04/01/2024
स्याङ्जाको सदरमुकाममा रहेको मालेबगरमा हुने मेला, जात्रा खेलकूद लगायत हरेक कार्यक्रममा विद्यालयका बालबालिकाको अनुचित प्रयोग भइरहेको छ । आज भइरहेको आँधीखोला महोत्सवमा पनि विभिन्न विद्यालयबाट विद्यालय ड्रेसमा विद्यार्थीको उपस्थिति देखिन्थ्यो । मालेबगरको फुङ्फुङ उड्ने धुलोले कलिला बालबालिकाको मानव स्वास्थ्यमा पार्ने दीर्घकालीन प्रभावबारे नियामक निकाय बेखबर देखिएका छन् । आयोजकलाई पैसा कमाउने हतारोले होला, सायद यस पक्षमा उहाँहरूको ध्यान पुगेको देखिँदैन । महोत्सव गर्नु भनेको मानव स्वास्थ्य बिगार्नु होइन, अनि सङ्ख्या बढी देखाउन कलिला बालबालिकाको प्रयोग गर्नु कति उचित हो ? तपाईँहरूले आफ्नो व्यापारिक प्रयोजन पूरा गर्नका लागि कम्तीमा स्वस्थ र सुरक्षित बाँच्न पाउने बालबालिकाको अधिकारमाथि खेलबाड नगरदिनोस् । महोत्सवको पहिलो दिनमै मानिसहरू नाक थुन्दै हिडिरहेको दृश्यलाई कार्यक्रममा उपस्थित प्रमुख जिल्ला अधिकारी, मेयर, आयोजक च्याम्बर्स अफ कमर्स, विभिन्न पालिका प्रमुख, कार्यालय प्रमुख सबैले टुलुटुलु हेरिरहेको शोभनीय देखिएन ।
