05/10/2025
रामेछापमा हालसम्म कुनै मानवीय क्षति हुने गरी वर्षाजन्य विपद्को घटना भएको छैन । तर सडकहरु भने पहिरोका कारण क्षति पुगेका छन् । खिम्ति सेलेघाट सडकखण्ड पहिरो खसेपछि अवरुद्ध भएको छ, त्यसलाई खुलाउने प्रयाय भइरहेको जिल्ला प्रहरी कार्यालयले जनाएको छ । त्यसैगरी लिखु तामाकोशी ७ हलेदेमा पहिरो जाँदा अवरुद्ध भएको सडक खुलाइएको कार्यालयका सूचना अधिकर कौशल न्यौपानेले जानकारी दिनुभयो । उहाँका अनुसार ग्रामिण सडकहरु ठाउँठाउमा क्षतिग्रस्त भएका छन् । जसले सवारी आवागमन ठप्प छन् । हुन त मुख्य सडक खण्डमा पनि जोखिम कायम रहेकोले सवारी साधन सञ्चालनमा कडाइ गरिएको उहाँले बतानुभ यो ।
जिल्लामा के कस्ता क्षति भए यसको विस्तृत विवरण आउन बाँकी रहेको सूचना अधिकारी न्यौपानेले बतानु भयो । हाल वर्षा रोकिएपनि फेरि पानी पर्ने सम्भावना रहेकोले सचेत रहन जिल्ला प्रहरी कार्यालयले आग्रह गरेको छ ।
