16/02/2026
AI मार्फत नेताहरूको लेखाजोखा : Muttonkaji.world देखि sahakari.money सम्मका वेबसाइट सञ्चालनमा,
नेपाली राजनीतिज्ञ मुछिएका विभिन्न प्रकरण बारेमा Artificial intelligence (AI) प्रयोग गरी विभिन्न वेबसाइट हरु सञ्चालनमा आएका छन् । ‘Vibe Coding’ नामक AI tool को प्रयोग गरी यी website हरु बनाईएको छ ।
सहकरी ठगी प्रकरणमा मुछिएका राष्ट्रिय स्वतन्त्र पार्टी (रास्वपा) का सभापति रवि लामिछानेलाई लक्षित गरी sahakari.money नामक वेबसाइट सञ्चालनमा ल्याइएको छ । भने यो वेबसाइटमा लामिछाने कुन सहकारीको कति रकम अपचलनमा जोडिएका हुन् भन्ने विवरणको टाइमलाइन नै बनाइएको छ । साथै उनले विभिन्न सञ्चार माध्यममा दिएका अभिव्यक्ति, उनीसँग जोडिएका प्रमाण भनिएका बैंकका चेक र अदालतका विवरणलाई पीडीएफ फाइल र क्यूआर कोडमार्फत उपलब्ध गराइएको छ ।
यसैगरी नेपाली कांग्रेसका नेताहरू जोडिएका विभिन्न भ्रष्टाचार प्रकरणहरू बारे muttonkaji.world नामक अर्को वेबसाइट पनि सञ्चालनमा छ । ‘नेपाली कांग्रेस भ्रष्टाचार अभिलेख’ नाम दिइएको यस साइटमा भ्रष्टाचारमा मुछिएका नेताहरूको नाम, उनीहरूमाथि लागेको आरोप र बिगो रकमको विस्तृत सूची राखिएको छ । कांग्रेसले विगतमा गरेका प्रतिबद्धता र त्यसको कार्यान्वयनको अवस्थाका साथै भ्रष्टाचारसँग सम्बन्धित समाचारको सङ्ग्रह पनि यहाँ उपलब्ध छ ।
