22/04/2025
बुद्धभुमि वडा नम्बर १० धनकौली बाट सामुदायिक रेडियो कपिलवस्तुलाई उपकरण हस्तान्तरण ।।
वैशाख ९ , कपिलवस्तु
बुद्धभुमि नगरपालिका वडा नम्बर १० धनकौलीले सामुदायिक रेडियो कपिलवस्तु १०४.२ मेगाहर्जलाई एक थान क्याम्प्युटर र एक थान हेडफोन स्पीकर हस्तान्तरण गरेको छ। आज एक कार्यक्रमबीच बुद्धभुमि नगरपालिका वडा नम्बर १० का वडा वडाध्यक्ष सन्दीप कुमार पाण्डेयले सामुदायिक रेडियो कपिलवस्तु १०४.२ मेगाहर्ज का स्टेसन म्यानेजर शत्रुघन खरविन्दलाई उक्त सामग्रीहरू हस्तान्तरण गर्नुभएको हो । वडाबाट सञ्चारमाध्यममार्फत सेवा तथा सूचना छिटो र प्रभावकारी रूपमा सर्वसाधारणसम्म पु¥याउने उद्देश्यले उपकरण हस्तान्तरण गरिएको अध्यक्ष पाण्डेयले बताउनुभयो।वडाको वार्षिक कार्यक्रम अनुसार एक लाख रुपैयाँ बराबरको उक्त सामग्री रेडियोलाई प्रदान गरिएको हो।
सामग्री प्राप्त गरेपछि स्टेसन म्यानेजर खरविन्दले वडाप्रति धन्यवाद ज्ञापन गर्दै भने, “सूचना तथा सञ्चारलाई सहज र छरितो रूपमा आम जनसमुदायसम्म पु¥याउन यी सामग्रीहरू निकै उपयोगी हुनेछन्। यसले रेडियोको कार्यक्षमता थप वृद्धि गर्नेछ।“ सञ्चारको पहुँच गाउँगाउँसम्म पु¥याउन र स्थानीय तहका गतिविधिहरू जनतालाई सुसूचित गराउन सामुदायिक रेडियोको भूमिका महत्वपूर्ण मानिन्छ । यस यपकरणले वडास्तरीय सूचना प्रवाहलाई थप मजबुत बनाउने अपेक्षा गरिएको छ।
