15/01/2026
ठोरीमा ल्होछार महिला दौड प्रतियोगिता आयोजना हुने
माघ १, ठोरी । पर्साको ठोरीमा ल्होछार अर्थात् नयाँ वर्षको अवसरमा पृथक् प्रकारको कार्यक्रम आयोजना गरिने भएको छ । नयाँ सोच र विचारको सिर्जना गर्दै यसलाई प्रथा र परम्पराको रूपमा स्थापित गर्ने उद्देश्यका साथ गुम्बालाइन परिवारले यो कार्यक्रमको आयोजना गरेको हो ।
कार्यक्रमका मुख्य आकर्षणहरू :
१. ल्होछार महिला "RUN FOR HEART & RUN FOR THORI": सामाजिक समावेशीकरण र लैङ्गिक समानताका लागि "महिला सशक्तीकरण, समान अधिकार, समावेशी समाज" नाराका साथ आयोजित यो प्रतियोगितामा विवाहित महिलाहरूले तामाङ परम्परागत पोशाकमा भाग लिनुपर्नेछ । प्रथम हुनेलाई नगद रु. ५,०००, दोस्रो हुनेलाई रु. ३,००० र तेस्रो हुनेलाई रु. २,००० पुरस्कार प्रदान गरिनेछ ।
२. ल्होछार कोसेली हस्तान्तरण तथा शुभकामना आदानप्रदान कार्यक्रम : कोसेलीको रूपमा कार्यक्रमको दिन सरप्राइज प्रस्तुत गरिने छ । यसलाई प्रथा र परम्पराको रूपमा स्थापित गर्ने आयोजकको मुख्य उद्देश्य रहेको छ ।
कार्यक्रमको मुख्य प्रायोजकका रूपमा अमेरिकाको न्यूयोर्क निवासी पद्मा प्रधानले रु. ३०,००० सहयोग गर्नुभएको छ । उहाँ प्रेमपूर्ण प्रताप फाउन्डेसनकी संरक्षक हुनुहुन्छ । आयोजकका तर्फबाट उहाँलाई हार्दिक धन्यवाद ज्ञापन गरिएको छ ।
कार्यक्रमको आयोजक श्री ज्याम्पा देक्षेनलिङ बौद्ध गुम्बा ठोरी–४ रहेको छ । कार्यक्रम मिति २०८२ माघ ५ गते बिहान ८:०० बजेदेखि ठोरी-४, गुम्बालाइनमा सुरु हुनेछ । भाग लिन इच्छुक महिला तथा दिदीबहिनीहरूले ९८४५६६५८०५, ९८०३२६६५३८ वा ९८४५७७९३९ मा सम्पर्क गर्न सक्नुहुनेछ ।
