03/12/2025
माओवादी कर्णाली संसदीय दलका नेता शर्माद्वारा राजीनामा
सुर्खेत । नेकपा (माओवादी केन्द्र) कर्णाली प्रदेश सभा संसदीय दलका नेता राजकुमार शर्माले आफ्नो पदबाट राजीनामा दिएका छन्।
उनले बुधबार दलका प्रमुख सचेतक कृष्णबादुर जिसीलाई सम्बोधन गर्दै औपचारिक राजीनामा पत्र पठाएका हुन ।
शर्माले पत्रमा उल्लेख गर्दै लेखेका छन्, “म राजकुमार शर्मा नेकपा (माओवादी केन्द्र) कर्णाली प्रदेश सभा दलको दल नेताको पदबाट राजीनामा दिएको व्यहोरा अवगत गराउँदछु।”
कर्णालीका पूर्वमुख्यमन्त्री समेत रहेका शर्मा हालै गठन भएको प्रगतिशील लोकतान्त्रिक पार्टीमा प्रवेश गरिसकेका छन् ।
प्रगतिशील लोकतान्त्रिक पार्टीमा प्रवेश गरेको भएपनि उनले हालसम्म भने प्रदेशसभा सदस्य पदबाट राजीनामा दिएका छैनन्।