04/09/2025
आज मिति २०८२।०५।१९ गते निजगढ नगरपालिकाको सभाहलमा निजगढ नगरपालिकाको नगर सभाको सोह्रौ अधिवेशनको बैठक निजगढ नगरपालिकाका नगर प्रमुख सुरथ पुरि ज्यु को अध्यक्षतामा बसि विविध प्रस्तावहरु पारित गरि सम्पन्न भयो। बैठकमा निजगढ नगरपालिकाका उपप्रमुख तथा नगर सभाका उपाध्यक्ष श्री सोम माया थिङ्ग र निजगढ नगरपालिकाका प्रमुख प्रशासकीय अधिकृत तथा नगर सभाका सचिव श्री राजेन्द्र बहादुर अर्याल, नगर सभाका सदस्यहरु, नगर कार्यपालिकाको कार्यालय, निजगढमा कार्यरत कर्मचारीहरु, समेतको उपस्थिति रहेको थियो।उक्त नगरसभामा निजगढ नगरपालिकाका नगर प्रमुख एवं सभाका अध्यक्ष श्री सुरथ पुरीद्वारा निजगढ नगरपालिकाको नीति तथा कार्यक्रम प्रस्तुत गर्नु भयो । नगरसभामा नगरसभाकी उपाध्यक्ष एवं नगर उपप्रमुख श्री सोममाया थिङ्गद्वारा निजगढ नगरपालिकाको आ.व. २०८२।०८३ को लागि रु.१,०१,०३,१४,१५३/- (एक अर्व एक करोड तीन लाख चौध हजार एक सय त्रीपन्न मात्र), बजेट प्रस्तुत गर्नुभयो । यस अघि उपप्रमुखद्वारा टेवल गरिएको निजगढ नगरपालिकाको नीति तथा कार्यक्रम, निजगढ नगरपालिकाको आर्थिक विधेयक ,२०८२ निजगढ नगरपालिकाको विनियोजन विधेयक,२०८२, र निजगढ नगरपालिकाको लैङ्गिक समानता तथा सामाजिक समावेशीकरण नीति २०८२ टेवुल भएकोमा उक्त प्रस्तावहरुलाई निजगढ नगरपालिका वडा नं. ४ का वडा अध्यक्ष श्री विसन सापकोटा, वडा नं.६ .का वडा अध्यक्ष श्री घनश्याम तिमल्सिना, वडा नं. ८ का वडा अध्यक्ष श्री स्वर्ण लामाले समर्थन गर्नुभएको थियो । नगरसभामा नगरसभाका सदस्यहरु श्री कुमार मोक्तान, मेघराज वाइवा, धन वहादुर थापा, रेणुकुमारी दर्जी, शम्भु थोकरले आफ्नो सुझावहरु नगर सभा समक्ष राख्नुभएको थियो ।सभाका अध्यक्षद्वारा बैठकमा टेवल गरिएको प्रस्तावहरु निर्णयार्थ पेश गर्नुभएकोमा उक्त प्रस्तावहरुमा नगर सभा सदस्य ज्यूहरुको समर्थन रहेको भनि नगर सभा अध्यक्षद्वारा प्रस्तावहरु सर्वसहमतिले पास भएको घोषणा गर्नुभयो । नगर प्रमुखद्वारा नगर सभा सम्पन्न गर्न सहयोग गर्नुहुने सबैलाई धन्यवाद व्यक्त गर्दै सभाको आजको बैठकको अन्त्य गर्नुभएको थियो ।
