21/06/2025
कानेपोखरी गाउँपालिकाको नीति तथा कार्यक्रममा राय, सुझाव संकलन कार्यक्रम सम्पन्न ।
कानेपोखरी, ७ असार ।मोरङमा रहेको कानेपोखरी गाउँपालिकाको कार्यलयले आगामी आर्थिक वर्ष २०८२/०८३ का लागि नीति तथा बजेट कार्यक्रमको लागी सल्लाह तथा सुझाव संकलन गरेको छ ।
सनिवार गाउँपालिकाको कार्यलयमा एक अौपचारिक कार्यक्रमको आजोजना गर्दै राजनीतिक दलका प्रतिनिधि तथा सरोकारवालाहरू सगं छलफल गरि सल्लाह, सुझाव संकलन गरि कार्यक्रम सम्पन्न गरेको छ ।
कार्यक्रम गाउँपालिका अध्यक्ष राजमती इङनामको अध्यक्षतामा सम्पन्न भएको हो। प्रमुख प्रशासकीय अधिकृत हिरा कुमारी यादवको सञ्चालनमा सम्पन्न उक्त कार्यक्रममा उपाध्यक्ष भोला प्रसाद अधिकारी र राजनैतिक दलका नेताहरुको उपस्थिति रहेको थियो ।
कार्यक्रममा कानेपोखरीका विभिन्न राजनीतिक दलका प्रतिनिधिहरूले राय दिनुका साथै महत्वपूर्ण सुझावहरू पनि दिएका थिए। उनीहरूले गाउँपालिकाको नीति तथा कार्यक्रमलाई अझ प्रभावकारी, समावेशी र स्थानीय आवश्यकता अनुसार बनाउनका लागि विविध दृष्टिकोणबाट सुझावहरू राखेका थिए।
विद्यालयका प्रधानाध्यापकले शिक्षामा विशेष जोड दिएका छन् भने राजनीतिकर्मीहरूले समेत वडास्तरमा बाटो, शिक्षा र स्वास्थ्य क्षेत्रलाई प्राथमिकता दिँदै बजेट वृद्धिको माग गरेका छन्। हाल वडाहरूमा सम्बन्धित क्षेत्रमा विभिन्न विकास निर्माणका कार्यहरू सञ्चालनमा रहेका छन्। कानेपोखरी गाउँपालिका कर्मचारी अर्जुन काेइराला र राकुमारी तामाङले राय, सुझाव टिपाेट गर्नु भएकाे थियाे ,।
