02/09/2026
बाढीपछि प्रभावितलाई राहत र पुनर्स्थापनामा निम्न स्वास्थ्य सावधानी अपनाऔं
१. स्वच्छ खानेपानी पिलाऔँ — बाढी प्रभावितलाई शुद्ध र उमालेको पानी उपलब्ध गराऔँ।
२. पोषिलो खाना खुवाऔँ — जंकफुडभन्दा दाल, चामल, चिउरा, गेडागुडीजस्ता पोषणयुक्त खाद्यान्न वितरण गरौँ।
३. सरसफाइमा ध्यान दिऔँ — साबुनपानीले नियमित हात धुने व्यवस्था गरौँ र बासस्थान सफा राखौँ।
४. शौचालयको व्यवस्था गरौँ — खुला ठाउँमा दिसापिसाब गर्न नदिऔँ। अस्थायी शौचालयको व्यवस्था गरौँ।
५. संक्रामक रोगबाट सावधान रहौँ — झाडापखाला, बान्ता, भाइरल ज्वरो, ६.डेंगीलगायत रोगको जोखिमबाट बच्न विशेष सावधानी अपनाऔँ।
७. लामखुट्टे र सर्पदंशबाट जोगिऔँ — पानी जम्न नदिऔँ, शरीर ढाक्ने कपडा लगाऔँ र जोखिमयुक्त स्थानमा सावधानी अपनाऔँ।
८. बालबालिका, गर्भवती, वृद्धवृद्धा र दीर्घरोगीलाई प्राथमिकता दिऔँ।
९. नियमित औषधि उपलब्ध गराऔँ — मधुमेह, उच्च रक्तचाप, मुटुरोगलगायत दीर्घरोगीलाइ अत्यावश्यक औषधिको व्यवस्था गरौँ।
१०.प्राथमिक उपचारको व्यवस्था गरौँ — प्रभावित क्षेत्रमा आवश्यक औषधिसहितको स्वास्थ्य सामग्री र उपचार सेवा उपलब्ध गराऔँ।
११. जंगली जनावरबाट सावधान रहौँ — जंगल तथा जोखिमयुक्त क्षेत्रमा विस्थापित भएकाहरूले विशेष सतर्कता अपनाऔँ।
१२. मानसिक स्वास्थ्यलाई पनि प्राथमिकता दिऔँ — विपत्तिबाट प्रभावित तथा आफन्त गुमाएकालाई मनोपरामर्श र भावनात्मक सहयोग प्रदान गरौँ।
१३. एक–अर्कालाई साथ दिऔँ — विपत्तिको समयमा सहयोग, सहकार्य र मानवीय संवेदना कायम राखौँ।
