Bips Media - बिप्स मिडिया

03/07/2025

खैरहनी नगरपालिका वडा नम्बर १० को एउटा गाउँ पुरानो पिपरा,वडा कार्यालयले मोज्याक टायल लगाईदिए पछि चिटिक्क देखिएको मात्र नभई स्थानीय पनि खुसी छन् ।

03/07/2025

रत्ननगरको पञ्चकन्या माविमा शिक्षक विदाइ र विद्यार्थीलाई पोसाक वितरण

रत्ननगर,१९ असार । रत्ननगर नगरपालिका वडा नम्बर १३ मा अवस्थित पञ्चकन्या माध्यमिक विद्यालयमा शिक्षक विदाई र विपन्न ...

03/07/2025

"पर्यटकीय शहर समुन्नत रत्ननगर"
रत्ननगर नगरपालिका ,रत्ननगर, चितवन, बागमती प्रदेश, नेपाल
"समुदायमा आधारित एक वडा एक कृषि उत्पादन कार्यक्रम अन्तर्गत भैसी विकास कार्यक्रम"
भैसी तथा सामाग्री वितरण कार्यक्रम
मितिः २०८२/०३/१९
समय: दिउसो १:०० बजे
स्थान: वडा नं. ८ को कार्यालय
आयोजक : प्रगतिशिल कृषक समुह र. न. पा वडा नं.-८. चितवन
आर्थिक सहयोग : पशु सेवा कार्यालय भरतपुर, चितवन रत्ननगर नगरपालिका चितवन (लागत साझेदारी)

03/07/2025

माओवादी केन्द्र खैरहनीको मानविय पहल :दिप्सन बचाउन गरे एक लाख बढी सहयोग

चितवन, असार १९ —
“हाम्रो सानो सहयोगले कसैको जीवन रक्षा हुन्छ भने सहयोग किन नगर्ने ?” यस्तै मानवीय भावनाले ओतप्रोत हुँदै नेकपा (माओवादी केन्द्र) खैरहनी नगर कमिटीले क्यान्सर पीडित एक चार वर्षीय बालकको उपचारका लागि एक लाख एक हजार चार सय सोह्र रुपैयाँ (रु. १,०१,४१६) आर्थिक सहयोग हस्तान्तरण गरेको छ ।

गोरखा जिल्ला, शहीद लखन गाउँपालिका–८ स्थायी घर भई हाल चितवनको खैरहनी नगरपालिका–८ पर्सास्थित साना शहरी खानेपानी तथा सरसफाइ उपभोक्ता संस्थामा कार्यालय सहयोगीको रूपमा कार्यरत लक्ष्मण दुवाडी र विनिता दुवाडीका चार वर्षीय छोरा दिप्सन दुवाडी रक्त क्यान्सर (ब्लड क्यान्सर) रोगबाट पीडित छन् । हाल भरतपुरस्थित वी.पी. कोइराला मेमोरियल क्यान्सर अस्पतालमा उपचाररत दिप्सनको आर्थिक अवस्थाले गम्भीर संकट निम्त्याएको छ ।

उनीहरुको न्यून आर्थिक अवस्थालाई मध्यनजर गर्दै नेकपा माओवादी केन्द्र खैरहनी नगर कमिटीको सक्रिय पहलमा सहयोग रकम संकलन गरी हस्तान्तरण गरिएको हो ।

नगर अध्यक्ष ज्ञानबहादुर विसुराल यसो भन्नुहुन्छ ;

“हामीले पार्टीको सामाजिक उत्तरदायित्वअनुसार एक पीडित परिवारलाई जीवन र मृत्युको दोसाँधबाट फर्काउने प्रयासस्वरूप यो सहयोग गरेका हौं। यो कुनै दया होइन, यो हाम्रो कर्तव्य हो। अझ धेरै नागरिक, संघसंस्था, र नेतृत्व तहबाट यस्ता पीडितका लागि सहयोग जुट्न जरुरी छ। सानो योगदानले पनि कोही एक बालकको जीवन र एउटा परिवारको भविष्य जोगिन सक्छ भन्ने सन्देश दिन हामी सबै लाग्नुपर्ने बेला यही हो।”

सहयोग हस्तान्तरण कार्यक्रम माओवादी केन्द्रका नगर अध्यक्ष ज्ञानबहादुर विसुराल (कमान्ड)को अध्यक्षतामा सम्पन्न भएको थियो । कार्यक्रममा कमाण्ड इन्चार्ज कृष्णराज न्यौपाने (लवली), नगर इन्चार्ज लक्ष्मी ढकाल (सृष्टि), नगर वरिष्ठ उपाध्यक्ष टीका दत्त अधिकारी, नगर कोषाध्यक्ष हेमनाथ अर्याल, प्रदेश कमिटी सचिवालय सदस्य रुद्र बहादुर खड्का लगायत नेताहरुको उल्लेख्य उपस्थिति रहेको थियो ।

कार्यक्रममा उपस्थित सबैले दिप्सनको शीघ्र स्वास्थ्य लाभको कामना गर्दै थप सहयोगका लागि सबैलाई हातेमालो गर्न आह्वान गरे ।

03/07/2025

बछौली माविमा विद्यार्थीहरूलाई स्वास्थ्य सुरक्षा र गुणस्तरबारे अभिमुखीकरण

रत्ननगर । बछौली माध्यमिक विद्यालयमा प्राविधिक धारअन्तर्गत होटल म्यानेजमेन्ट अध्ययनरत विद्यार्थीहरूलाई स्वास....

03/07/2025

रत्ननगरको मुख्य बजारमा ९ वटा सिसी क्यामेरा जडान :
बागमती प्रदेश सरकारले रत्ननगरको मुख्य बजार क्षेत्रमा ९ वटा सिसी क्यामेरा जडान गरेको छ। प्रदेश प्रहरी कार्यालयमार्फत टाँडीमा २ वटा,सौराहा चोकमा ३ वटा, निपनीमा २ वटा र टिकौलीमा २ वटा क्यामेरा जडान गरिएको बागमती प्रदेश प्रहरी कार्यालयका प्रहरी नायब उपरीक्षक अभय झाले जानकारी दिए। पछिल्लो समय आपराधिक घटनामा वृद्धि भइरहेको सन्दर्भमा बागमती प्रदेश सरकारले चितवनसहित प्रदेशका १० जिल्लामा सिसी क्यामेरा जडान कार्यलाई तीव्रता दिएको उनले बताए। तस्बिर : बिप्स मिडिया ।

03/07/2025

सडक सुरक्षाको लागि क्यामेरा जडान गर्न प्रदेश सरकारको सहयोग, रत्ननगरको सडकमा ९ वटा क्यामेरा जडान -अभय झा, प्रहरी नायब उपरीक्षक, बागमती प्रदेश

03/07/2025

हार्दिक निमन्त्रणा !

03/07/2025

जिपी फाउन्डेसन चितवनको संयोजन तथा नेपाली कांग्रेस प्रदेशसभा क्षेत्रीय समिति क्षेत्र नं-१ को आयोजनामा नेपाली कांग्रेसका पूर्वसभापति एवम् लोकतन्त्रका शिखर पुरुष, शान्ति नायक स्व. गिरिजाप्रसाद कोइरालाको १०२ औँ जन्मजयन्तीको अवसरमा दीप प्रज्वलन कार्यक्रम रत्ननगर-२, टाँडीचोकमा सम्पन्न गरिएको छ ।

रत्ननगर । जिपी फाउन्डेसन चितवनको संयोजन तथा नेपाली कांग्रेस प्रदेशसभा क्षेत्रीय समिति क्षेत्र नं-१ को आयोजनामा ....

02/07/2025

सुनचाँदी व्यवसायीहरूले चितवनको भरतपुरमा वृहत विरोध प्रदर्शन गरेका छन्।नेपाल सुनचाँदी व्यवसायी संघ चितवन, चितवन सुनचाँदी व्यवसायी संघ पूर्वी चितवन, रत्ननगर सुनचाँदी व्यवसायी संघ (नगर संघ) ले सुनमा लगाइएको दुई प्रतिशत विलासिता कर खारेजीको माग गर्दै प्रदर्शन गरेका हुन्।

अमिर रामदाम, भरतपुर, १८ असार । सुनचाँदी व्यवसायीहरूले चितवनको भरतपुरमा वृहत विरोध प्रदर्शन गरेका छन्। नेपाल सुनच...

02/07/2025

गायत्री हरिहर मन्दिरद्वारा सञ्चालित गायत्री वेदवेदाङ्ग संस्कृत विद्यालय गुरुकुलमको भवन निर्माणको सार्वजनिक सुनुवाई गरिएको छ । बुधवार एक औपचारिक कार्यक्रमको आयोजना गरि भवन निर्माणको आम्दानी खर्च सार्वजनिक गरिएको हो । वागमती प्रदेशको संस्कृति तथा पर्यटन मन्त्रालयबाट प्राप्त १० लाख रूपैया र गुरुकुलमको लागत सहभागिता ४ लाख ३१ हजार ८६ रूपैया गरि १४ लाख ३१ हजार ६८ रूपैयाको लगानीमा भवन निर्माण गरिएको हो ।
निर्माण सामग्री खरिदमा १० लाख ४१ हजार १८ रूपैया, कामदार ज्याल ३ लाख ९० हजार ५० रूपैया खर्च भएको भवन निर्माण समितिका अध्यक्ष शंकर गिरीले जानकारी दिए । कार्यक्रममा गिरीले मन्दिरलाई हरिहर सदन र धार्मिक पर्यटनको विकासको लागि धर्मशाला निर्माणको काम भइरहेको बताए । गायत्री हरिहर मन्दिन व्यवस्थापन समितिका अध्यक्ष निलकण्ठ पौडेलको अध्यक्षतामा भएको कार्यक्रममा मन्दिरका निवर्तमान अध्यक्ष तथा धर्मशालाका प्रमुख संरक्षक नेमराज शर्मा पौडेलले कार्यक्रमको उद्देश्यको बारेमा जानकारी गराएका थिए ।
गुरुकुलमका अध्यक्ष तथा मन्दिरका सचिव सोमप्रसाद भट्टले सञ्चालन गरेको उक्त कार्यक्रममा जग्गादाता नगिया थरुनी सहित मन्दिर व्यवस्थान समितिका पदाधिकारी तथा सदस्यहरु, धर्मशाला, गुरुकुलमका पदाधिकारी तथा सदस्यहरुको उपस्थिति रहको थियो । त्यसैगरी गायत्री हरिहर मन्दिरमा संस्कृति तथा पर्यटन मन्त्रालयको दुई लाखको लगानीमा गायत्री हरिहर बाचनालय निर्माणको काम भइरहेको मन्दिरका अध्यक्ष पौडेलले जानकारी दिए । संस्कृत भाषा संरक्षण तथा प्रवद्र्धन कार्यक्रम अन्तर्गत मन्त्रालयको सहयोगमा संस्कृत भाषा प्रशिक्षण कार्यक्रम गरि बाचनालय निर्माणाधिन अबस्थामा रहेको उनको भनाई छ ।