभिव्यक्ति दिने एक जना पक्राउ

रसुवाको भोटेकोशीमा भदौ १० गते आएको बाढीपछि खुशी हुँदै भिडियो बनाएको आरोपमा एक युवक पक्राउ परेका छन्।

नेपाल प्रहरी साइबर ब्यूरोले शनिबार बैतडीको सुर्नया गाउँपालिका-७ स्थायी घर भई हाल काठमाडौंको चन्द्रागिरी नगरपालिका-१२ बलम्बु बस्ने २४ वर्षीय बिरेन्द्र मडैलाई पक्राउ गरेको हो।

उनीमाथि बाढीपछि विभिन्न जातजातिलाई लक्षित गरी होच्याउने, अपमान गर्ने तथा बाढीबाट भएको विपत्तिमा खुशी मनाएको आरोप छ। उनले बाढीबाट भएको जनधनको क्षतिसम्बन्धी विभिन्न जातजातिलाई लक्षित आपत्तिजनक सामग्री फेसबुक रिलमार्फत प्रसारण गरेका थिए।

मडैविरुद्ध विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा काठमाडौं जिल्ला अदालतबाट म्याद थप गरी अनुसन्धान भइरहेको ब्यूरोले जनाएको छ।

08/09/2026

आज ‘जेनजी शहीद दिवस’
काठमाडौं — आज भदौ २३ गते नेपालमा पहिलोपटक ‘जेनजी शहीद दिवस’ मनाइँदैछ। यस अवसरमा सरकारले देशभर सार्वजनिक बिदा दिएको छ।

सरकारको निर्णयअनुसार आज देशभरका सरकारी तथा सार्वजनिक कार्यालय, सार्वजनिक संस्थानलगायत सरकारी निकाय बन्द रहनेछन्। ‘जेनजी शहीद दिवस’का अवसरमा शहीदहरूप्रति सम्मान तथा सम्झना व्यक्त गर्न आज पहिलोपटक ‘जेनजी शहीद दिवस’ मनाइँदै ।

07/09/2026

नेपाल पर्यटन बोर्डमा सोमबार साँझ गरिएको दीप प्रज्ज्वलन । रसुवाको भोटेकोशी बाढीमा ज्यान गुमाएकाहरूप्रति श्रद्धाञ्जली अर्पण, सम्पर्कविहीनको शीघ्र उद्धार र सकुशलताको कामना गर्दै दीप प्रज्ज्वलन गरिएको हो ।

07/09/2026

डिप्लोमा तहका वार्षिक/सेमेस्टर परीक्षा स्थगित

प्राविधिक शिक्षा तथा व्यावसायिक तालिम परिषद् (CTEVT), परीक्षा नियन्त्रण कार्यालय, सानोठिमी भक्तपुरले डिप्लोमा/प्रमाणपत्र तहका वार्षिक तथा सेमेस्टर प्रणालीअन्तर्गतका नियमित/आंशिक परीक्षाहरू स्थगित गरेको छ।

कार्यालयले विशेष परिस्थितिका कारण परीक्षा स्थगित गरिएको जनाएको छ। यसअघि प्रकाशित परीक्षा तालिकाअनुसार २०८३ भदौ २३ गते बिहान ७ बजेदेखि सञ्चालन हुने परीक्षासमेत स्थगित गरिएको सूचनामा उल्लेख छ।

स्थगित परीक्षाको नयाँ परीक्षा तालिका तथा परीक्षा केन्द्रसम्बन्धी सूचना पछि प्रकाशित गरिने CTEVT परीक्षा नियन्त्रण कार्यालयले जनाएको छ।

विद्यार्थीहरूलाई नयाँ परीक्षा तालिका सार्वजनिक नभएसम्म सम्बन्धित सूचनामा ध्यान दिन आग्रह गरिएको छ।

07/09/2026

काठमाडौं : रसुवा, नुवाकोट, धादिङलगायत जिल्लामा बाढी तथा प्राकृतिक विपत्तिबाट प्रभावित परिवारहरूको उद्धार, राहत तथा पुनर्स्थापनाका लागि सुफ्फा एकेडमी नेपालले रु. ४ लाख सहयोग गरेको छ।

सुफ्फा एकेडमी नेपालले बाढी तथा प्राकृतिक विपत्तिबाट प्रभावित नागरिकलाई राहत पुर्‍याउने उद्देश्यले प्रधानमन्त्री दैवी प्रकोप उद्धार कोषमा रु. ४,००,००० (चार लाख रुपैयाँ) सहयोग गरेको हो।

विपद्को समयमा पीडित परिवारको साथमा उभिँदै राहत तथा पुनर्स्थापनाका लागि गरिएको यस सहयोगले प्रभावित परिवारलाई केही राहत पुग्ने अपेक्षा गरिएको छ।

07/09/2026

नुवाकोटको विदुर नगरपालिका–१० स्थित सूर्यविनायक सुनचाँदी पसलबाट बाढीपछि फेला परेको सुनचाँदीका गरगहना तथा नगद रकम प्रहरीले सम्बन्धित धनीलाई जिम्मा लगाएको छ।

बाढी प्रभावित क्षेत्रमा खोज तथा उद्धार कार्यमा खटिएको नेपाल प्रहरीको टोलीले सुनचाँदीका गरगहना र नगद फेला पारेको थियो। प्रहरीले आवश्यक कानुनी प्रक्रिया पूरा गरेपछि उक्त सामग्री सम्बन्धित धनीलाई बुझाएरको छ।

विपद्को समयमा उद्धारसँगै नागरिकको सम्पत्तिको संरक्षण र सुरक्षित फिर्ता गर्ने प्रहरीको यो कार्यले इमानदारी र जिम्मेवारीको सकारात्मक उदाहरण प्रस्तुत गरेको छ।
तस्वीर : नेपाल प्रहरी

07/09/2026

पाकिस्तानले नेपाललाई पठायो १०० टन मानवीय सहायता सामग्री

पाकिस्तानी प्रधानमन्त्रीको निर्देशनमा राष्ट्रिय विपद् व्यवस्थापन प्राधिकरण (एनडीएमए) को समन्वयमा टेन्ट, कम्बल, म्याट, सरसफाइ सामग्री र औषधिसहितको सहायता सामग्री पठाइएको छ ।

07/09/2026

आज राष्ट्रिय शोक दिवस
नेपालभरका सरकारी कार्यालय र विदेशस्थित नेपाली दूतावास तथा नियोगहरूमा नेपाली झण्डा आधा झुकाइने छ ।

भोटेकोसी बाढीमा मृत्युवरण गर्ने व्यक्तिहरूको सम्मानस्वरुप उक्त घटना भएको १३ औं दिनको पुण्यतिथी पारेर सरकारले शोक दिवस मनाउन लागेको हो ।

सरकारले आज भदौ २२ गते सार्वजनिक बिदा नभएको स्पष्ट पारेको छ । राष्ट्रिय शोकलाई सार्वजनिक बिदाका रूपमा नबुझ्न सरकारले आग्रह गरेको छ ।

06/09/2026

काठमाडौंमा रात्रि यातायात विस्तारको तयारी, २८ बस र ६ नयाँ रुट प्रस्ताव

काठमाडौंमा रात्रिकालीन सार्वजनिक यातायातलाई थप व्यवस्थित र प्रभावकारी बनाउन २८ वटा बस सञ्चालन गर्ने तथा ६ वटा नयाँ रुट थप गर्ने प्रस्ताव अघि सारिएको छ।

काठमाडौं महानगरपालिकाले अन्तरनगर यातायात सञ्जाललाई विकास गर्दै स्थानीय तहहरूको सहभागिता सुनिश्चित गरेर सेवा विस्तार गर्ने तयारी गरेको छ। कार्यवाहक प्रमुख सुनिता डंगोलले अन्तरनगर यातायात सञ्जाल विकासका लागि सम्बन्धित स्थानीय तहलाई समेत सहभागी गराएर सेवा सञ्चालन गरिने बताएकी छन्।

परीक्षणकालीन रात्रि यातायात सेवाको तीन महिनाको समीक्षा प्रतिवेदनअनुसार उक्त अवधिमा ६६ हजार ९५२ यात्रुले सेवा लिएका छन्। एउटा बसले दैनिक औसत १४२ यात्रु बोक्ने गरेको पाइएको छ।

प्रतिवेदनअनुसार एउटा बसबाट दैनिक औसत रु. ३ हजार १३४ आम्दानी हुने गरेको छ भने सञ्चालन लागत दैनिक रु. ४ हजार ८१४ रहेको छ। यस आधारमा प्रति बस दैनिक करिब रु. १ हजार ६९० घाटा, अर्थात् करिब ३५ प्रतिशत घाटा भइरहेको देखिएको छ।

अध्ययनले राति ८ देखि ९ बजेसम्म यात्रुको चाप सबैभन्दा बढी (४१.५६ प्रतिशत) रहने देखाएको छ। उक्त समयमा कार्यालयबाट ढिलो फर्कने कर्मचारी, श्रमिक तथा दैनिक ज्यालादारी गर्ने मजदुरहरूको संख्या उल्लेख्य रहेको प्रतिवेदनमा जनाइएको छ।

Rubaru News

08/09/2026

08/09/2026

08/09/2026

07/09/2026

07/09/2026

07/09/2026

07/09/2026

07/09/2026

07/09/2026

06/09/2026

Address

Telephone

Website

Alerts

Contact The Business

Shortcuts

Share

Category

Listing takedown request