01/08/2026
भागोप्रमोले गोर्खाल्याण्डको मुद्दालाई प्राथमिकतामा राखेर कार्य गर्ने
भारतीय गोर्खा प्रजातान्त्रिक मोर्चा केन्द्रीय समितिको बैठक आज सम्पन्न भएको छ। पार्टी अध्यक्ष अनित थापाकाे मुख्य उपस्थितीमा बसेको बैठकले बर्तमान राजनैतिक स्थितिलाई हेरेर महत्वपूर्ण निर्णयहरु लिएको छ। आज बसेको केन्द्रीय समितिको सभामा लिइएको प्रस्तावहरू यसप्रकार छन्।
+जीटीए परित्याग गरेको मुख्य कारण गोर्खाल्याण्ड प्राप्तिको निम्ति बाटो खुल्ला गर्नु थियो। पार्टीले गोर्खाल्याण्डको मुद्दालाई प्राथमिकतामा राखेर कार्य गर्नेछ।
+ पार्टीकाे स्थापना दिवस अघि ( सेप्टेम्बर ९) पार्टीले अधिवेशन बोलाउने छ। ४५ वटै समष्टिका प्रतिनिधिहरु अधिवेशनका सहभागी रहनेछन्।
+ पार्टी अध्यक्षको नेतृत्वमा कोर कमिटी गठन गरिनेछ।
+ सांगठनिक विस्तारको कार्यक्रमलाई अघि बढाउन समष्टि स्तरमा सभाहरू राखिनेछ।
+ पार्टी अध्यक्षको समष्टि भ्रमण सुरु हुनेछ।
