13/04/2026
दशक प्रवेशको अवसरमा जारी प्रेस विज्ञप्ति
सानीभेरी मिडिया हाउस प्रा.लि.द्वारा सुर्खेतको वीरेन्द्रनगरमा सञ्चालित प्रदेश एफएम १०५ मेगाहर्ज प्रसारणको नवौ वर्ष पूरा गरी आजदेखि गौरवमय दशकको यात्रामा प्रवेश गरेको छ । २०७२ साल चैत्र ३० गते प्रसारण शुभारम्भ गरेको प्रदेश एफएमले एक दशकको अवधिमा अभिव्यक्ति स्वतन्त्रता र सूचनाको हक स्थापित गर्ने कार्यमा उल्लेखनीय भूमिका निर्वाह गरेको छ ।
यसका अलावा सुशासन, समृद्धि र सामाजिक न्यायको राष्ट्रिय कार्यक्रमका विषयमा रेडियोले तटस्थ रुपमा सूचना, समाचार र विचार प्रसारण गरिरहेको छ । यसका साथै प्रदेश सरकार र स्थानीय सरकारका नीति, कार्यक्रमलाई आम जनताको माझमा पुर्याउने र जनताका भावनाहरुलाई नीति निर्माणको तहसम्म पुर्याउने काम समेत निरन्तर गरिरहेको छ । प्रदेश एफएम प्रदेशको बोली' भन्ने नाराका साथ संचालित यस एफएमले अबदेखि राजनीतिक स्थायित्व तथा आर्थिक समृद्धिको पक्षमा सूचना सन्देश र विचार प्रवाह गर्नुलाई आफ्नो कर्तव्यको अंग बनाउनेछ । राजनीतिक रुपमा स्थायित्व र आर्थिक समृद्धि नै अबको मुल बाटो हो।
अन्त्यमा, हामीलाई यहाँसम्म आइपुग्न अहं भूमिका निर्वाह गर्नुहुने सम्पूर्ण विज्ञापनदाता, संस्थामा कार्यरत पत्रकार तथा कर्मचारीहरु, हाम्रा शुभेच्छुक तथा शुभचिन्तकहरुमा हार्दिक धन्यवादसहित रेडियोको स्थापना दिवस तथा नयाँ बर्ष २०८३ को हार्दिक मंगलमय शुभकामना व्यक्त गर्दछौं ।
३० चैत्र २०८२
गणेशकञ्चन भारती
(स्टेशन म्यानेजर)
