10/07/2026
२५ वर्षीय गणेश नेपालीले किन रोजे आत्मदाहको बाटो?
विदेश जाने सपना बोकेर राजधानी काठमाडौँमा पठाओ चलाउँदै जीविकोपार्जन गरिरहेका २५ वर्षीय गणेश नेपालीले आफ्नै शरीरमा पेट्रोल खन्याएर आगो लगाएको घटनाले देशलाई स्तब्ध बनाएको छ।
प्रारम्भिक रूपमा सार्वजनिक भएका विवरणअनुसार, आर्थिक अभाव र ठूलो जरिवानाको दबाबले उनी गम्भीर मानसिक तनावमा पुगेका थिए। दैनिक गुजाराका लागि संघर्ष गरिरहेका नागरिकमाथि अत्यधिक जरिवाना र प्रशासनिक दबाबले कस्तो असर पार्न सक्छ भन्ने प्रश्न यो घटनाले फेरि उठाएको छ।
हजार–पन्ध्र सय रुपैयाँसमेत सहजै तिर्न नसक्ने अवस्थामा रहेका नागरिकलाई २५ हजार रुपैयाँसम्मको जरिवानाको त्रास देखाएर राज्यले कस्तो सुशासन स्थापित गर्न खोजेको हो भन्ने विषयमा व्यापक बहस आवश्यक देखिन्छ।
यस घटनाको निष्पक्ष छानबिन गर्दै वास्तविक कारण सार्वजनिक गरिनुपर्छ। साथै, यस्ता दुःखद घटना दोहोरिन नदिन राज्यले गरिब तथा श्रमिक नागरिकप्रति संवेदनशील नीति अवलम्बन गर्नु आजको आवश्यकता हो।
