06/05/2023
नेपाल प्रेस युनियन नवलपरासी पश्चिमको ११ औं जिल्ला अधिवेशनमा अध्यक्षमा उमेश कुमार विक चयन ।
वैशाख २३
पश्चिम नवलपरासीको नेपाल प्रेस युनियनको अध्यक्षमा उमेश कुमार विक एक कार्यक्रम विच चयन हुनु भएको छ । आज सरावलमा सम्पन्न ११ औं जिल्ला अधिवेशनले अध्यक्षमा विक सहित १७ सदस्यिय नयाँ कार्य समिति चयन गरेको हो । जसको उपाध्यक्ष खुल्लामा सञ्चिव कोइराला र समावेशी उपाध्यक्षमा सद्दाम हुसैन अन्सारी, सचिवमा अनिल यादव, महिला सहसचिवमा शुशिला पाण्डे, कोषाध्यक्ष मा श्याम बुचा मगर र सह कोषाध्क्षमा नन्दु यादव सर्व सहमत चयन हुनु भएको छ । यस्तै सदस्य हरुमा पुजा लम्साल, राज चौधरी, श्याम बन्दन हरिजन, सिकेन्द्र साहनी, सहमान् मिया, ज्ञानेश्वर साहनी, रञ्जित कोहार, सञ्जय कुशवाह, हृदेश गुप्ता रहनु भएको छ ।
प्रेश युनियन मा जिल्ला अध्यक्ष पुरुषोत्तम सुवेदीको अध्यक्षता तथा संविधान सभा सदस्य एबम् प्रदेश सभा सदस्य देवकरण कलवारको प्रमुख आतिथ्यता रहेको उद्दघाटन सत्रलाई सम्बोधन गर्दै प्रमुख अतिथि कलवारले इमान्दारी र निष्ठा पूर्वक पत्रकारिता गर्न आग्रह गर्नु भयो। कार्यक्रममा प्रेश युनियन प्रदेश सदस्य रवीन्द्र चापागाईं, पूर्व अध्यक्ष अनिल यादव,आर पि उपाध्याय,प्रदेश महासचिव नवीन गिरि, जिल्ला शाखा अध्यक्ष हरि शर्मा लगायतले शुभकामना मन्तव्य राख्नुभएको थियो।
