07/02/2025
पाँचौं वार्षिकोत्सवको अवसरमा जारी शुभकामना सन्देश ।
सानीभेरी सामुदायिक विकास केन्द्र द्वारा संचालित रेडियो मौराखारा एफ.एम. पाँचौं वर्ष पुरा गरी छैटौं वर्षमा प्रवेश गरेको छ । यस अवसरमा आम श्रोता¸ स्थानीय सरकार¸ विज्ञापनदाता¸ सहयोगी संघ संस्था¸ रेडियोमा कार्यरत पत्रकार तथा कर्मचारी हाम्रो शभेच्छुक तथा शुभचिन्तकहरुमा हार्दिक शुभकामना व्यक्त गर्दछौं ।
२०७६ साल माघ २५ गते प्रशारणमा आई फाल्गुन २ गते प्रतिनिधि सभाका संसद तथा नेपाल सरकारका पूर्व अर्थमन्त्री माननीय जनार्दन शर्माबाट विधिवत रुपमा उद्घाटन भई प्रशारण सुरु गरेको रेडियो मौराखाराले हाल सम्म सूचना¸ मनोरञ्जन¸ विकास र विचार प्रवाहको माध्यमबाट आम श्रोताहरुको महत्वपूर्ण माध्यम बनेको छ ।
रेडियो मौराखारा एफ.एम.को पाँचौं वार्षिक उत्सबको अवसरमा देशमा संघीयता कार्यन्वयन संगै स्थापना भएका स्थानीय सरकारमा सुशासन कायम गराउने अभियानमा रेडियो मौराखराको माध्यबाट सहयोग गर्ने¸ राम्रा कामको प्रचारप्रसार गर्ने र अनियमितताको शसक्त भण्डाभोर गर्ने अभियानलाई पनि हामी निरन्तरता दिइरहेका/दिइरहने छौं । साथै सामाजिक परिवर्तन¸ स्थानीय मौलिक कला संस्कृतिको जगेर्ना¸ स्थानीय प्रतिभाको प्रष्फुटन¸ जनहितकारी तथा कल्यानकारी सन्देश¸ अत्यावश्यकिय सूचना प्रवाह जस्ता कार्यहरु निरन्तर रुपमा अगाडि बढाइरहेको छ ।
रेडियो मौराखारा एफ.एम. का माध्यमबाट रुकुम (पश्चिम) जिल्ला तथा विशेष गरी सानीभेरी गाउँपालिकाबासी नागरिकलाई सूचना, मनोरञ्जन र चेतना अभिवृद्धि गराउने महान लक्ष्यमा हामी कहिले पनि विचलित नभई अहोरात्र खटिने प्रतिवद्धता व्यक्त गर्दछौं । हाम्रो लक्ष्य तथा अभियानमा सबैबाट सहयोगको अपेक्षा समेत गरेका छौं । पछिल्लो समय एफ.एम. रेडियो कमजोर आर्थिक अवस्थाबाट गुज्रिरहेकाले हाम्रा शुभचिन्तक तथा सरकारबाट सहयोगको आशा राखेका छौं । अन्त्यमा छैटौं वर्ष प्रवेशको अवसरमा हामीलाई यहाँ सम्म आउनको लागि सहयोग गर्ने हाम्रा आम श्रोता¸ विज्ञापनदाता¸ सानीभेरी गाउँपालिका सरकार¸ अन्य सरकारी कार्यालयहरु, सहयोगी संघसंस्था साझेदारी संचार माध्यमहरु¸ रेडियोमा आवद्ध पत्रकार तथा कर्मचारी¸ हाम्रा सुभेच्छुक तथा शुभचिन्तकहरुमा हार्दिक आभार सहित धन्यबाद ज्ञापन गर्दछौं ।
२५ माघ २०८१ ।
नारायण ओली राम बहादुर विष्ट
स्टेशन प्रमुख अध्यक्ष
रेडियो मौराखारा एफ.एम. सानीभेरी सामुदायिक विका केन्द्र
